1 Tesalonik 1:7 - Kwatay (Kuwaataay)

⁷ Iyu yooŋ i bakate ku Maseduwan *kéeyilene ku, ni bakate ku Akayi kareyi fe ifi kafin yooŋ kaneefan ti máhinar moonuun.

1 Tesalonik 1:7 Referans Kwoze

Eleetar i yi Pool akiñje i Tit 2:7

Awe humuumi a̱warawar iŋi káhinu ajakee tu buroon bu fe man ésuk i n'éhin naane awe. Af'á̱yemi ti kaliiken ésuk i, á̱habann eheli, abe n'a̱sok báhamin beeñune.

1 Piyeer 5:3

Atum'ariŋes káhinu sembe ti bakan k'árinihanee ku, bare árihin man kaahaaw ku ni kiŋes kaliikool n'aruun.

1 Timote 4:12

Atum'a̱was an fe eeheebi aŋarkeyi naane á̱moomi añi. Bare á̱hin man kéeyilene ku ni kaliikool n'awe ti máhaminar múuwe, ti manoŋkar múuwe, ti naane á̱maŋie i an, ti káyilen kúuwe, ni *kakuuru kúuwe.

1 Tesalonik 1:8

Múniyo hirim hite Anahaan u t'aruun tu hunuute fu heejamo Maseduwan n'Akayi, abe hiraanut toko; tánotan yooŋ fe, káyilen koonuun t'Atambatun kijamajamo. Náami iribajut bike bite káwutiyen te bo.

Epotor i 16:12

Irinuut toko, n'irija Fílip, hike hikinu hómbokun t'ésuk ite Maseduwan, abe bakate ku *Rom ni kákini ho. N'iririiko bo kunak keefamut.

2 Korent 1:1

Íñje Pool eeemo u *apotor ite Yesu *Kiris naane t'Atambatun ámaŋie du, n'ati úne Timote írikiñjinuun fee aruun bakate ku Korent *kéeyilene ku, ni bakaaku fe bakate ku Akayi k'Atambatun akino ku.

Epotor i 1:13

Kareeŋa, ni kaja t'enuuf etiira i tindi kafand kawanan. Boko kaamo fu bokonde: Piyeer, Saaŋ, Saak n'Andere; Filip ni Taamas, Bartelemi ni Májiye, Saak añi ite Alfe, Simoŋ (akina, boko kaamo fu t'étuum i iŋ'ite ésuk yeeniin), nu Sud añi ite Saak.

1 Tesalonik 4:10

Iyu yooŋ a arijoke fu kéeyilene ku fe bakate ku Maseduwan ereyi bif. Bare uni bokondu ti káwasiyanuun man n'árihin ahaŋ diyu.

2 Korent 9:2

Ímoomi kaanuku arisiiŋasiiŋo ti kaanu ku áriiyokunaniin, abe imakamak uŋu hoonuun hu ti bakate ku Maseduwan eeeniin: «Bakati úne bakate ku Akayi kafaraa kawunu ku huta hu foomane.» Bíhabaneina boonuun bondu biñakañak bakan keehooje tu boko.

Epotor i 18:1

Hunuut toko, Pool n'anuut Aten eeja Korent.

Epotor i 18:12

Hi Galiyoŋ áyemie hu águwernoor ite Akayi, Esuwif i ni kásiiŋoorein keejok Pool, abe ni kaja ne o ti báajoonanum bu.

Epotor i 19:21

Bondu buwas, Pool n'aane eeja Serusalem, eeŋaas Maseduwan, ajok Akayi. N'aane: —If'ija bo ihaban, iwarawar yooŋ bija *Rom.

Eleetar i yi Pool akiñje i bakate ku Rom 15:26

Ábuki bakate ku Maseduwan *kéeyilene ku, ni bakate ku Akayi kategateg bija ti bakan kite Atambatun bakate ku Serusalem keebajut ku.