2 Timote 3:16 - Kwatay (Kuwaataay)

¹⁶ Míkiñjin mu fe, Atambatun atiŋge fu ésuk i keekiñj mo, abe mibajabaj éñjeriŋ bija ti kaliiken kite ésuk i múniyo mu, ni káwufoor an katin koone, ni kajoŋooran an éehinut áwariee, ni kaliiken an buroŋ beetoofe Atambatun.

2 Timote 3:16 Referans Kwoze

Eleetar i yi Pool akiñje i bakate ku Rom 15:4

Beesokee bu kóŋkeyin ti Míkiñjin mu fe, bo bite kaliiken úne, ni biyaŋganan úne kikaw, abe ni bíhin úne uŋ'úmuñ kaanuku man n'úbaj eyakar.

Esuwif i 4:12

Hirim hite Atambatun huroŋaroŋ jes, abe yooŋ hibajabaj sembe. Hihaŋahaŋ kábura kánokan fe kariyu. Uŋu huyooso bija níbahindaa ti yaan i éfimboore du nu búwejet bu, nu tu súkulinu su sífimboore du ni matoof mu. Iŋi hifeeñal biyinoor beeemo bu tu búwejet bite an, nu doon fe d'ámaŋie káhinu.

Mark 12:24

Yesu n'aaniin: —Árijuuma fu, abe árimoomi iŋi naŋ? Ábuki árimeyiit *Míkiñjin mu, árimeyiit yooŋ sembe site Atambatun.

2 Timote 4:2

atoof, átaañi, a̱waare hirim hite Atambatun, abe n'aŋ'a̱sooñoor kep. A̱joŋooran kéehinaariit ku ajakee, a̱kamoor ti kiŋki kahoofoor, abe n'á̱wutiyeniin sihel kéehin ajakee. A̱liikeniin ni kámuñu kómbokun.

2 Timote 2:25

Asaaho tíŋ eeliiken keeteñekoo ku. Maske Atambatun n'aŋ'áhiniin keewatanooro kinij kooniin kéemeyi múniyo mu.

Epotor i 20:20

Árimoomi kaanuku ínuusutuun doon fe ti beewaruun bu káñjeriŋ: iŋ'iwaareuun, abe n'iliikenuun ti sifiñjan su, nu tu sunuuf soonuun.

Saaŋ 3:20

An fe éenoŋkaariit ajakee aŋ'ahuuf meejaaŋe mu, ábinaariit yooŋ te mo, ábuki aŋ'ákoleyi kaanuku buroon beejakut bu bamb'áhin n'iŋi bujukano.

Májiye 13:52

N'aaniin: —Náami yooŋ ámuse fe ite *Eluwa yite Moyis, i kaliikene múniyo mite *Jáyi jite Atambatun, anokooranokoor naane ate enuuf éebisinna buroon bíyeni nu buroon beehaane t'ebaj yeene.

Epotor i 18:25

Áwufooreewufoor bítim bite Atemit, abe aŋ'aliiken ésuk i áhabanein bite bu Yesu ajoŋoor júl. Bare *kaboste kite ku Saaŋ taŋ k'ámeyie fu.

Eleetar i yi Pool akiñje i bakate ku Rom 2:20

n'ajoŋoorana ite kéeniyeit ku, n'aliikena ite kéemeyiit ku doon ti bítim bu, aŋarkeyi naane bukuurikuur kaanuku Eluwa i éwufooriwufoor akuur but kámeyi ku nu múniyo mu.

Galasi 3:8

Míkiñjin mu mifiyafiya musok meene Atambatun kajoku keenooto ku Esuwif bakan kéejube iŋi káyilen kooniin. Iŋ'ite ho hu musoŋke fu busok Aburaham hirim heetoofe honde. Meenaan: «Atambatun kásoniyan siheet site t'etaam i fe uŋu húuwe hu.»

Esuwif i 3:7

Iŋ'ite ho hu Búwejet Beenabe bu busoke fu bonde. Beenaan: «Úmiye, af'arijam kaaji kite Atambatun,

1 Korent 12:7

Búwejet bu buwunawun huruw fe t'úne bike bite káyokunan *kéeyilene ku fe.

Epotor i 20:27

Ábuki isokuunsok b'Atambatun aŋese bu fe, ínuusutuun doon.

Saaŋ 10:35

Atambatun aanaan bakan k'asoke ku hirim hoone boko etambatun, abe an ayinaat kanuutan beesokee bu ti *Míkiñjin mu.

Májiye 26:56

Bare bondu fe bijaja iyu kaanuku man naane *eyiŋana yite Atambatun kasoke i ti Míkiñjin mu ni bibaj. Náami eriboora yeene fe kateya kéefiiteno.

Epotor i 1:16

—Kújakuwe, báhamin beesokee bu ti *Míkiñjin mu fififi buwarawar kabaju. Búwejet Beenabe bu bitiŋgatiŋg *Dafit eesoŋk busok mite mu *Suda eeje u n'ésuk i keejok Yesu.

Májiye 21:42

Yesu n'aaniin: —Eeman arijaŋgajaŋga bonde beesokee bu ti *Míkiñjin mu? Meenaan: «Elaaliñj i y'enuta i káfiitene i yéeni, yo esooñe fu éyemi meeyane mite enuuf i. Atemit áhine fu bondu, abe bijahalajahal úne dómbokun!»

Eleetar i yi Pool akiñje i bakate ku Rom 4:23

Bare kirim konde: «Atambatun ajokojok an éejube», kikiñjutee bija t'Aburaham unoono.

Esuwif i 11:1

Káyilen ámoomi naane iye: butum bukuura an u kaanuku doon d'ayakare du, do kabaju, abe amanteerut yooŋ kaanuku buroon béejukaariitee bu múniyo bibajabaj.

Eleetar i yi Pool akiñje i bakate ku Rom 3:2

Kahaŋu kondu toko tu doon areyi fe. Kítiyar ku keemo fu Esuwif i k'Atambatun asaane fu hirim hoone.

Epotor i 28:25

Naane aamo i kanooto ti kajamoor boko kumuumiin, abe yooŋ bokondu ti bija biyeetu, Pool n'áwutiyen aane: —Búwejet Beenabe bu bukooŋakooŋ fu naane ti kirim konde ki bíhine ku *Esayi ayiŋana ite Atambatun eesok sifaafuun kómbokun!

Mark 12:36

Dafit humuumo, Búwejet Beenabe bu bitiŋgotiŋg ayak abin áami aana: «Atemit aanaan Anahaan úuma: “A̱riiko inde *baatosam ayak abin áami ikalaa enatoora íiwe tuus, awe á̱ayemi áyi u.”»

Májiye 26:54

Bare káhinu iyu, buŋ bi beesokee bu ti *Míkiñjin mu bija fu kabaju? Meenaan fu iyu i biware fu bija.

Májiye 22:43

Yesu n'aaniin: —Buŋ b'aamo fu Dafit, Búwejet Beenabe bu bitiŋgotiŋg ayak abin áami aŋ'aano «Anahaan u»? Ábuki fu Dafit aanaan: