1 Timote 4:3 - Kwatay (Kuwaataay)

³ Iŋi kaane an awarut kasayi, bike buroon yooŋ buwarutee kateŋu. Bare Atambatun áwuwane fu buroon bondu. Náami *kéeyilene ku kéemeyie ku múniyo mu káyinooni kateŋu bo, ti kaanio eyeehen.

1 Timote 4:3 Referans Kwoze

1 Timote 4:4

Doon d'Atambatun áwuwane fe dijakajak; doon fe dunooto toko dite káfiiten, saama núusik do ti kaanio eyeehen.

Esuwif i 13:4

Huruw fe aja áhin nu múniyo ti biseño bu: ániine u araan t'anaare u, anaare u yooŋ n'araan t'ániine u. Ábuki Atambatun kajoonan kiŋki kaŋot ti kaseñoorut, ni kiŋki kaŋot ni bakan ki kaseñeit.

Eleetar i yi Pool akiñje i bakate ku Rom 14:6

An af'aane hike hunak hihaŋahaŋ kaaku, áhinahin bo kaanuku aŋ'abin asokoroor Anahaan u. An u aa ateŋ doon areyi fe, áhinahin bo kaanuku aŋ'abin asokoroor Anahaan u, ábuki aŋ'aane Atambatun eyeehen bija tu buroon bu bamb'ateŋ. Abe an éeteŋaariit u doon deebaje síhiinu, áhinahin bo yooŋ kaanuku aŋ'abin asokoroor Anahaan u, abe aŋ'aane yooŋ Atambatun eyeehen tu buroon bamb'ateŋ.

Kolos 2:16

Iŋ'ite ho aamo fu atum'ariwas an eetinanuun tu buroon bamb'ariñoofo, ni bamb'árihujo, man yooŋ naane aamo i aŋ'ariteñeko káhinu sike sifeet site Esuwif i, árijokaariit yooŋ erimaas yeeniin, nu hunak hite kánuutina kite hiim hu.

1 Korent 8:8

Dóoniit bare dite káhinu ti har dija fu kákinineŋ n'úloh Atambatun: uf'úteŋ efuwa yendu, iti híkasinan úne te o doon, ufut'úteŋ yooŋ, utu húwutiyen úne te o doon.

Kolos 3:17

Abe doon fe d'ariemo ti káhinu, man yooŋ ti kasoku, árihin do tu huruwu hite Anahaan u Yesu, abe n'ariene yooŋ Atambatun Faaf u eyeehen uŋu hoone hu.

1 Korent 7:28

Afa bare a̱sa, á̱hinut kaahoofoor. Ásuŋgute yooŋ af'aseño, áhinut kaahoofoor. Bare keeseñee ku kajuku sílaam, abe bo b'ímaŋiuun fu káyihinan.

Eleetar i yi Pool akiñje i bakate ku Rom 14:3

Eeene u aŋ'ateŋ doon areyi fe awarut kahuufu an éeteŋaariit u doon deebaje síhiinu, abe an éeteŋaariit u doon deebaje síhiinu awarut katinan aa ateŋ doon areyi fe, ábuki Atambatun ajokojok áwariee.

Esuwif i 13:9

Atum'ariwas an eebuutuun ni maliikenar mánoman, meewayee ni m'ariliikenee mu. Ajakeejak suhol site s'úne ni sibaj sembe séenuutina ti kajaku k'Atambatun kaŋk'áwufoor úne. Sembe sondu súnuutinoot ti kájeŋgin kite buluwa beesoke bu tu buroon b'an awarut kateŋu. Ábuki buluwa bondu bibajut éñjeriŋ bija ti kiŋki kájeŋgin bo.

1 Timote 2:4

Ámaŋamaŋi kaanuku ésuk i fe keefak, abe ni kámeyi múniyo mu.

1 Korent 6:13

Aŋ'ariene yooŋ: «Maanu wúhineehin bija ti har, abe har n'áhinee bija ti maanu.» Nu múniyo, bare hike hunak Atambatun kábuju muroon mondu t'ésuba te mo. Sini site s'úne bare síhinutee bija bufurukato: síhineehin bija t'Anahaan u, abe Anahaan u af'asaan so doon di sisawulee du.

Eleetar i yi Pool akiñje i bakate ku Rom 14:17

Ábuki *Jáyi jite Atambatun buroon bíteiit buñoofo bu man yooŋ búhujo bu; jo jite kájubu, ni káasuumaay, ni katoofu, abe bondu fe tu Búwejet Beenabe bu t'ufu búnuutin.

Májiye 15:36

Ahaban, n'ayit kumburu ku hutok nu kúsuba ku, ni misaan mu, abe n'aane Atambatun eyeehen. N'afiitar ko ni misaan mu, abe n'asaan eriboora yeene kéeruboor hahooja hu.

Májiye 14:19

Ahaban, n'aane hahooja hu hiriiko ti mahos mu. N'ayit kumburu ku hutok hu ni misaan músuba mu, abe n'áheelin t'etiir. N'aane Atambatun eyeehen. Ahaban, n'afiitar kumburu ku, abe n'asaan ko eriboora yeene kéeruboor hahooja hu.

Epotor i 27:35

Hi Pool asoke hii ahaban, n'ayit humburu, abe n'alaw Atambatun aano eyeehen hágilaiin kareyi fe. Ahaban, n'afiitar ho, abe n'ateŋ.

Saaŋ 6:23

N'abaj ñike ñusoona ñéenuutina Tiberiyad, ñeeyee kaagoroor ni ti kateŋe du kumburu k'Anahaan u asaaniin ku h'alawe hu Atambatun ahaban.

Hirim Heetoofe hu hi Luk akiñje hu 24:30

Kariikaa kaanuku keeñoofo, n'ayit humburu hu abe n'aane Atambatun eyeehen; n'afiitar ho, abe n'asaaniin.

Májiye 15:11

káanukiiit doon d'an áhine tu butumo ifi díkinineŋ náami an ondu *akuurut t'Atambatun. Bumbu búnuutin tu butumo ifi bíkinineŋ n'ákuuraati t'Atambatun.

1 Timote 5:14

Iŋ'ite ho h'ímaŋie fu haare hu keereeŋanoorut ku simit bakan bákahaaji ki bákayiniin kakete ku ni kasooñ kaseño, keebaj biñi, abe ni kajokoor sunuuf sooniin, kaanuku man enatoora yite y'úne itim kabaj húkuuseima keesok t'úne bike.