2 Timote 3:8 - Kwatay (Kuwaataay)

⁸ Naane Sanes ni Sambures kabine i kañakoor nu *Moyis, iyu yooŋ i bokondu ifi kañakoor nu múniyo mu. Siheliin siyeemayeem, abe káyilen kooniin kuñunut.

2 Timote 3:8 Referans Kwoze

Kafeeñal ku 2:20

Bare b'ítaañiane bu t'awe beemo fu bonde: a̱wasawas Sesabel, anaare ondu eeene u akina aamo *ayiŋana ite Atambatun eebuut bakan kúuma ti naane aa aliikeniin huŋotu hu ni bakan ki kaseñeit, ni kateŋu kite efuwa yite sunuk *seesarahee tu ñúwisenum.

1 Timote 6:5

ni síjeeŋoor séehabanaariit su. Kiŋki káhin iyu, ñúwejet ñooniin ñíbaanabaani, abe iŋkut kámeyi yooŋ múniyo mu. Iŋi kaane man káyilen ku t'Atambatun efehe yite bisaanumato.

Eleetar i yi Pool akiñje i Tit 1:16

Iŋi kaane kámoomi Atambatun, bare kinij kooniin kúwufoorawufoor kaanuku tókoiit. Káhuufunanahuufunani, kájeŋginaariit Atambatun, abe yooŋ kayinaat káhinu mayet bifeeneŋ beejake.

1 Saaŋ 4:1

Kújakuwe, aruun k'ímaŋie-maŋie ku, atum'áriyilen ésuk i fe kiŋki kaane Búwejet Beenabe bu bondu tu boko. Ariŋesiin kep ariijuk man búwejet bi kabaje bu, t'Atambatun tu búnuutina. Isokuunsok bonde ábuki kiŋki kajuus kaane boko kaamo *eyiŋana yite Atambatun bokondu t'etaam i, abe kahoojahooj.

2 Piyeer 2:14

Kikawiin fe kondu ti haare hu, kaanuku man ni kaŋot nu boko. Kálaamaariit hikee ti káhinu kite wuhoofoor wu, abe iŋi kabuut bakan keejokut ku alitee ti bítim bite *Kiris. Kabaju sírirem taŋ keemo fu ti kikawiin. Bokondu Atambatun áwuumiinwuum!

2 Timote 4:15

Awe yooŋ a̱naŋ te o hikawi, ábuki ásokumasokum ni sembe kawaare kite k'uni.

Efees 4:14

Náami ut'uŋk'úyemi biñi. Ut'uŋk'úyemi naane busoona bu móhujo miñake tánotan ti han hu, man yooŋ b'eyam i etendeŋane. Ejuusa i yooŋ it'iŋki kabuut úne ni báhamin bimbi kanoŋk kéetuut.

1 Timote 4:2

Boko kawasu ñatuuk ñu ñeeemo ñu ejuusa ñeebuutiin; ñatuuk ñondu, siheliin siketaket kite so súsufee ni mañ méesufanee miyak milaañ jif.

1 Timote 1:19

ni káyilen, n'ehel yooŋ yeekuure. Bakaake kateñekateñeko káhinu naane siheliin susokiin i ayak abin áami káyilen kooniin kúbujaa.

Eleetar i yi Pool akiñje i bakate ku Rom 16:18

ábuki bakan naane bokondu károkaariit bija ti *Kiris Anahaan ite úne; iŋi karok bija ti kariin! Nu ñutum ñooniin ñeetoofe ñaa, ni báhamin booniin yooŋ bite kásoŋotiyan ku n'ifi kabuut kéeniyeit ku.

Kafeeñal ku 2:6

Bare beetoofam bu t'awe beemo fu bonde: a̱huufahuuf naane íñje bi bakan keeriboore ku ni Nikola bimbi káhin.

1 Saaŋ 2:18

Kúñuumo, kamoosen kite etaam i kulohena! Arijamajam kaanuku Anatoora ite *Kiris awarawar bibin. Abe hahiye enatoora yite Kiris keehooje kabina; iŋ'ite ho h'úmeyie fu kaanuku kamoosen kite etaam i kulohena.

Eleetar i yi Pool akiñje i Tit 1:10

Abajeebaj bakan keehooje kájeŋginaariit an, áhaŋum t'Esuwif i keeyoosee ku bítim bite *Kiris. Iŋi kabuut ésuk i ni kirim kooniin keeñunut ku.

Eleetar i yi Pool akiñje i bakate ku Rom 1:28

Naane aamo i kateñekateñeko kámeyi Atambatun, Atambatun n'awasiin nu búwesinato booniin beeñunut bu kaanuku iŋi káhin buroon bi kawarut bu káhinu.

Epotor i 15:24

Irijamajam kaanuku bakaake bakate t'uni kajauunja kábuju sihel ni kirim kooniin. Úniiit íriboñiniin.