1 Timote 5:15 - Kwatay (Kuwaataay)

¹⁵ Ábuki bakaake ti haare hondu ki bákayiniin kakete ku kaheeka keewas bítim bu keesa Setani ti hiñaawu.

1 Timote 5:15 Referans Kwoze

2 Piyeer 2:2

Keehooje kasayiiin ti kiñaawu ti manoŋkar mooniin meejakut mu, kéekinineŋ ésuk i ni kálafatin bítim bite múniyo mu.

1 Saaŋ 2:19

Bokondu bakan úneiit nu múniyo, iŋ'ite ho hi kanuute fu t'úne. Múniyo kane káyemi bakan úne, n'iŋi kariiko yéeni n'úne. Bare iyu i bije fu t'ahaŋ kakuuru kaanuku mayet afeeneŋ tu boko aamo n'úne.

2 Timote 4:10

Ábuki Demas ateyamtey aŋarkeyi naane buroon bite bu t'etaam ye b'ámaŋie fu, abe aja Tesalonik. Kiresens aja Galasi, abe Tit aja Dalmasi.

1 Timote 1:20

Eraab ite Himeneiin n'Aleksandur k'ísike ku isaan Setani. Iyu, n'iŋi kaliiken kawasu kálafatin kite Atambatun.

Kafeeñal ku 12:9

Éjufuur yómbokun i n'éfiitenee tíyaŋ. Yo yeemo fu doon dúbuunaay dihaan du, dundu dubuut ésuk i kareyi fe. Do difi kaane Batuuk bu man yooŋ Setani. Ni dífiitenee t'etaam i, do n'emalaka yite te do.

2 Piyeer 3:16

Aŋ'asok bo yooŋ ti bileetar boone fe kane ajemen bonde. Abajeebaj ti bileetar boone bike béetaañie kajoku, abe bakan kéewesinateit, káyilen kooniin yooŋ kifamut, n'iŋi kajok bo kawetekanoor, naane ii káhin yooŋ nu waawu wuwiit wute *Míkiñjin mu. Iyu ifi káhin kéetowutanooro.

2 Timote 2:18

Kawasawas múniyo mu, abe ni kábuj káyilen kite bakaake iŋi kaaniin Atambatun aheeka eeritan úne t'eket i.

2 Timote 1:15

Naane á̱meyie i, bakate ku tu búsuk bite Asi fe káwuŋgamwuŋg kiñaawu; Fisel n'Erumosen yooŋ boko.

Májiye 4:10

Náami Yesu eeeno: —A̱ja Setani! Ábuki busokeesok ti Míkiñjin mu kaanuku: «Á̱sukaay Atemit Atambatun úuwe, abe n'á̱jiŋgitan hágilao, o unoono taŋ.»