1 Timote 1:15 - Kwatay (Kuwaataay)

¹⁵ Hirim h'ija hee kasokii héewoore, abe huruw fe awarawar ho kanaŋu ti hikawo: Yesu Kiris abinabin t'etaam ye kaanuku eefakan ehoofoora i. Íñje ihaŋiin fu kajakaate fe,

1 Timote 1:15 Referans Kwoze

Mark 2:17

Yesu n'ajam. N'ásafiniin aaniin: —Bakan keeemo káasuumaayiin kasawuleit asontena. Kéesomute ku kasawuloo fu. Ibinut karuwu bakan keejoŋoore ku, bare bísambaŋ bu kákinineŋe fu n'ibin.

Hirim Heetoofe hu hi Luk akiñje hu 19:10

Ábuki *Añi ute Húŋgowulan hu abinabin kaŋesu bakan kéetowutee ku, abe n'afakaniin.

Saaŋ 12:47

An af'ajam kirim kúuma, abe áhinut naane isoke i, íñjeiit iyako kajoonan, ábuki kájoonaniit bakan k'ibine fu t'etaam ye, bare kafakaniin.

Saaŋ 1:12

Bare keejoke ku ho áwariee kareyi fe, abe ni káyilen te ho, huwuniinwun sembe kaanuku keebin kéeyemi bakañi Atambatun.

Hirim Heetoofe hu hi Luk akiñje hu 5:32

Ibinut karuwu bakan keejoŋoore ku, bare bísambaŋ bu kákinineŋe fu n'ibin kaanuku man buroŋ booniin nu buwayo.

1 Saaŋ 3:5

Árimoomi bare kaanuku Yesu Kiris abinabin iŋi kanuutan wuhoofoor wute w'úne. Akina abajut mayet kaahoofoor.

1 Timote 1:13

Hítiyar hu, iŋ'isok te o beejakut, iŋ'ílafatino yooŋ, abe n'iŋ'íhihinoor bakan koone. Bare Atambatun ayubiyenamyubiyen, ábuki ámoomi kaanuku bimb'íhinaani fe, ti kámeyiaate, abe íyilenut yéeni ti Kiris.

Májiye 20:28

Iyu yooŋ a *Añi ute Húŋgowulan hu abine fu, káanukiiit eebaj búsukateen, bare kaanuku éeyemi ásukateen, abe n'awun buroŋ boone beejaam man keehooje ni kafak.

1 Korent 15:9

Múniyo íñj'eemo fu biraanu bite epotor i fe, abe iwarutee yéeni kaanu apotor, ábuki íhihinoorahihinoor *kéeyilene ku.

Saaŋ 1:29

Tifiit, Saaŋ n'ajuk Yesu ti bibin ásooñann nu boone. N'aane: —O onde, Ametek ite Atambatun aa anuutan wuhoofoor wute ésuk i.

Májiye 9:13

Ariliiken kámeyi bonde b'Atambatun asoke bu ti *Míkiñjin mu. Aanaan: «Arijak ti bakaaku; bondu b'ímaŋie fu, bare *wusarah wíiit.» Ábuki ibinut karuwu bakan keejoŋoore ku, bare bísambaŋ bu.

Májiye 1:21

O káyeki añi ahaawa, abe n'aŋ'a̱ruwo Yesu, ábuki o aja fu kafakan bakan koone tu wuhoofoor wooniin.

Esuwif i 7:25

Iŋ'ite ho h'áyinie fu kafakan akuur but bakan ku kiŋki kaŋaas te o keeloh Atambatun, ábuki ondu tu buroŋ hiraanu kaanuku aŋ'abin alaw Atambatun bija tu boko.

1 Timote 4:9

Hirim h'isoki hee héewoore, abe ajakeejak huruw fe n'anaŋ ho ti hikawo.

Eleetar i yi Pool akiñje i bakate ku Rom 5:6

Múniyo kóŋkeyin úne t'úbajoorut sembe, Kiris aketaket bija t'ehoofoora i hunak h'Atambatun ajoke hu te ho.

1 Saaŋ 3:8

An eekine ti kaahoofoor, akina an ite Setani, ábuki Setani ahoofoorahoofoor huta hu ti kájabina ku. Bonde bíkinineŋe fu Añi ite Atambatun n'abin: kaanuku éebuj burok bite Setani.

1 Timote 3:1

Hirim h'ija hee kasoku héewoore: ake af'ámaŋi káyemi hikaw hite bakan *kéeyilene, burok beejake b'ámaŋie fii.

Efees 3:8

Íñj'eemo fu araan u tej ti bakan kite Atambatun. Bare íñje a ajuke fu ti kajaku koone, kaanuku iŋ'ibin iwaare keenooto ku Esuwif Hirim Heetoofe hu, hite ebaj yéehabanaariit i yéenuutina i ti Kiris.

Kafeeñal ku 22:6

Abe amalaka u n'aanam: —Kirim konde kúwoorawoor, kite nu múniyo. Abe Atemit, Atambatun aa awun *eyiŋana yeene Búwejet boone áboñina fu amalaka oone eebin éewuforoor eroka yeene beeware bu kabaju memee.

Kafeeñal ku 5:9

Ni kahooñ hunooñu híyeni iŋi kaane Ametek u: «Awe a̱reeŋe fu kásiku kaawiit ku, á̱akotin ko tu kukotanee du. Ábuki a̱mooteemoot yéeni, abe ni halan húuwe n'á̱joohenna fu bakan a̱bin a̱saan Atambatun: bakan bakate búsuk bánoban, ni bakate kíhaminiin kánokan, ni bakan kánokan, ni biheet bánoban.

Eleetar i yi Pool akiñje i Tit 3:8

Hirim honde héewoore. Ímaŋamaŋi a̱sooñoor tu bonde b'isoke bee, man kéeyilene ku t'Atambatun ni kanaŋ toko kikawiin iŋi káhin buroon beejake. Bondu bijake fu tu húŋgowulan, abe ni bíñjeriŋo.

2 Timote 2:11

Hirim honde héewoore. Heenaan: «Uf'úket ne o, úne karoŋu yooŋ ne o.

Epotor i 3:26

Náami t'aruun t'Atambatun ajabe fu áŋaasann aroka oone. N'áboñino kaanuku eebin éesoniyanuun, éehin huruw fe t'aruun eewatanooro kinij koone keejakut ku.»

Saaŋ 3:36

An éeyilene u t'Añi u abaja buroŋ béehabanaariit bu; an éeyilenut u t'Añi u at'ajuk buroŋ bondu, bare Atambatun akufokufo awasan.

Kafeeñal ku 21:5

Náami an eeriikee u t'eriikeey ite híyiaate hu n'aane: «Hahiyu íhina buroon bu fe bíyeni.» Ahaban n'aanam: —A̱kiñj bonde, ábuki kirim konde kéewoore, kite nu múniyo.

1 Saaŋ 5:11

Bonde b'Atambatun aseede fu: awunawun úne buroŋ béehabanaariit bu, abe buroŋ bondu bondu t'Añio.

1 Timote 1:19

ni káyilen, n'ehel yooŋ yeekuure. Bakaake kateñekateñeko káhinu naane siheliin susokiin i ayak abin áami káyilen kooniin kúbujaa.

Májiye 18:10

—Áriwasiyoor ti kahuufu kite ake t'eraan i ti kéeyilene ku t'íñje. Ábuki íñje isok fee n'aruun: emalaka yeeniin bokondu t'etiir, iŋi kasiiŋo kep hágila Faafam.

Epotor i 11:18

H'aamo hu kajama bondu, náami kabeba. Ni kasokoroor Atambatun kaane: —Kame fu Atambatun awuna yooŋ keenooto ku Esuwif bítim kaanuku keewatanooro wuhoofoor wooniin, keebaj buroŋ bite nu múniyo.

Epotor i 11:1

*Epotor i ni *kéeyilene ku kéeyemie ku *Súde ni kajam kaanuku bakaake keenooto Esuwif kajoka yooŋ hirim hite Atambatun.

Hirim Heetoofe hu hi Luk akiñje hu 15:2

*Efarisiyeŋ i, n'émuse yite *Eluwa yite Moyis n'iŋi káŋuŋunoor kaane: —Áyin ondu, n'ehoofoora i kep n'af'ariboor, aŋ'añoofo yooŋ t'afeeneŋ nu boko!

Eleetar i yi Pool akiñje i bakate ku Rom 11:14

Iŋ'íhin bo kaanuku man ti bíyinie kabaju, bakan k'írihine ku eheet efeeneŋ ni kahiñan, íihin bakaake tu boko keefak.

1 Timote 6:13

Íñj'endu ti kasokii bonde hágila Atambatun aa awun dóonodoon fe buroŋ, ni Yesu *Kiris éehamine u atoof iya ti káyilen koone hágila Poons *Pilat: