2 Timote 4:2 - Kwatay (Kuwaataay)

² atoof, átaañi, a̱waare hirim hite Atambatun, abe n'aŋ'a̱sooñoor kep. A̱joŋooran kéehinaariit ku ajakee, a̱kamoor ti kiŋki kahoofoor, abe n'á̱wutiyeniin sihel kéehin ajakee. A̱liikeniin ni kámuñu kómbokun.

2 Timote 4:2 Referans Kwoze

1 Tesalonik 5:14

Kújakuwe, uni bokondu ti kalawuuun yooŋ bonde: árihamin ayanee biñek bu; ariyaŋganan kikaw kiŋki kañako ni hiñaawu; áriyokunan keebajut ku sembe, abe n'aŋ'árimuñ n'ésuk i ereyi fe.

Eleetar i yi Pool akiñje i Tit 2:15

Bonde b'a̱ware fu kaliiken ésuk i. A̱yaŋganan kikaw kiŋki kajamatani, abe kéejeŋginaariit ku, n'a̱kamoor tu boko. Á̱hin bondu ayan faŋ, abe atum'a̱was an tu boko eesooŋi.

1 Timote 4:13

Á̱ñiŋkaan aŋ'a̱jaŋga *Míkiñjin mu tu buhooŋu kéeyilene ku, n'á̱handiniin mo, abe n'a̱liikeniin yooŋ bija kóyin k'ibin ku.

Kafeeñal ku 3:19

Bakan k'ímaŋie ku fe, iŋ'ijoŋooraniin abe n'ímiñiin. Náami á̱ñiŋkaan á̱habanein, abe n'a̱watanooro wuhoofoor wúuwe.

Eleetar i yi Pool akiñje i Tit 1:13

Abe b'asoke bu bite toko. Iŋ'ite ho aamo fu a̱kamoor tu boko ásuf man káyilen kooniin nu kujoŋoor.

2 Timote 2:21

*Kéeyilene ku yooŋ iyu. An *af'akuuranooro ti meejakut monde m'isoke mu fe, an ondu anokooranokoor n'éndiis yey'énuutannee hunak hite efeet. Atambatun kákajino bija ti bike burok, ábuki o káñjeriŋ an éekinio u, abe o kásikiee aŋ'abin áhin burok bánoban fe beejake.

Galasi 6:6

An i kaamo ti kaliiken Hirim Heetoofe hu, awarawar káruboor buroon fe beejake n'an eeemo u ti kaliiken koone.

Eleetar i yi Pool akiñje i bakate ku Rom 12:12

Kikawuun kutoof iŋ'ite eyakar y'aribaje i. Árimuñ ti sílaam sans'arijuk, abe n'aŋ'áriñiŋkaan ti kalawu ku.

2 Timote 3:10

Awe bare á̱moomi akuur but bimb'iliiken ésuk i, nu hunoŋk húuma, ni b'iŋese bu tu burok búuma, ni káyilen kúuma, ni kámuñu kúuma, nu buŋ b'ímaŋie fu ésuk i, nu buŋ b'if'ijok alitee,

1 Timote 5:20

Kiŋki káhin wuhoofoor wu, a̱kamoor tu boko tu buhooŋu ésuk i, man bakaaku yooŋ ni kákoleyi.

Kolos 1:25

Íñje hahiyu aroka ite kéeyilene ku. Atambatun asejanam fu burok bondu kaanuku iŋ'ibin irok bo bija t'aruun: aboñamboñ kaanuku iiwaare hirim hoone hireyi fe.

Eleetar i yi Pool akiñje i bakate ku Rom 10:15

Buŋ b'an aja fu kasokiiin ho t'aboñutee? Míkiñjin mu meenaan: «Aŋ'atoof dómbokun kane kiŋki kawaare Hirim Heetoofe hu káreeŋin!»

Epotor i 20:7

Ti samdi i káajiim ku, n'irikuukanooro kaanuku iriiñoofo Éhijiima yite Anahaan u. Náami Pool éehamin afiyo n'ésuk i bija yooŋ nu huhuk hu, ábuki awarawar bija naane kuwaatu.

Epotor i 16:13

*H'erimaas ite Esuwif i ereeŋe hu, n'irinuut hikinu hu iriija ti kaayelu ku, ti kaanu man uni kajuku ne bo tike tiŋ tand'alawee. N'abaj bakaake haare keekuukanooree toko. N'iririiko, abe n'írihamin nu boko.

Hirim Heetoofe hu hi Luk akiñje hu 9:60

Yesu n'aano: —A̱was keekete ku keehok bakan kooniin keekete ku. Abe awe, a̱ja a̱waare *Jáyi jite Atambatun.

Hirim Heetoofe hu hi Luk akiñje hu 7:4

Bokondu ni kareeŋ ti Yesu, abe ni káwasiyano kaano: —Ániine ondu átumbatumba áyemi káyokunan.

1 Tesalonik 5:20

atum'ariteñeko báhamin bite kiŋki kayiŋan tu huruwu hite Atambatun.

Hirim Heetoofe hu hi Luk akiñje hu 7:23

Atoof t'an at'awas káyilen k'abaje ku t'íñje!

2 Timote 2:25

Asaaho tíŋ eeliiken keeteñekoo ku. Maske Atambatun n'aŋ'áhiniin keewatanooro kinij kooniin kéemeyi múniyo mu.

Esuwif i 13:22

Kújakuwe, íñj'endu ti káwasiyanuun bonde: arijamatan jak kirim konde kite kayaŋgananuun kikaw k'íkiñjinuun kee t'eleetar yende yeekambut yee.

Epotor i 28:16

H'irireeŋe hu Rom, ni kawas Pool eekin t'eke enuuf, asulaan aŋ'ajukaro.

Epotor i 13:5

Hi kareeŋe hu Salamin, ni kawaare Hirim hite Atambatun ti *ñáalawum ñite Esuwif i. Saaŋ-Mark ámoomi nu boko, abe aŋ'áyokunaniin.

Kolos 4:3

Af'áriyemi ti kalawu, n'aŋ'arilaw n'uni man Atambatun n'awun uni bítim iriiwaare ésuk i hirim hoone, abe n'irisokiin yooŋ béenuusee bite bu *Kiris. Aŋarkeyi naane iwaarawaare béenuusee bondu híkinineŋe fu n'ikulee.

1 Tesalonik 1:6

Arineefananeefan ti máhinar mite m'uni, ni mite m'Anahaan u; arijukajuk sílaam iŋ'ite Hirim Heetoofe hu, bare arijokajok ho ni katoofu ku, ku Búwejet Beenabe bu kuŋku buwun.