2 Timote 4:1 - Kwatay (Kuwaataay)

¹ Íñj'endu ti káwasiyani bonde hágila Atambatun, ni Yesu *Kiris eeja u bíbatikeina ti Jáyi joone, abe n'ajoonan keeroŋe ku ni keekete ku:

2 Timote 4:1 Referans Kwoze

Epotor i 10:42

N'áhamin uni ayan, aane iriwaare ésuk i, abe n'irisok kaanuku akina aamo fu an u a Atambatun asiiŋane u kaanuku eejoonan keeroŋe ku ni keekete ku.

2 Timote 4:8

Hahiyu hisiibanu hite an eeheeke u hondiam ti kanahan. Ho heemo fu hisiibanu hite an éejube h'Anahaan u, ajoonana éejube u aja hu kasaanam hunak hite Kajoonan ku. Abe íñjeiit barebare a aja fu kasaan ho; o kasaan ho yooŋ kéesike ku siheliin fe kanaŋ ti bíbatikeina boone.

1 Timote 5:21

Íñj'endu ti káwasiyani bonde hágila Atambatun, ni Yesu Kiris, n'emalaka i keenabe ku: á̱hin bonde b'isoki bee, a̱jok ésuk i fe kare, atum'aŋ'a̱reeŋo yooŋ an.

2 Timote 2:14

Bondu b'a̱ware fu kábaŋinan ésuk i ko kireyi fe. Á̱haminiin ayanee hágila Atambatun a̱aaniin itim'iŋi kalob iŋ'ite kirim. Bondu bibajut éñjeriŋ, kane arko taŋ kábuju sihel site keeemo ku ti bajamatan bu.

Májiye 16:27

Isokuunsok bonde ábuki *Añi ute Húŋgowulan hu bibin ti sembe sómbokun site Faafo n'emalaka yeene, abe n'aŋ'abatikan huruw fe doon d'aroke du.

Eleetar i yi Pool akiñje i Tit 2:13

Iyu u úware fu kanahan hunak heetoofe hu h'úyakare hu. Hunak hondu, Yesu *Kiris Afakana ite úne, eeemo u Atambatun eehahe u, bibin káanikin naane.

1 Piyeer 5:4

Abe Kiris Aseef ite ehaawa i af'aja áŋaasin, n'aŋ'awunuun hisiibanu héenike, abe utu húbujo hikee.

1 Saaŋ 2:28

Hee kúñuumo, arijok alitee ti káhinu k'árihine ku t'afeeneŋ ni Kiris, man hunak h'abin hu ifi hireeŋ, kikaw úne ni kiyaŋg piŋ; utum'úbin úfuño hágilao hunak hondu.

1 Piyeer 4:5

Bare boko bibin kakamu Atambatun bi káhine bu fe. Akina afaraa kajoonan keeroŋe ku ni keekete ku.

1 Piyeer 1:7

Sílaam sondu site kajuku man káyilen koonuun kite nu múniyo man yooŋ. Éwurus áyinooniee kábuju, bare ti sineemak t'af'ajukee man ejakajak. Iyu yooŋ i káyilen koonuun keehaŋe ku éwurus ifi kiŋesee ti sílaam sánosan, t'ajuk man kiyanayan. Náami hunak hi Yesu Kiris áŋaasin hu, Atambatun kasokorooruun, n'ánikanuun, abe n'asaluun.

2 Tesalonik 2:8

Ánafuta u n'aŋ'áŋaasin, abe Anahaan u Yesu n'aŋ'áwuur te o eeyoolo. O kátumbu ábujarooroo ni meejaaŋe meeyak mu káriboorina ne o kane ábatikein.

Eleetar i yi Pool akiñje i bakate ku Rom 2:16

Bondu bija fu kajukiee akuur but hunak h'Atambatun aja hu kaŋaasu ti Yesu *Kiris eejoonan biyinoor béenuusee bite kúŋgowulan ku, naane Hirim Heetoofe hu hih'iwaare iye husoke i.

Epotor i 17:31

Ábuki áfiitenafiiten hunak h'aja hu kajoonan te ho ésuk i ereyi fe ajoŋooree. Awasawas bondu tu sumoŋu site an a ajifane u. Áwufoorawufoor ésuk i ereyi fe an ondu aamo fu aañ, h'aritano hu t'eket i!

2 Piyeer 1:11

Iyu a Atambatun aja fu káfeŋginuun tay wuruŋ wute Jáyi jéehabanaariit ju. Jo jeemo fu jite ju Yesu Kiris Anahaan ite úne, *n'Afakana ite úne yooŋ toko.

Hirim Heetoofe hu hi Luk akiñje hu 23:42

Abe n'aane: —Yesu, abe n'á̱baŋinaam kane a̱ja a̱bin ti Jáyi júuwe.

Hirim Heetoofe hu hi Luk akiñje hu 19:15

«H'aamo hu káhino áyi kahaban, ániine u n'áyeetin. N'aruw eroka i k'asaane ku sírirem su, eejuk butumbuŋ bi kabaje fu.

Hirim Heetoofe hu hi Luk akiñje hu 19:12

Bonde b'asokiin bu: —Abajeebaj ake ániine, an ómbokun ti hikinu hooniin. N'abin áyemi ti bija t'ésuk yeekambe kaanuku kéehino bo áyi, abe n'ábatikein.

Kafeeñal ku 1:7

Arijuk, ondu ti bibin tu bufor bu! Ésuk i fe, bija yooŋ ni keeyao ku kajukio ni ñíkiniin. Búsuk bite t'etaam ye fe kayiyu uŋu hoone hu. Hee bondu kabaju! Amiin!

2 Piyeer 1:17

Írimoomi ne o ti hirij heenabe hu, kóyin k'Atambatun Faaf u ánikano ku, abe n'asalo yooŋ. Kóŋkeyin, kaaji kite Atambatun eehaŋe u énika kíhaminnahaminn ne o keene: «An onde aamo fu Añi úuma i ímaŋie u. Te o ti hikawam hutoofe fu.» Uni kumuum uni irijamajam kaaji kondu kéenuutina kii t'etiir bufor bu.

Kolos 3:4

Kiris aamo fu buroŋ boonuun nu múniyo. Af'abin áŋaasin, n'aŋ'áriŋaasin yooŋ ne o ti kániku koone.

2 Timote 1:10

Hahiye kujukanaa ésuk i *h'Afakana ite úne Yesu Kiris áŋaasina hu. Akina ábuje fu sembe site eket i, abe n'aŋaas ti Hirim Heetoofe hu éewufoor úne buroŋ béeketaariit bu.

2 Timote 4:18

O karamiam ti meejakut mánoman, abe o kajukaram kaanuku iibin iyooso ti Jáyi joone jite ju t'etiir. Aja ákini kániku ku hiraanu! Amiin.