1 Timote 6:18 - Kwatay (Kuwaataay)

¹⁸ A̱sokiin a̱aniin iŋi kanoŋk ajakee, abe ni káyemi kusaanum ti kinij keejake; káyemi bakan keewune, abe n'iŋi káruboor buroon booniin ni bakaaku.

1 Timote 6:18 Referans Kwoze

Esuwif i 13:16

Atum'aŋ'arifiil káhinu kite meejake mu, abe n'aŋ'áriyokunanoor yooŋ, ábuki wusarah naane wondu ufu wutoof Atambatun.

1 Saaŋ 3:17

An eebaje af'ajuk at'o n'ahaŋk, abe n'ateñeko káyokunano, buŋ b'ayino fu kaanu ámaŋamaŋi Atambatun t'eholo?

Eleetar i yi Pool akiñje i bakate ku Rom 12:8

An eewunee kaanuku aŋ'abin ayaŋganan bakaaku kikaw, ajok te bo. An aa awun ebaj yeene, ajok te bo n'ehol yeekuure. An eewunee kaanuku aŋ'ágilan *kéeyilene ku, ajok te bo alitee. An eewunee kaanuku aŋ'ayubiyen bakaaku, atoofan te bo.

Eleetar i yi Pool akiñje i Tit 3:8

Hirim honde héewoore. Ímaŋamaŋi a̱sooñoor tu bonde b'isoke bee, man kéeyilene ku t'Atambatun ni kanaŋ toko kikawiin iŋi káhin buroon beejake. Bondu bijake fu tu húŋgowulan, abe ni bíñjeriŋo.

Eleetar i yi Pool akiñje i Tit 2:14

Awunawun buroŋ boone iŋ'ite h'úne, kaanuku eefakan úne ti meejakut fe, abe n'akuuran úne. Iyu, n'uŋ'útumb úyemi bakan koone kéeñiŋkaane ti káhinu buroon beejake taŋ.

Hirim Heetoofe hu hi Luk akiñje hu 12:21

Yesu n'áwutiyen aane: —Iyu yooŋ i beemo fu n'an aŋ'akuukan ebaj bija te o humuumo, abe bare abajut doon fe t'Atambatun.

Galasi 6:10

Náami kóyin k'úbaje bítim kep, úhin meejake bija t'ésuk i ereyi fe, áhaŋum ti *kéeyilene ku naane úne.

Eleetar i yi Pool akiñje i bakate ku Rom 12:13

Áriyokunan bakanuun kéeyilene ku keebaje ku bisawula, abe n'aŋ'arijok áwariee kiŋki kawanan t'aruun.

1 Timote 5:10

Awarawar káyemi an éemeyiee tu burok boone beejake bu: an eejoŋoorane bakañio, aŋ'ajok áwariee kiŋki kaja te o, abe yooŋ n'aŋ'añaw wuwot wute *kéeyilene ku. Awarawar káyemi an aŋ'áyokunan yéeni keeemo ku ti sílaam su, abe n'aŋ'áhin yooŋ buroon bánoban beejake.

2 Korent 8:9

Ábuki árimoomi naane Anahaan ite úne Yesu *Kiris áwufoore i úne kajaku koone: akina éeyemie u husaanum, n'áhinooro an eebajut uŋu hoonuun hu kaanuku man kabajaate koone ni kíhinuun áriiyemi kusaanum.

2 Korent 8:12

Ábuki an af'awun áhabanein, bondu bijakajak t'Atambatun. Atambatun aŋ'ámaŋi an awun aliik tu doon d'abaje du, káanukiiit tu doon d'abajut du.

1 Korent 16:2

Erimaas-rimaas fe, huruw fe t'aruun aliik tu doon d'abaje du, n'aŋ'anuutan sírirem anaŋ t'enuuf te o. Iyu, if'ija ibin, man aŋk'arisawulo bija bateg.

3 Saaŋ 1:11

Óom, atum'a̱liikool ni meejakut mu, bare a̱liikool ni meejake mu. An aŋ'áhin meejake, akina an ite Atambatun; an aŋ'áhin meejakut, an ondu ámeyiit Atambatun.

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

Epotor i 9:36

N'abaj ake anaare ti bakate ku Sope *kéeyilene ku, huruwu hoone Tabita (ti *kigerekaay iŋi kaane «Dorkas», aamo fu «huboŋk»). Anaare ondu, buroko káhinu meejake kep, ni káyokunan keebajut ku.

1 Piyeer 3:11

Awarawar kakamboor ni meejakut mu aŋ'áhin meejake mu, abe n'aŋ'áñiŋkaan eeŋes káasuumaay ku.

Epotor i 11:29

H'asoke hu bondu ahaban, kéeyilene ku ni kaane boko kasaan huruw doon d'áyinie du, kaanuku man ni kaboñ t'áyokunan kéeyilene ku keekine ku *Súde.

Epotor i 10:38

Árimoomi yooŋ buŋ b'Atambatun ahoojane fu Yesu ite u *Nasaret nu Búwejet Beenabe bu, abe n'awuno yooŋ sembe. Yesu añaahoorañaahoor ésuk i fe ti káhinu meejake, abe n'aŋ'aritan ki Setani ajoke ku kareyi fe, ábuki Atambatun ámoomi ne o.

Májiye 5:42

An eelawi dike doon, a̱wuno; abe an n'aani a̱maageno doon, atum'a̱teñeko.

Hirim Heetoofe hu hi Luk akiñje hu 3:11

N'aaniin: —Ake t'aruun af'abaj wújufa wúsuba, awarawar kawunu kike an eebajut u. Abe an eebaje eeñoofo, awarawar káruboor n'an eebajut u.

Efees 4:28

An eeemo ákuw araan kákuwat; anoŋk éesuwat aŋ'arok burok beejake éekuumanooro, éeyini yooŋ káyokunan keebajut ku.