1 Saaŋ 4:10 - Kwatay (Kuwaataay)

¹⁰ Iye i kámaŋi aamo fu: káanukiiit man úne úmaŋie Atambatun, bare akina ámaŋie fu úne. N'áboñin Añio kaanuku man wuhoofoor wute w'úne nu wuboŋketee iŋ'ite *kaasarah koone.

1 Saaŋ 4:10 Referans Kwoze

1 Saaŋ 2:2

Akina awune fu enio *yeesarahee kaanuku man wuhoofoor wute w'úne nu wuboŋketee. Káanukiiit wute w'úne barebare, bare bija yooŋ nu wute bakaaku kúŋgowulan fe.

1 Saaŋ 4:19

Atambatun ajabe fu ámaŋi úne. Iŋ'ite ho h'úmaŋio fu, akina nu kúŋgowulan ku fe.

Saaŋ 15:16

Áruuniit arijifanam fu, bare íñje ijifanuun fu, abe n'iboñuun kaanuku ariija aribuk miriyaay, miriyaay mite bifiyo. Af'árihin bo, Faaf u kawunuuun doon fe d'ariyako kalawu tu huruwu húuma.

Saaŋ 3:16

Ábuki Atambatun ahaŋahaŋ kámaŋi ésuk i, ayak awun Añi oone afeeneŋ u, kaanuku an fe éeyilene te o atum'átowuto hiraanu, bare n'abaj buroŋ béehabanaariit bu.

1 Saaŋ 3:1

Arijuk naane Faaf u ámaŋie i úne ariike, asooñen n'aŋ'aane úne bakañio! Abe nu múniyo, úne bakañio. Bakate ku t'etaam ye kámeyiit Faaf u; bo bíkinineŋe fu kámeyiit úne yooŋ.

1 Piyeer 3:18

Múniyo Kiris humuumo aketaket hifeeneŋ, abe hiraanu, bija tu wuhoofoor wute kúŋgowulan ku. Akina eeemo u an eejake n'aket bija t'énafuta, kaanuku éehinuun ariibukan n'Atambatun. Enio yi kayoole fu, bare n'ábatikannee buroŋ tu Búwejet Beenabe bu.

1 Piyeer 2:24

Akina *t'ekuruwa i, ayitayit t'enio wuhoofoor wute w'úne, kaanuku man n'úwasoor ni kaahoofoor ku núuyooso tu buroŋ beejoŋoore. Hee, iŋi busontaay bite bu Kiris h'aribaje fu káasuumaay.

Saaŋ 6:51

Íñj'eemo fu humburu huhu huwun buroŋ bu, héewaneina hu t'etiir. An eeteŋe u te ho, buroŋ boone iti bihabano. Humburu h'ija hu kawunu heemo fu eniam. Íñje kawunu ho kaanuku ésuk i keeroŋ.

Saaŋ 13:34

Iisaanuun eluwa éyeni: árimaŋioori. Naane ímaŋiuun i, iyu yooŋ a ariware fu kámaŋioori.

Esuwif i 2:17

Iŋ'ite ho h'aware fu kanokoor ni bakano tu doon areyi fe, kaanuku eebin éeyemi *asaraha ómbokun u, éemeyie kayubiyen an, abe n'ájub tu burok boone hágila Atambatun. Iyu a áyinie fu kásiku buroŋ boone eesarah kaanuku man wuhoofoor wute ésuk i nu wuboŋketee.

1 Saaŋ 5:11

Bonde b'Atambatun aseede fu: awunawun úne buroŋ béehabanaariit bu, abe buroŋ bondu bondu t'Añio.