1 Timote 3:15 - Kwatay (Kuwaataay)

¹⁵ bibin búuma ufu búkuri, n'á̱meyi buŋ bu buroŋ bite an buware fu káyemi tu butoŋ bite Atambatun. Butoŋ bondu beemo fu bakate ku Atambatun eeemo u buroŋ *kéeyilene ku, keeemo ku naane hiñaan hítiyar hite enuuf tu múniyo mu miyaajee du.

1 Timote 3:15 Referans Kwoze

1 Piyeer 2:5

Áritofin man aruun yooŋ n'ariyitee naane bujuju beeroŋe, bija tu kunut kite enuuf ite Búwejet Beenabe bu. Aruun káyemi toko eja yite *esaraha keenabe, aŋ'aribin arisarah naane Búwejet bu busokuun i, abe Atambatun n'aŋ'asa wo iŋ'ite hu Yesu *Kiris.

1 Tesalonik 1:9

Ésuk i fe eŋ'esok naane arijoke i uni áwariee h'iribine hu t'aruun, ni naane ariwase i ñájiim ñu ariijok t'Atambatun eeemo u buroŋ, abe n'árijeŋgino, akina ite u nu múniyo.

Galasi 2:9

Saak, Piyeer, ni Saaŋ ki kéeyilene ku kajoke ku naane eseef yeeniin, kajukajuk kaanuku Atambatun asejanam fu burok beejake bondu. Náami keesaan uni sumoŋu, íñje ni Barnabas, t'áami hahiyu kajoka ti bite b'uni. N'irijamoor kaanuku uni bija ti keenooto ku Esuwif, boko ni kaja t'Esuwif i.

Eleetar i yi Pool akiñje i bakate ku Rom 3:2

Kahaŋu kondu toko tu doon areyi fe. Kítiyar ku keemo fu Esuwif i k'Atambatun asaane fu hirim hoone.

Májiye 16:16

Simoŋ Piyeer n'ásafino aano: —Awe a̱amo fu *Afakana u, Añi ite Atambatun eekino u buroŋ bu.

Eleetar i yi Pool akiñje i bakate ku Rom 9:26

Toko t'ibine du eeniin: “Arinooto bakan kúuma”, boko kaaniee toko biñi bite Atambatun eeemo u buroŋ.»

Epotor i 1:2

bija yooŋ naane ayitee i t'etiir bufor bu. Bare bala aja t'etiir, n'asok bakan k'ajifane ku naane *epotor báhamin ti sembe site Búwejet Beenabe bu.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Májiye 18:18

—Iisokuun bifeeneŋ bu: bamb'aŋ'ariyak kasiiŋan kaanuku ésuk i kawarut bo káhinu t'etaam ye, Atambatun kariboor n'aruun; bamb'aŋ'ariyak kasiiŋan kaanuku káyinooni bo káhinu t'etaam ye, Atambatun kariboor n'aruun.

Kafeeñal ku 7:2

Abe n'ijuk ake amalaka ti bisiro, ánuutin káasiŋ ki taanak tu tundu túnuutin, abe n'ajok t'emoŋio éenee yiyi káhin ne yo t'ésuk i ékeetanuma yite Atambatun eeemo u buroŋ. N'áhamin ataŋk n'emalaka i bakabaakiir ku k'Atambatun awune ku sembe site kábuju etaam i ni han hu aaniin:

Esuwif i 12:22

Aruun bare arilohaloh hirij hite *Siyoŋ, ni hikinu hite Atambatun eeemo u buroŋ. Ho heemo fu Serusalem yite i t'etiir, t'emalaka k'an ayinaat kafinu kaamo du ti hiriy.

Esuwif i 3:12

Kújakuwe, arinaŋ toko kikawuun, an t'aruun atum'abaj búwejet béebaanie, abe ni biyaŋg biyak bíhino éewuŋg hiñaawu Atambatun eeemo u buroŋ.

1 Timote 6:16

O taŋ áketaariit fu. Akinakin ti meejaaŋe m'an ayinaat kalohu. An ámusuto kajuku, abe an yooŋ ayinaato kajuku. Aja ákini hiraanu kániku ku, ni sembe su! Amiin.

1 Timote 4:10

Bondu bíkinineŋe fu n'uŋ'úrok, abe n'uŋ'útuum yooŋ, ábuki úsikasik eyakar ite úne únaŋ t'Atambatun eeemo u buroŋ. Akina aamo fu *Afakana ite kúŋgowulan ku kareyi fe, áhaŋum kéeyilene ku.

1 Timote 3:16

Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

1 Timote 3:2

Hikaw hite bakan kéeyilene awarawar káyemi an eeyinaatee kawatan tu doon. Anaare afeeneŋ taŋ a aware fu kabaju, abaj hikaw, ájokumooro, abe buroŋ boone nu bújub. Awarawar kajoku áwariee kiŋki kaja te o, abe n'áyini kaliiken ésuk i bite b'Atambatun.

Kolos 1:5

Hunak hi hirim hite múniyo mu, heeemo hu Hirim Heetoofe hu híreeŋina hu t'aruun hítiyar, arijamajam eyakar yeeemo i te ho. Iyu a arinaŋe fu káyilen koonuun, ni kámaŋioori koonuun fe t'eyakar yendu y'Atambatun anaŋe i t'etiir bija t'aruun.

Efees 4:21

Ábuki bukuuramkuur kaanuku arijamajam huruwu hoone, abe ariliikeneeliiken múniyo meeemo mu ti Yesu, bare kereŋ?

Galasi 3:1

Áribajaatia teereŋ kikaw, aruun bakate ku Galasi! Aañ me abuutuun fu? Arisokeesok bare akuur but naane Yesu *Kiris akete i *t'ekuruwa i.

2 Korent 6:16

*Enuuf ite Atambatun éyinooni fíya kakolu nu ñúwisenum ñu? Ábuki fu úne úemo fu enuuf ite Atambatun eeemo u buroŋ. Akina humuumo Atambatun asokasok aane: «Íñje kakinu t'etutiin, abe n'iŋ'iŋ'iriboor nu boko. Íñje káyemi Atambatun ooniin, boko n'iŋi káyemi bakan kúuma.»

Epotor i 14:15

—Kújakuwe, kame iŋi naŋ n'árihin fii? Uni fu yooŋ kúŋgowulan naane aruun. Uni iribinuun ni Hirim Heetoofe hu kaanuku ariiwasan kimiile kondu keebajut kii éñjeriŋ, áriiwuŋgan inde Atambatun eeemo u buroŋ, éewuwane u bufor bu, n'etaam i, ni han hu, nu buroon beeemo bu toko fe.

Saaŋ 6:69

Abe uni íriyilenayilen, írimoomi yooŋ kaanuku awe a̱amo fu An Eenabe u éenuutina u t'Atambatun.

Saaŋ 1:17

Tu *Moyis t'Atambatun aŋaase fu eesaan úne Eluwa i, bare kajaku koone nu múniyo mu, bondu fe ti Yesu *Kiris ti bíŋaasina fu.

Esuwif i 9:14

Arko bondu bite toko, halan hite Kiris hihaŋe kame sembe! Ábuki ásikasik enio eesarah yo Atambatun kaasarah keekuure but, ti sembe site Búwejet Beenabe bu béeketaariit bu. Halan hoone kakuuran sihel site s'úne ti kinij keebajut ku éñjeriŋ kiŋki kibin n'eket i, kaanuku man n'úyini karoku bija t'Atambatun eeemo u buroŋ.

2 Timote 2:20

T'enuuf yéewarie, bíndiis bíteiit éwurus, man yooŋ bite ehalis beemo fu toko barebare. Bike yooŋ bondu toko beefaasee, bike nu burokee n'ekaf. Bítiyar bu uŋu búnuutannee hunak hite efeet, biraanu bu nu búnuutannee húnakonak.

1 Timote 3:5

Ábuki an afut'áyini káyeki butoŋo, buŋ b'aja fu káyini káyeki bakate ku Atambatun kéeyilene ku?

2 Korent 6:7

ni kawaare kite múniyo mu, ni ti sembe site Atambatun. N'íriwufoor bo yooŋ ti kájubu kite k'uni keeemo ku naane bujuŋko bite kálaatin, man yooŋ bite biramooro.

2 Korent 3:3

Áriwufoorawufoor ti máhinar moonuun kaanuku aruun eleetar yi *Kiris akiñje, abe uni n'iribin ne yo. Ekiñjeekiñj káanukiiit man ni hikiñju, bare nu Búwejet bite Atambatun eeemo u buroŋ. Ekiñjeekiñj káanukiiit man tu bujuju, bare tu suhol site kúŋgowulan.

Saaŋ 18:37

Náami Pilat eeeno: —Kame fu me awe áyi? Yesu n'aano: —A̱soka bo, íñje áyi. Béekinineŋe bu n'ibukee iibin t'etaam ye bonde: kaanuku iisok ésuk i bifeeneŋ bu. An eeemo an ite bifeeneŋ aŋ'ajamatan bimb'isok.

1 Korent 3:16

Kame árimeyiit kaanuku aruun ariemo fu enuuf ite Atambatun, abe Búwejet bite Atambatun bikinakin t'aruun?

1 Korent 10:32

Manoŋkar moonuun itim mineyan ti kaahoofoor Esuwif i, ni keenooto ku Esuwif, ni *kéeyilene ku yooŋ ti *Kiris.

1 Timote 3:14

Iyakarayakar bibin kajukii memee. Bare íñj'endu ti kákiñjini bonde kaanuku

2 Timote 2:19

Bare káyilen k'Atambatun awune ku úne kiyanayan naane kiñaan kítiyar kite enuuf. Kirim konde kikiñjee fu toko: «Atemit ámoomi bakan koone.» Nu bonde yooŋ: «An fe eeene akina an ite Atemit áwuŋg meejakut mu hiñaawu.»

Esuwif i 10:21

Úbaja asaraha ómbokun eeemo u hikaw hu t'enuuf ite Atambatun.

1 Piyeer 4:17

Hunak hite Kajoonan ku hireeŋa, abe t'ajab ti bakan kite Atambatun. Abe arko keejab t'úne, buŋ fíya bi bija fu búmuje ni keeteñekee ku káyilen Hirim Heetoofe hite h'Atambatun?