1 Tesalonik 1:6 - Kwatay (Kuwaataay)

⁶ Arineefananeefan ti máhinar mite m'uni, ni mite m'Anahaan u; arijukajuk sílaam iŋ'ite Hirim Heetoofe hu, bare arijokajok ho ni katoofu ku, ku Búwejet Beenabe bu kuŋku buwun.

1 Tesalonik 1:6 Referans Kwoze

1 Korent 11:1

Arineefan t'íñje naane íñje yooŋ ii ineefan ti Kiris.

1 Korent 4:16

Náami íñj'endu ti kaanuuun árihin naane íñje.

Epotor i 13:52

Bakate ku Antiyoos *kéeyilene ku kikawiin uŋu kutoof naane, abe ni kahooj bib nu Búwejet Beenabe bu.

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,

2 Tesalonik 3:9

Hih'írihin iyu, káanukiiit man uni iriwarut kabaju t'aruun doon, bare uni írimaŋiuun káwuforoor bija tu kuwaatu.

3 Saaŋ 1:11

Óom, atum'a̱liikool ni meejakut mu, bare a̱liikool ni meejake mu. An aŋ'áhin meejake, akina an ite Atambatun; an aŋ'áhin meejakut, an ondu ámeyiit Atambatun.

Efees 5:1

Makamu aruun ariemo fu biñi bu k'Atambatun ámaŋie ku, ariliikool ne o.

Saaŋ 8:12

Yesu n'asooñ abin áyemi ti báhamin ni hahooja hu. N'aane: —Íñj'eemo fu meejaaŋe mu tu kúŋgowulan ku. An éeseinam u ti hiñaawu, at'aja hikee t'ébaani, o bija ti meejaaŋe mu mummu muwun buroŋ bu.

Májiye 16:24

Ahaban, Yesu n'aane eriboora yeene: —An af'ámaŋi kariboor n'íñje, atum'aŋk'ákini buroŋ boone. Akando *ekuruwa yeene éeseinam ti hiñaawu.

1 Piyeer 3:13

Af'árihabanein ti siheluun kaanuku áriihin meejake, aañ aja fu káhinuuun meejakut?

1 Piyeer 1:8

Naane árimusut i kajuku Yesu fe, árimaŋiomaŋi; naane árijukaariito i hahiye fe, áriyilenayilen te o. Iŋ'ite ho hi kikawuun kutoofe fu dómbokun; kútumb kutoof kusooñen an ayinaat ko kasoku ni kirim.

1 Piyeer 1:6

Kikawuun kutoof tu bondu, hutoof hahiye ariwarawar kátaañian tu kunak keefamut iŋ'ite sílaam sánosan.

Esuwif i 10:34

Sílaam soonuun sifeeneŋ su ni bakan keekulee ku iŋ'ite hu Yesu. Hihi karam yooŋ ebaj yeenuun, kikawuun uŋu kutoof, ábuki árimoomi kaanuku ariyakarayakar t'eke yeehaŋe yendu, abe et'ehabano hikee.

2 Tesalonik 1:4

Iŋ'ite ho h'if'irisaŋgoor uŋu hoonuun hu ti bakaaku *kéeyilene ku. Ábuki naane aa arijuk sílaam bija yooŋ kúnuur fe, arijokajok alitee ti káyilen koonuun.

Fílip 3:17

Kújakuwe, ariliikool n'íñje arireyi fe. Arijondoman tu buroŋ bite kiŋki kaneefan ti máhinar mite m'úne.

2 Korent 8:5

Bi káhine bu bihaŋahaŋ b'iriyakare bu yéeni. Kajabajaba kásik ñúwejet ñooniin kasaan Anahaan u; kahaban, ni kájeŋgin uni káhabanein naane t'Atambatun ámaŋie du.

Eleetar i yi Pool akiñje i bakate ku Rom 15:13

Yala Atambatun aa áhin ésuk i ni kayakar te o, n'áhinuun ariitoofan dómbokun, abe n'áhinuun ariibaj káasuumaay iŋi naane áriyilene i te o. Káhinu iyu, sembe site Búwejet Beenabe bu n'iŋi síhinuun ariihaŋ kabaju eyakar.

Epotor i 9:31

Náami kéeyilene ku kabajabaj káasuumaay ti kikinu kite *Súde, ni *Gálile, ni *Samari. Káyilen kooniin ti kahaŋu kayanu kep, abe buroŋ booniin fe kájeŋgin Atambatun. Búwejet Beenabe bu nu búyokunaniin yooŋ keehaŋ kahooju.

Epotor i 5:41

Epotor i ni kanuut ti báajoonanum bu, kikawiin káatoofin ti naane Atambatun ajokiin i kaanuku kéelafatinee uŋu huruwu hite Yesu.

1 Korent 11:2

Íñj'endu ti kasokorooruun iŋi naane aa áribaŋinaam tu doon areyi fe, ni naane aa arijok nu sumoŋu súsuba b'iliikenuun bu.

2 Korent 6:10

Iŋi káhin uni íriitaañian, bare ko kireyi fe iŋ'iritoofan. Írimoomi naane bakan keebajut, bare iŋ'írihin keehooje kéeyemi kusaanum ti bítim bu. Írimoomi naane bakan kéeyekiit doon fe, bare uni irikino fu buroon bireyi fe.

2 Tesalonik 3:7

Aruun kumuumuun árimoomi akuur but buŋ b'ariware fu káhinu ariiliikool n'uni. H'íriyemie hu t'aruun íriñekiaariit.

2 Timote 4:2

atoof, átaañi, a̱waare hirim hite Atambatun, abe n'aŋ'a̱sooñoor kep. A̱joŋooran kéehinaariit ku ajakee, a̱kamoor ti kiŋki kahoofoor, abe n'á̱wutiyeniin sihel kéehin ajakee. A̱liikeniin ni kámuñu kómbokun.