1 Timote 6:5 - Kwatay (Kuwaataay)

⁵ ni síjeeŋoor séehabanaariit su. Kiŋki káhin iyu, ñúwejet ñooniin ñíbaanabaani, abe iŋkut kámeyi yooŋ múniyo mu. Iŋi kaane man káyilen ku t'Atambatun efehe yite bisaanumato.

1 Timote 6:5 Referans Kwoze

2 Timote 3:5

Boko káhinu ni kite bayi kabajabaj káyilen, bare boko biteñeko sembe site te ko. A̱kamb bakan kondu!

2 Piyeer 2:3

Émuse yendu, káfaŋi kooniin kite sírirem su káhinu ni kasokuun báhamin bi kanoŋke kéetuut, kaanuku man ni kahoohuun. Bare afiyee naane kajoonan kooniin kisiiŋee i, abe at'ahul bútowuto booniin ni bireeŋ!

Eleetar i yi Pool akiñje i Tit 1:11

Kawarawar kakumbiee ñutum, ábuki iŋi kayeeñooran kaanas ñeeba ti kaliiken kite ésuk i beejarut bu, kaanuku taŋ keebaj sírirem si kásuwatut.

2 Timote 3:8

Naane Sanes ni Sambures kabine i kañakoor nu *Moyis, iyu yooŋ i bokondu ifi kañakoor nu múniyo mu. Siheliin siyeemayeem, abe káyilen kooniin kuñunut.

1 Timote 6:6

Múniyo káyilen ku t'Atambatun ebaj yómbokun tu húŋgowulan, kane arko hikawo hutoofatoof tu doon d'abaje du.

1 Timote 3:3

Awarut káyemi áhujaa ómbokun, awarut yooŋ káyemi aloba, bare awarawar káneeni, abe n'áyemi an ite káasuumaay. Awarut kanaŋu hikawo ti sírirem.

Májiye 23:13

—Átaañi t'aruun *émuse yite Eluwa yite Moyis, n'aruun *Efarisiyeŋ i! Ñatuuk ñondu! Arikulakul ésuk i tíyaŋ *Jáyi jite Atambatun. Ariyooseit toko aruun kumuumuun, abe n'ariteñeko yooŋ kawasu kéemaŋie ku keeyooso.

Májiye 12:33

—Ariliik tu nunukanuk neejake: miriyaay mite te no iŋi mijak; nunukanuk neejakut, miriyaay mite te no míjakaariit. Nunukanuk aŋ'akeetanee ti miriyaay mite te no.

1 Timote 1:6

Bakaake káwuŋgawuŋg bondu kiñaawu, abe iŋi kayiil ti báhamin beeñunut.

Kafeeñal ku 18:3

Ábuki biheet bu fe búhujahujo t'ébiñ ite bufurukato bite te yo beehahe bu biyak uŋu búwusan. Bákayi kite etaam i kaŋotaŋot ne yo, abe éjulaata i bakate t'etaam i káyemia kusaanum t'ebaj yeene yeehahe i yite bufurukato bu.»

Eleetar i yi Sud akiñje i 1:11

Átaañi tu boko! Ábuki kasasa Kayin ti hiñaawu; káhinahin beejakut naane Balam kaanuku man ni kabaj sírirem; kátowutatowuto yooŋ ábuki kárahanorahan naane Kore.

2 Piyeer 2:15

Kawasawas bítim beejoŋoore bu, abe ni kátowuto. Iŋi kasa ti hiñaawu Balam ayiŋana u, añi ite Bosoor, akina éemaŋie u ajaamee sírirem éehin meejakut.

1 Timote 3:8

Ejokoora yite kikaw kite sijaŋgu su kawarawar yooŋ káyemi bakan keejoŋoore, ni káyemi yooŋ bakate bifeeneŋ. Kawarut uŋu búhujo kahahan, kawarut yooŋ kaŋesu kabaju sírirem si kásuwatut.

2 Tesalonik 3:6

Kújakuwe, uni bokondu ti kasokuuun bonde tu huruwu hite Anahaan u Yesu *Kiris: arikamb *kéeyilene ku keeemo ku biñek, abe n'iŋi kateñeko yooŋ káhinu b'iriliikeniin bu.

Májiye 21:13

Abe n'aaniin: —Busokeesok ti *Míkiñjin mu kaanuku Atambatun aane: «Enuuf íima kaaniee *báalawum.» Bare aruun árihina yo báanuuseima bite búkuw!

Kafeeñal ku 18:13

mátiso mánoman, búsuus beehunde, *miir i, *ejuraay i; ébiñ i, éfariŋ i, édugub i; suboos su, síkarniina su, sifaliñj su, bisaret bu, búsukateen bu ni kéejokine ku bite kitiik ku.

1 Korent 11:16

An af'asooñ ámaŋi síjeeŋoor tu bondu, ámeyi bonde: iyu if'írihin, uni ni bakate ku Atambatun *kéeyilene ku.

1 Timote 4:7

Bare a̱teñeko kúsuwanooru keeñunut ku, keeriibut ku nu múniyo m'Atambatun áwufoore mu úne. Á̱ñiŋkaan kep á̱ajeŋgin Atambatun.

1 Timote 4:8

Bímiñooro tu burok ajakajak, bare tu doon diŋgilis. Kájeŋgin Atambatun ajakajak tu doon areyi fe, ábuki eyakar yendu toko yite buroŋ bite hahiye, ni bite bu kóyinokoyin.