1 Saaŋ 4:6 - Kwatay (Kuwaataay)

⁶ Úne bare bakan bakate Atambatun. An éemeyie Atambatun aŋ'ajamatan úne; bare an eenooto ite Atambatun ájamatanaariit úne. Iyu u úyino fu kakeetan Búwejet bite múniyo mu, nu búwejet bite haajuus hu.

1 Saaŋ 4:6 Referans Kwoze

Saaŋ 14:17

O aamo fu Búwejet bumbu búwufoor ésuk i múniyo mu. Bakate ku t'etaam ye biteñekoo, ábuki kayinaato kajuku, kayinaato yooŋ kámeyi. Bare aruun árimoomio, ábuki akinakin n'aruun, o yooŋ káyemi n'aruun.

Saaŋ 10:27

Síkarniina súuma iŋi sijamatan kaaji kúuma. Ímoomi so, abe iŋi sisaam ti hiñaawu.

Saaŋ 15:26

«Áyokunana u bibin: o aamo fu Búwejet bite múniyo mu, eeyak u kánuutina ti Faaf u. Íñje káboñinuuno tu huruwu hite Faaf u, abe o kasokuuun búuma bu fe.

1 Saaŋ 4:1

Kújakuwe, aruun k'ímaŋie-maŋie ku, atum'áriyilen ésuk i fe kiŋki kaane Búwejet Beenabe bu bondu tu boko. Ariŋesiin kep ariijuk man búwejet bi kabaje bu, t'Atambatun tu búnuutina. Isokuunsok bonde ábuki kiŋki kajuus kaane boko kaamo *eyiŋana yite Atambatun bokondu t'etaam i, abe kahoojahooj.

1 Saaŋ 4:4

Kúñuumo, aruun bare bakan bakate Atambatun, abe arikalakalo kiŋki kajuus kaane boko kaamo eyiŋana yite Atambatun. Ábuki Búwejet beeemo bu t'aruun bihaŋahaŋ sembe beeemo bu ti bakate ku t'etaam ye.

Saaŋ 18:37

Náami Pilat eeeno: —Kame fu me awe áyi? Yesu n'aano: —A̱soka bo, íñje áyi. Béekinineŋe bu n'ibukee iibin t'etaam ye bonde: kaanuku iisok ésuk i bifeeneŋ bu. An eeemo an ite bifeeneŋ aŋ'ajamatan bimb'isok.

1 Korent 14:37

Ake af'ayinoor n'aane Búwejet Beenabe bu bondu te o, man yooŋ akina *ayiŋana ite Atambatun, n'aŋ'ámeyi kaanuku b'íkiñjinuun bee, Anahaan u asoke fu bo.

2 Tesalonik 1:8

O bibin ti kaañen kómbokun kaanuku eenij ásuf ti kéemaŋiit ku kámeyi Atambatun, abe n'iŋi kateñeko káhinu naane Hirim Heetoofe hite h'Anahaan ite úne Yesu *Kiris husoke i.

Saaŋ 16:13

Búwejet bite múniyo mu ifi bija bibin, bo káwufooruun múniyo mu mireyi fe. Utu busok doon du bunoŋke beeyinoor, bare bo kasokuuun naŋ ni bijame fu fe, ni beeware bu yooŋ kabaju.

1 Saaŋ 4:8

An eefinut ámaŋi ésuk i, an ondu ámeyiit Atambatun, ábuki Atambatun ámaŋamaŋi ésuk i.

1 Timote 4:1

Búwejet Beenabe bu busokasok bonde bukuur but. Beenaan: tu kunak kiraanu ku, bakaake kawasu káyilen ku. Boko kajoku tu ñúwejet ñuññu ñubuut, ni bi birab bu bimbi biliikeniin.

Saaŋ 13:20

Iisokuun bifeeneŋ bu: an af'ajok áwariee ake i iboñe, íñje a ajoke fu áwariee; abe an eejokam áwariee, an éeboñinam u a ajoke fu áwariee.»

Saaŋ 8:19

Ni kaano: —Kame faafi ondu diin? Yesu n'aaniin: —Árimeyiitam, árimeyiit yooŋ Faafam. Kane árimeyiam yéeni, n'aŋ'árimeyi yooŋ Faafam.

Hirim Heetoofe hu hi Luk akiñje hu 10:22

Abe n'aane kéeyemie ku toko: —Faafam anaŋanaŋ buroon bu fe tu sumoŋiam. An ámeyiit íñj'eemo fu aañ, íñje eeemo u Añi u, bare Faaf u ámoomi. An yooŋ ámeyiit Faaf u aamo fu aañ, bare ímoomi, íñje Añi u; abe k'ijifane ku yooŋ kaanuku íiwufooriino kámoomi.

Eleetar i yi Sud akiñje i 1:17

Kújakuwe, aruun k'ímaŋie-maŋie ku, aruun bare, áribaŋino *b'epotor ite Anahaan ite úne Yesu *Kiris kabine bu kasokuun kóŋkeyin.

2 Piyeer 3:2

Áribaŋino báhamin *b'eyiŋana yite Atambatun keenabe ku kabine bu kasok kóŋkeyin, n'eluwa yite Anahaan u *n'Afakana u yooŋ toko, *y'epotor i k'Atambatun áboñinuun ku kaliikenuun i.

2 Korent 10:7

Arijondoman jak tu buroon bu. Ufu bukuur ake kaanuku akina an ite Kiris, aja ámeyi kaanuku uni yooŋ bakan bakate Kiris naane akina.

Eleetar i yi Pool akiñje i bakate ku Rom 11:8

naane Míkiñjin mu musoke i. Meenaan: «Atambatun ámiñamiñ ñúwejet ñooniin, n'akumb yooŋ ñíkiniin, abe n'alof wúkondiniin. Bondu yooŋ bibaje fu bija t'úmiye.»

Eleetar i yi Pool akiñje i bakate ku Rom 1:1

Íñje Pool aroka ite Yesu *Kiris ikiñje fee eleetar yende. Atambatun aruwamruw kaanuku íiyemi *apotor, abe n'ákajinam kaanuku iŋ'iwaare Hirim hoone Heetoofe hu.

Saaŋ 20:21

Yesu n'asooñ aaniin: —Káasuumaay kibaj t'aruun! Naane Faaf u áboñinam i, íñje yooŋ iiboñuun.

Saaŋ 10:16

Huroŋam yooŋ sike síkarniina seeyoosoorut t'ékus yendu. Sondu, iwarawar bibin ne so. So yooŋ kajamu kaaji kúuma, abe n'aŋ'abaj kaahaaw kifeeneŋ taŋ, n'ahaawa yooŋ afeeneŋ.

Saaŋ 8:23

Yesu n'aaniin: —Aruun bakate t'etaam, abe etaam i ékiniuun fu. Íñje bare ite t'etiir, abe etaam i ékiniitam.

Saaŋ 10:3

Ajukara ite ékus i aŋ'áfeŋgino karuŋ ku, abe síkarniina su iŋi sijam kaaji koone. Aŋ'aruw síkarniina soone yánoyan fe huruwu hite te yo, abe n'aŋ'anuutan so tíyaŋ.

1 Saaŋ 5:19

Úmoomi kaanuku Atambatun akino fu úne, bare etaam i ereyi fe yendu ti sembe site Batuuk bu.