1 Saaŋ 5:1 - Kwatay (Kuwaataay)

¹ An fe éeyilene kaanuku Yesu aamo fu *Kiris, akina añi Atambatun, abe an fe éemaŋie Faaf u, aŋ'ámaŋi yooŋ bakañio.

1 Saaŋ 5:1 Referans Kwoze

1 Saaŋ 2:29

Árimoomi kaanuku Kiris ájubajub. Náami ariwarawar yooŋ kámeyi kaanuku an fe aŋ'áhin beejoŋoore, akina añi ite Atambatun.

Saaŋ 8:42

Yesu n'aaniin: —Kane arko yéeni múniyo Atambatun aamo fu Faafuun, n'aŋ'árimaŋiam, ábuki te o t'ínuutina fu, abe uŋu hoone hu h'eemo fe beebe. Íñjeiit inoŋkooree iibin, bare akina áboñinam fu.

1 Saaŋ 4:7

Kújakuwe, aruun k'ímaŋie-maŋie ku, árimaŋioori, ábuki kámaŋi ku, t'Atambatun tu kúnuutina fu. An af'ámaŋi ésuk i, an ondu añi ite Atambatun, abe ámoomi Atambatun.

1 Saaŋ 3:14

Úne úmoomi kaanuku únuutino t'eket i núuyooso tu buroŋ bu. Úmoomi bo aŋarkeyi naane úmaŋamaŋi bakati úne. An éemaŋiit at'o, an ondu aroŋa t'eket i.

1 Saaŋ 5:4

ábuki añi fe ite Atambatun áyinooni kaheeku buroon beejakut bite bu t'etaam i. Ti káyilen kite k'úne t'uf'úheek buroon bondu.

1 Saaŋ 4:20

An af'ahuuf at'o, abe bare n'aane ámaŋamaŋi Atambatun, akina ajuusa. Múniyo afut'ámaŋi at'o aa ajuk, ayinaat kámaŋi Atambatun a ájukaariit u.

1 Saaŋ 3:9

An fe eeemo añi ite Atambatun araana kahoofoor, ábuki buroŋ béenuutina bu t'Atambatun bondu te o. At'aŋk'áyini kakinu ti kaahoofoor, ábuki akina añi ite Atambatun.

Saaŋ 3:3

Yesu n'aano: —Iisoki bifeeneŋ bu: an afut'asooñ abukee ti kátiyar, at'áyini kajuku *Jáyi jite Atambatun.

Májiye 16:16

Simoŋ Piyeer n'ásafino aano: —Awe a̱amo fu *Afakana u, Añi ite Atambatun eekino u buroŋ bu.

1 Saaŋ 2:10

An af'ámaŋi at'o, an ondu ondu ti meejaaŋe mu, abe doon fe diyinaato káhinu eeney ti kaahoofoor.

Saaŋ 15:23

An eehuufam u, ahuufa yooŋ Faafam.

1 Saaŋ 4:2

Iye a arija fu kámeyi man ake abajabaj Búwejet bite Atambatun man yooŋ: an fe eeene múniyo Yesu *Kiris abinabin éeyemi húŋgowulan, an ondu abajabaj Búwejet béenuutina bu t'Atambatun.

1 Piyeer 1:3

Úsokoroor Atambatun Faaf ite Anahaan ite úne Yesu *Kiris! Ti kajaku koone kómbokun ku k'áwufoore ku úne, awunawun úne buroŋ bíyeni h'aritane hu Yesu Kiris t'eket i. Iyu u úbaje fu eyakar yéeketaariit,

Saak 1:18

Ho hutoofo n'awun úne buroŋ, aŋ'asaan bo ti hirim hoone heeemo hu hite nu múniyo, kaanuku man n'úyemi étiyar i tu buroon b'áwuwane bu fe.

Saaŋ 6:69

Abe uni íriyilenayilen, írimoomi yooŋ kaanuku awe a̱amo fu An Eenabe u éenuutina u t'Atambatun.

1 Saaŋ 3:17

An eebaje af'ajuk at'o n'ahaŋk, abe n'ateñeko káyokunano, buŋ b'ayino fu kaanu ámaŋamaŋi Atambatun t'eholo?

Epotor i 8:36

Bokondu ti bija bu, ni kareeŋ tike tiŋ tu móhujo meemo. Ániine u n'aane: —A̱juk, móhujo mondu. Naŋ nukolene fu kaanuku iibostee?

Saaŋ 1:3

Te ho t'Atambatun aŋaase fu éewuwan doon areyi fe. Doon dúwuwanutee tu husokut.

1 Saaŋ 5:5

Aañ ayino fu kaheeku bo? Kane arko fu taŋ an éeyilene u kaanuku Yesu aamo fu Añi ite Atambatun.

1 Saaŋ 5:18

Úmoomi kaanuku añi fe ite Atambatun aŋ'araan kahoofoor, ábuki Añi ite Atambatun aŋ'ajukaro, abe Batuuk bu biyinaat te o doon.

Hirim Heetoofe hu hi Luk akiñje hu 7:5

Aŋ'ámaŋi úne Esuwif i naane, abe am ákinineŋe fu *báalawum bite b'uni nu bunutee.