1 Saaŋ 5:4 - Kwatay (Kuwaataay)

⁴ ábuki añi fe ite Atambatun áyinooni kaheeku buroon beejakut bite bu t'etaam i. Ti káyilen kite k'úne t'uf'úheek buroon bondu.

1 Saaŋ 5:4 Referans Kwoze

1 Korent 15:57

Bare úene Atambatun eyeehen, akina eeŋaase u t'Anahaan ite úne Yesu *Kiris éehin úne núuriiŋan eket i!

1 Saaŋ 4:4

Kúñuumo, aruun bare bakan bakate Atambatun, abe arikalakalo kiŋki kajuus kaane boko kaamo eyiŋana yite Atambatun. Ábuki Búwejet beeemo bu t'aruun bihaŋahaŋ sembe beeemo bu ti bakate ku t'etaam ye.

Saaŋ 16:33

Isokuunsok bonde kaanuku ariibaj t'íñje káasuumaay. Aruun kajuku sílaam t'etaam i. Bare arijok alitee! Iheekaheek etaam i!

1 Saaŋ 3:9

An fe eeemo añi ite Atambatun araana kahoofoor, ábuki buroŋ béenuutina bu t'Atambatun bondu te o. At'aŋk'áyini kakinu ti kaahoofoor, ábuki akina añi ite Atambatun.

1 Saaŋ 5:5

Aañ ayino fu kaheeku bo? Kane arko fu taŋ an éeyilene u kaanuku Yesu aamo fu Añi ite Atambatun.

Kafeeñal ku 3:21

An fe eeyak kariiŋan, íñje karahano t'eriikeey íima yite híyiaate hu, naane iriiŋane i yooŋ, Faafam n'arahanam t'eriikeey yeene yite híyiaate hu.

Kafeeñal ku 12:11

Bakan úne kakalokalo iŋ'ite halan hite Ametek u, nu múniyo mi kaseedee mu. Kajukerut uŋu buroŋ booniin ni kaane kéekoleyi eket i.

Kafeeñal ku 3:5

An fe eeyak kariiŋan, o bisiimo wañ weefañje naane boko. It'itot huruwu hoone ti kaawiit kite buroŋ bu. Íñje kasoku tu buhooŋu Faafam n'emalaka yeene kaanuku akina an úuma.

Kafeeñal ku 2:11

«An fe eebaje wúkondin ánandin naŋ nu Búwejet bu busoke fu kéeyilene ku! «An fe eeyak kariiŋan, eket ésooboriyan i et'émiño.»

Kafeeñal ku 3:12

An fe eeyak kariiŋan, íñje káhinio éeyemi éniñj t'enuuf ite Atambatun úuma, abe aroŋut hikee kánuutina toko. Íñje kakiñju te o huruwu hite Atambatun úuma, nu huruwu húuma híyeni hu, nu huruwu hite hikinu hite Atambatun úuma. Hikinu hondu heemo fu Serusalem éyeni i, yeeja i kánuutina t'etiir bufor bu t'Atambatun úuma yéewanein.

Kafeeñal ku 2:26

An fe eeyak kariiŋan, abe n'aŋ'áhin kep naane isoke i bija tu hunak hiraanu hu, íñje kawunio sembe ti siheet su fe.

1 Saaŋ 5:1

An fe éeyilene kaanuku Yesu aamo fu *Kiris, akina añi Atambatun, abe an fe éemaŋie Faaf u, aŋ'ámaŋi yooŋ bakañio.

Kafeeñal ku 15:2

N'ijuk naane han heesilane naane eweer, abe ni hígiilool ni sineemak. N'ijuk yooŋ keeriiŋane ku éndakakureŋ i, nu búwisenum bite te yo, ni naane huruwu hite te yo hije i ti kafinu. Kasiiŋasiiŋo ti han hondu heejaaŋe hu naane eweer, abe ni káyekan bukondiŋ b'Atambatun asaaniin bu.

Kafeeñal ku 2:7

«An fe eebaje wúkondin ánandin naŋ nu Búwejet bu busoke fu kéeyilene ku! «An fe eeyak kariiŋan, íñje kawunio eeteŋ ti miriyaay mite nunukanuk nunnu nuwun buroŋ bu neeemo nu t'etiir t'etool ite Atambatun.»

Kafeeñal ku 2:17

«An fe eebaje wúkondin ánandin naŋ nu Búwejet bu busoke fu kéeyilene ku! «An fe eeyak kariiŋan, íñje kawunio *t'emaan yéenuusee i eeteŋ. Íñje kasaano yooŋ ejuju yeefañje tu huruwu híyeni hikiñjee, abe an fe at'ámeyi huruwu hondu, kane arko taŋ akina eesaanee u ho.»

Saaŋ 1:13

Íŋiiit naane aamo i kabukeebuk naane húŋgowulan aa abukee aamo fu káyemia bakañi Atambatun. Bare kaaneeen boko bakañi Atambatun ábuki Atambatun abukiin fu.

Saaŋ 3:3

Yesu n'aano: —Iisoki bifeeneŋ bu: an afut'asooñ abukee ti kátiyar, at'áyini kajuku *Jáyi jite Atambatun.

1 Saaŋ 2:29

Árimoomi kaanuku Kiris ájubajub. Náami ariwarawar yooŋ kámeyi kaanuku an fe aŋ'áhin beejoŋoore, akina añi ite Atambatun.

1 Saaŋ 5:18

Úmoomi kaanuku añi fe ite Atambatun aŋ'araan kahoofoor, ábuki Añi ite Atambatun aŋ'ajukaro, abe Batuuk bu biyinaat te o doon.