1 Timote 4:12 - Kwatay (Kuwaataay)

¹² Atum'a̱was an fe eeheebi aŋarkeyi naane á̱moomi añi. Bare á̱hin man kéeyilene ku ni kaliikool n'awe ti máhaminar múuwe, ti manoŋkar múuwe, ti naane á̱maŋie i an, ti káyilen kúuwe, ni *kakuuru kúuwe.

1 Timote 4:12 Referans Kwoze

Eleetar i yi Pool akiñje i Tit 2:7

Awe humuumi a̱warawar iŋi káhinu ajakee tu buroon bu fe man ésuk i n'éhin naane awe. Af'á̱yemi ti kaliiken ésuk i, á̱habann eheli, abe n'a̱sok báhamin beeñune.

2 Timote 2:22

A̱tey wúfaŋi wute hiñiaate hu. A̱ŋes kajoŋoor ku, ni káyilen ku, ni kámaŋioori ku, ni káasuumaay ku. A̱ŋes bondu fe ni kiŋki kalaw Anahaan u nu suhol seekuure.

2 Timote 2:15

Á̱hin wáhowah a̱atoof Atambatun, naane aroka eejake, eeyakut bufuño, abe n'aŋ'aliiken ésuk i Hirim hite múniyo mu ajoŋoor júl.

1 Piyeer 5:3

Atum'ariŋes káhinu sembe ti bakan k'árinihanee ku, bare árihin man kaahaaw ku ni kiŋes kaliikool n'aruun.

1 Korent 11:1

Arineefan t'íñje naane íñje yooŋ ii ineefan ti Kiris.

1 Tesalonik 1:6

Arineefananeefan ti máhinar mite m'uni, ni mite m'Anahaan u; arijukajuk sílaam iŋ'ite Hirim Heetoofe hu, bare arijokajok ho ni katoofu ku, ku Búwejet Beenabe bu kuŋku buwun.

Eleetar i yi Pool akiñje i Tit 2:15

Bonde b'a̱ware fu kaliiken ésuk i. A̱yaŋganan kikaw kiŋki kajamatani, abe kéejeŋginaariit ku, n'a̱kamoor tu boko. Á̱hin bondu ayan faŋ, abe atum'a̱was an tu boko eesooŋi.

Májiye 18:10

—Áriwasiyoor ti kahuufu kite ake t'eraan i ti kéeyilene ku t'íñje. Ábuki íñje isok fee n'aruun: emalaka yeeniin bokondu t'etiir, iŋi kasiiŋo kep hágila Faafam.

2 Timote 2:7

A̱yinoor ti b'isoke bee, ábuki Anahaan u káhinii á̱anandin bo fe.

Saak 3:13

Abajeebaj fíya t'aruun an éewesinatee abe yooŋ n'áwasi? Áwufoor bo ésuk i ti manoŋkar moone meejake mu mamm'áhin, ti káneeni koone, nu búwesinato boone.

Saak 3:17

Bare búwesinato béenuutina bu t'etiir, bítiyar bite te bo beemo fu *bukuurakuur. Hunuut toko ni bíyemi bite káasuumaay, ni bíneeni, abe biyaŋgut hikaw. Uŋu buyubiyen dómbokun, abe n'uŋu bubuk kunoŋk keejake. Bújokaariit ésuk i kawayo, abe bútuukaariit.

Fílip 4:8

Kújakuwe, biraanu búuma bonde: árisik siheluun arinaŋ tu buroon beejake, beejare kasokorooree. Bo beemo fu doon fe dite nu múniyo, doon fe dite kájeŋginee, déejube, *deekuure, deetoofe, nu doon fe deewaree kajoku nu sumoŋu súsuba.

1 Tesalonik 2:10

Arijukajuk b'írihine bu, Atambatun yooŋ ajukajuk bo: iririikariiko n'aruun *kéeyilene ku biriiko beejoŋoore, *beekuure, abe an ayinaat kawatan uni tu doon.

1 Timote 1:14

Atemit ite úne ásoniyanamsoniyan dómbokun iyak ibaj káyilen, abe n'ímaŋi yooŋ húŋgowulan ni kámaŋi kéenuutina ti Yesu Kiris.