1 Timote 2:2 - Kwatay (Kuwaataay)

² Aŋ'arilawo bija ti bákayi ku, ni keeemo ku t'éŋguur i fe, man buroŋ bite b'úne ni bibeb, abe nu butoof. Iyu, n'uŋ'úyini káwufoor kaanuku újeŋginajeŋgin Atambatun, abe yooŋ manoŋkar mite m'úne fe meejake.

1 Timote 2:2 Referans Kwoze

1 Tesalonik 4:11

Áriñiŋkaan ariikin ti káasuumaay, atum'ariyooso ti b'arikolut bu ne bo, abe n'aŋ'arinoŋk áriikuumanooro n'ésuwa yeenuun naane iribine i irisokuun.

Esuwif i 12:14

Árihin wáhowah man káasuumaay ni kíyemi t'etutuun aruun ni bakaaku fe, abe n'aribaj buroŋ beenabe. An afut'anab, at'ajuk Atemit.

Eleetar i yi Pool akiñje i bakate ku Rom 12:18

Af'aribaj bítim, árihin wáhowah ariijamoor n'ésuk i fe.

Fílip 4:8

Kújakuwe, biraanu búuma bonde: árisik siheluun arinaŋ tu buroon beejake, beejare kasokorooree. Bo beemo fu doon fe dite nu múniyo, doon fe dite kájeŋginee, déejube, *deekuure, deetoofe, nu doon fe deewaree kajoku nu sumoŋu súsuba.

Epotor i 24:16

Iŋ'ite ho h'if'íñiŋkaan ko kireyi fe kaanuku man buroŋ búuma ni bíyemi beekuure hágila Atambatun nu kúŋgowulan ku.

Epotor i 10:22

Ni kaano: —Korneyi, aseef ite esulaan i áboñina fu uni. Ániine éejube. Ájeŋginajeŋgin Atambatun, abe Esuwif i kareyi fe iŋi kasok te o beejake. Ake amalaka ite Atambatun aanoen aruwi bija te o, eeja eejamatan naŋ n'a̱ja fu kasoku koone.

Hirim Heetoofe hu hi Luk akiñje hu 2:25

Náami abajeebaj Serusalem ake ániine huruwu hoone Simiyoŋ. Ániine ondu ite bifeeneŋ, abe ájeŋginajeŋgin Atambatun. Ámoomi ti kanahan an eeja u kafakan *Israyel. Búwejet Beenabe bu búmoomi ne o,

Hirim Heetoofe hu hi Luk akiñje hu 1:6

T'ésubaiin fe, buroŋ booniin butoofatoof Atambatun. Iŋi káhin naane buluwa boone busoke i ajoŋoor júl.