1 Timote 1:9 - Kwatay (Kuwaataay)

⁹ Bonde b'úware fu kámeyi: eluwa áhinaariitee bija ti kéejube ku. Aŋ'áhinee bija ti ñatuuk ñu ni kéejamaariit ku, kéenafute ku n'ehoofoora i, keeteñekee ku Atambatun nu doon fe deenabe, ni kiŋki kayool sifaafiin man yooŋ síñaayiin, ni kiŋki kayool an.

1 Timote 1:9 Referans Kwoze

Galasi 3:19

Kame náami iŋi naŋ n'Eluwa yite Moyis esiiŋee fu? Éwutiyeneewutiyen ti hirim hondu hite h'Atambatun kaanuku yéewufoor kúŋgowulan ku wutin wooniin. Esiiŋasiiŋo bija kóyin k'añi ondu éenuutina u t'Aburaham abine ku, akina éekinineŋe u Atambatun n'asok Aburaham báhamin bu éewufooro naane aware i bibin káhinu. Eluwa yendu, t'emalaka t'Atambatun aŋaase fu eesaan yo húŋgowulan éereeŋinan yo ésuk i; o aamo fu *Moyis.

1 Piyeer 4:18

Naane *Míkiñjin mu musoke i meene: «Arko kafaku kite kéejube ku kítaañataañi, buŋ fíya bi bija fu káyemi t'énafuta i n'ehoofoora i?»

Eleetar i yi Pool akiñje i bakate ku Rom 5:20

*Eluwa yite Moyis esiiŋasiiŋo, wuhoofoor wu nu wuhaŋ kahooju. Bare ti kaahoofoor ku kihaŋe du kahooju, kajaku k'Atambatun kaŋk'áwufoor kihaŋe toko.

Galasi 5:23

ni káneeni ku, nu bújokumooro bu. Eluwa yite Moyis eteñekeit buroon naane bondu!

Eleetar i yi Pool akiñje i Tit 3:3

Ábuki hítiyar hu, úne yooŋ úbajut kikaw, újeŋginaariit an, abe úmoomi naane bakan keehiile. Úne yéeni búsukateen bite wúfaŋi weejakut wánowan, ni katoofu kánokan. Úkinaanakinaani ti bánafut ni bíhiñanoor. Uŋ'úhuuf bakaaku, ni kahuuf úne yooŋ.

Eleetar i yi Pool akiñje i bakate ku Rom 6:14

Kaahoofoor ku kuroŋut kabaju t'aruun sembe, ábuki *Eluwa yite Moyis eŋkut ékiniuun, bare kajaku k'Atambatun kaŋk'áwufooruun kíkiniuun fu hahiye.

Eleetar i yi Pool akiñje i bakate ku Rom 1:30

ni kábuj kuruwu; boko enatoora Atambatun, kájamaariit t'an, iŋi kayitooro, burokiin jímak; kahoojahooj ni bifehe bite káhinu meejakut m'an ámusut káhinu, iŋi kárahan ti sifaafiin ni síñaayiin,

Kafeeñal ku 22:15

Bare kiŋki káhin meejakut mu, n'élugusa i, ni kiŋki kaŋot ni bakan ki kaseñeit ku, ni kiŋki kayool bakan, ni kiŋki kásukaay ñúwisenum ñu, n'ejuusa i fe kiŋki kámaŋi buroon bite haajuus hu, boko káyemi tíyaŋ!

Kafeeñal ku 21:8

Bare bukoloow bu, ni kéeyilenut ku, ni kiŋki káhin buroon béekojie bu, ni kiŋki kayool bakan, ni kiŋki kaŋot ni bakan ki kaseñeit ku, n'élugusa i, ni kiŋki kásukaay ñúwisenum ñu, n'ejuusa i fe, boko káyemi ti han héesufe-sufe hu hite sineemak su n'efor i. Ho heemo fu eket ésooboriyan i.

Eleetar i yi Pool akiñje i Tit 1:16

Iŋi kaane kámoomi Atambatun, bare kinij kooniin kúwufoorawufoor kaanuku tókoiit. Káhuufunanahuufunani, kájeŋginaariit Atambatun, abe yooŋ kayinaat káhinu mayet bifeeneŋ beejake.

1 Piyeer 3:20

Keekete ku bokondu kaamo fu bakate ku kóŋkeyin kéejeŋginut ku Atambatun o ti kanahan kooniin ni kámuñu, kóyin ki *Nowe áyemie ku tu burok bite esahar i. Bakan keefamut, kaamo hutok ni bákahaaji barebare ni kayooso t'esahar i, abe ni kafakanee tu móhujo mu.

Esuwif i 11:31

Káyilen kíkinineŋe fu Rahab aa afurukato aketut ni bakate ku ti hikinu hooniin kéejeŋginut ku Atambatun. Ábuki ajokajok t'enuuf te o atoofee bakate ku Israyel kéenuusee ku keebin kajuku kite hikinu hu.

2 Tesalonik 2:8

Ánafuta u n'aŋ'áŋaasin, abe Anahaan u Yesu n'aŋ'áwuur te o eeyoolo. O kátumbu ábujarooroo ni meejaaŋe meeyak mu káriboorina ne o kane ábatikein.

Eleetar i yi Pool akiñje i bakate ku Rom 4:13

Atambatun asokasok *Aburaham ni bakañio aaniin o kawuniiin etaam i kéekini yo. Asokasok bondu káanukiiit man Aburaham ájeŋgine Eluwa i, bare aŋarkeyi naane akina Atambatun ajokojok an éejube iŋi káyilen koone.

Májiye 10:21

«Bakan kásiku bakatiiin kasaan eseef i kayool. Sifaaf su yooŋ, iyu i kaja fu ni bakañiiin. Biñi bu kárahanna ti sifaafiin ni síñaayiin, abe boko kásikiiin kasaan bakan kayool.

1 Piyeer 2:7

Elaaliñj yendu ebajabaj éñjeriŋ yómbokun t'aruun *kéeyilene ku. Bare ti kéeyilenut ku, «Elaaliñj i y'enuta i káfiitene i yéeni, yo esooñe fu éyemi meeyane mite enuuf i.»

Esuwif i 12:16

An t'aruun atum'afurukato, man yooŋ n'ahuuf buroon beenabe naane Esawu abine i áhin. Ásikasik hifaafaate hoone ajoohen uŋu húñoofein hifeeneŋ taŋ.

Galasi 5:21

bimero buroon bite bakan, éwusan i, buñoofo beehahe bu, ni bike buroon yooŋ beehooje naane bondu. Iisooñ íyeegaluun naane íyeegaluun i bo: kiŋki kanij iyu iti kamaat ti *Jáyi jite Atambatun.

Galasi 5:18

Bare arko Búwejet Beenabe bu ufu bujoŋooranuun, n'aŋ'áami *Eluwa yite Moyis ékiniituun.

1 Timote 4:7

Bare a̱teñeko kúsuwanooru keeñunut ku, keeriibut ku nu múniyo m'Atambatun áwufoore mu úne. Á̱ñiŋkaan kep á̱ajeŋgin Atambatun.

1 Timote 6:20

Óom Timote, a̱jok áwariee doon d'Atambatun ánihani du. A̱tey báhamin beeñunut, beeriibut nu múniyo m'Atambatun áwufoore mu úne. A̱tey síjeeŋoor su tu buroon bite bíhaŋoor búwesinato, abe yooŋ bíteiit nu múniyo.

2 Timote 2:16

A̱tey báhamin beeñunut, beeriibut nu múniyo m'Atambatun áwufoore mu úne, ábuki kiŋki kayooso te bo bokondu ti kahaŋu kakambu Atambatun.

2 Timote 3:2

Múniyo ésuk i kayinoor huruw hikawo, ni kámaŋi yooŋ sírirem, boko kamaku, ni kayitooro yooŋ, abe ni kálafatin Atambatun. Iti kájeŋgin sifaafiin ni síñaayiin, iti kaane an eyeehen, abe boko biteñeko yooŋ doon fe deenabe.

Eleetar i yi Pool akiñje i Tit 1:6

faaf ite kéeyilene awarut kabaju bike b'an ayino kawatano te bo; anaare afeeneŋ taŋ a aware fu kabaju; bakañio kawarawar kajoku bítim bu, abe kuruwu kooniin itim kúbujo iŋi kajakaate, man yooŋ iŋi kájeŋginaate an.

Eleetar i yi Pool akiñje i Tit 1:10

Abajeebaj bakan keehooje kájeŋginaariit an, áhaŋum t'Esuwif i keeyoosee ku bítim bite *Kiris. Iŋi kabuut ésuk i ni kirim kooniin keeñunut ku.

Eleetar i yi Sud akiñje i 1:15

éeyini kajoonan etaam i ereyi. Akina kaniju ti bakan keejakut ku iŋi naane káhino i beejakut. Akina kaniju t'ehoofoora yendu keejakut kii iŋi naane kálafatino i fe.»