1 Timote 6:12 - Kwatay (Kuwaataay)

¹² Á̱tuum étuum yeejake i yey'ebin ni káyilen ku. A̱jok buroŋ béehabanaariit bu, ábuki Atambatun aruwiruw kaanuku a̱abaj bo. Abe a̱binabina á̱hamin atoof aa ti káyilen kúuwe tu buhooŋu bakan keehooje.

1 Timote 6:12 Referans Kwoze

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.

1 Timote 1:18

Áñuumo Timote, bonde b'isejani fu. Bo bifeeneŋ bu ni *b'eyiŋana yite Atambatun kabine bu kasok kóŋkeyin t'awe. A̱jok te bo man n'á̱yini kátuumu étuum yeejake i

2 Timote 4:7

Ítuumatuum étuum yeejake i, iteyatey yooŋ bija t'iware du karaan, abe iwasut káyilen ku.

Kafeeñal ku 3:3

Á̱baŋino naane a̱jame i hirim hu, ni naane a̱joke i ho ariike. Á̱hin naane husoke i, abe n'a̱watanooro wuhoofoor wúuwe. Afut'á̱niyo, íñje káfufii naane ákuw, abe at'á̱meyi yiin ewahatu y'ija fu bibin.

1 Timote 6:13

Íñj'endu ti kasokii bonde hágila Atambatun aa awun dóonodoon fe buroŋ, ni Yesu *Kiris éehamine u atoof iya ti káyilen koone hágila Poons *Pilat:

1 Saaŋ 2:25

Abe bonde bi Kiris aane fu o kawunu úne: buroŋ béehabanaariit bu.

Esuwif i 6:18

Náami muroon músuba mondu miyinaatee kanuutan mike meesiiŋanee, abe Atambatun ayinaat biñako te mo. Mo miyaŋganane fu úne kikaw núujok t'eyakar y'Atambatun asoke i úne, úne keeemo ku t'ésamunan yeene.

2 Timote 1:9

Akina afakane fu úne, abe n'aruw úne kaanuku núuyemi bakan koone keenabe. Káanukiiit man úne únoŋke ajakee, bare aŋarkeyi naane búmoomi ti hikawo, abe yooŋ ámaŋamaŋi káwufoor úne kajaku koone. T'etaam i éwuwanoorutee, aanaan o kaŋaasu ti Yesu *Kiris éewufoor úne kajaku koone.

Kolos 3:15

Káasuumaay ki Kiris kaŋk'awun kija kujoŋooran siheluun. Atambatun aruwuunruw bite káasuumaay kondu kaanuku áriiyemi eni efeeneŋ. Arieno ko kireyi fe eyeehen.

1 Timote 6:19

Káhinu iyu, n'iŋi kakuukan ebaj yeejake abe n'eyan bija tu kuwaatu, abe n'iŋi káyini kabaju buroŋ bite bu nu múniyo.

Esuwif i 3:14

Uf'újok alit tip t'eyakar y'úbaje i huta h'újabe hu káyilen ku bija yooŋ tu hunak hiraanu hu, n'uŋ'úbaj húrub ti *Kiris.

1 Tesalonik 2:12

Iririmuunrim, n'iriyaŋgananuun kikaw, n'irilawuun yooŋ abe n'irisooñoor, kaanuku man buroŋ boonuun ni biriib naane t'Atambatun ámaŋie du, akina eeruwuun u kaanuku ariiyooso ti Jáyi joone ariijuk kániku koone.

1 Piyeer 3:9

An af'áhinuun beejakut, atum'arinukan; an af'álafatinuun, atum'arinukan yooŋ. Aruun árisoniyano kep, ábuki uŋu bondu h'Atambatun aruwuun fu, kaanuku eebin éesoniyanuun.

2 Tesalonik 2:14

Bondu b'Atambatun aruwuun fu, éeŋaasann bo ti Hirim Heetoofe h'irisokuun hu, kaanuku man kikawuun nu kutoof yooŋ iŋi kániku kite Anahaan ite úne Yesu *Kiris. Bondu bibajabaj aŋarkeyi naane áriyilenayilen tu múniyo mu; bibajabaj yooŋ ti sembe site Búwejet Beenabe bu, béehinuun bu áriiyemi bakan kite Atambatun.

2 Korent 9:13

Abe bondu b'arija bu káhinu, bo káwufoor kaanuku áriyilenayilen árihabanein. Bakan keehooje-hooj kasokoroor Atambatun iŋi naane aa árijeŋgin Hirim Heetoofe hite hu *Kiris, hondu h'áriyilene hu. Boko yooŋ kasokorooro iŋi naane aa áriruboor ebaj yeenuun nu boko, n'ésuk i ereyi yooŋ.

Esuwif i 13:23

Íñj'endu ti kasokuuun kaanuku ati úne Timote ánuutino t'ekulu i. Af'asoŋk áreeŋin, n'iŋ'íriboorin ne o iriibin irijukuun.

2 Korent 6:7

ni kawaare kite múniyo mu, ni ti sembe site Atambatun. N'íriwufoor bo yooŋ ti kájubu kite k'uni keeemo ku naane bujuŋko bite kálaatin, man yooŋ bite biramooro.

Fílip 1:30

Hahiyu t'étuum efeeneŋ t'úemo fu íñje n'aruun. Étuum yendu efeeneŋ i ni y'arijukam i te yo, abe árimoomi kaanuku iroŋa te yo.

1 Timote 1:19

ni káyilen, n'ehel yooŋ yeekuure. Bakaake kateñekateñeko káhinu naane siheliin susokiin i ayak abin áami káyilen kooniin kúbujaa.

1 Timote 4:14

Atum'a̱wiinen beeemo bu t'awe, bu Búwejet Beenabe bu buwuni bu *h'eyiŋana i káhamine hu, abe *sifaaf su ni kásit sumoŋiiin t'awe.

2 Timote 2:2

Báhamin b'a̱jamam bu ti kasoku hágila bakan keehooje-hooj, a̱liiken bo bakan kéewoore, kéeyinie kaliiken bo yooŋ bakaaku.

Eleetar i yi Sud akiñje i 1:3

Kújakuwe, aruun k'ímaŋie-maŋie ku, ítumbatumba ímaŋi kákiñjinuun iŋi naane Atambatun afakane i úne. Bare hahiye ijukajuk kaanuku iwarawar kákiñjinuun bike bite kayaŋgananuun kikaw, kaanuku man n'árituum uŋu múniyo mite Hirim Heetoofe h'Atambatun awune hu hiraanu bakan k'akino ku.