1 Saaŋ 4:1 - Kwatay (Kuwaataay)

¹ Kújakuwe, aruun k'ímaŋie-maŋie ku, atum'áriyilen ésuk i fe kiŋki kaane Búwejet Beenabe bu bondu tu boko. Ariŋesiin kep ariijuk man búwejet bi kabaje bu, t'Atambatun tu búnuutina. Isokuunsok bonde ábuki kiŋki kajuus kaane boko kaamo *eyiŋana yite Atambatun bokondu t'etaam i, abe kahoojahooj.

1 Saaŋ 4:1 Referans Kwoze

1 Tesalonik 5:21

Bare arijondoman jak tu buroon bu fe: arijok ti beejake bu,

2 Piyeer 2:1

Kóŋkeyin, abajabaj *Israyel bakan iŋi karito ni kajuus kaane boko kaamo *eyiŋana yite Atambatun. Iyu yooŋ i bakaake kayak fu birito t'etutuun, abe n'iŋi kajuus kaane boko kaamo émuse, bare bi kaja fu kaliiken ésuk i bíteiit nu múniyo. Boko kaliikenuun bite haajuus bite kátowutan ésuk i, abe boko biteñeko yooŋ Ámuse u eejaame u wuhoofoor wooniin. Iŋ'ite ho aamo fu bútowuto booniin káfufu, abe n'aŋ'áami boko kaŋese bo.

1 Timote 4:1

Búwejet Beenabe bu busokasok bonde bukuur but. Beenaan: tu kunak kiraanu ku, bakaake kawasu káyilen ku. Boko kajoku tu ñúwejet ñuññu ñubuut, ni bi birab bu bimbi biliikeniin.

2 Saaŋ 1:7

Ejuusa keehooje bokondu t'etaam i. Kaane nu múniyoiit, Yesu *Kiris abinut áyemi húŋgowulan. Bakan naane bokondu ejuusa, enatoora yite Kiris.

1 Korent 14:29

Kiŋki kayiŋan báhamin bite Atambatun, bákasuba barebare man yooŋ bákahaaji kaja káhamin, abe bakaaku ni kajamatan jak keejuk man bite toko man yooŋ.

1 Saaŋ 2:18

Kúñuumo, kamoosen kite etaam i kulohena! Arijamajam kaanuku Anatoora ite *Kiris awarawar bibin. Abe hahiye enatoora yite Kiris keehooje kabina; iŋ'ite ho h'úmeyie fu kaanuku kamoosen kite etaam i kulohena.

Hirim Heetoofe hu hi Luk akiñje hu 12:57

—Iŋi naŋ n'áriyinooraariit fu ariijuk beejake b'ariware bu káhinu aruun kumuumuun?

Hirim Heetoofe hu hi Luk akiñje hu 21:8

Yesu n'aaniin: —Arinaŋ toko kikawuun, an atum'abuutuun. Ábuki bakan keehooje bibin nu huruwu húuma iŋi kaane boko kaamo fu *Afakana u, man yooŋ ewahatu i ereeŋa. Bare atum'ariseiin ti hiñaawu.

2 Timote 3:13

Bare kéenafute ku ni ñatuuk ñu, boko kahaŋu ti meejakut mooniin kep. Boko kabuutu bakaaku, abe boko kumuumiin yooŋ kabuutiee.

Kafeeñal ku 2:2

ímoomi buroon b'á̱hine bu bireyi fe, ni naane aa á̱miñooro tu burok, ni naane aa á̱muñ yooŋ. Ímoomi kaanuku a̱yinaat kakinu ni bakan keejakut ku. A̱jondomanajondoman yooŋ jak ti kiŋki kaane boko kaamo *epotor ayak a̱juk kaanuku nu múniyoiit, boko kajuuse.

1 Korent 12:10

Búwejet bu uŋu buwun ake sembe site káhinu buroon beehaŋe ésuk i kikaw, nu buwun ake sembe site kayiŋan báhamin bite Atambatun, nu buwun ake sembe site kakeetan bumbu búnuutin tu ñúwejet ñeejakut ñu, nu bumbu búnuutin tu Búwejet bite bu nu múniyo. Nu buwun ake sembe site káhamin ti kíhaminiin kuway, nu buwun ake sembe site káhandin kíhaminiin kondu.

Epotor i 20:29

Ímoomi kaanuku iŋ'iyak káwuŋgu iija, bakan keeemo naane bindaafaan béefetie búyooseinauun, abe utu buyubiyen kaahaaw ku.

Mark 13:21

Náami an af'aanuun: «Arijuk, *Afakana u ondu diye!» man yooŋ: «Ondu diya!», atum'áriyileno.

Epotor i 17:11

Bakate ku bo kahaŋe Esuwif i bakate ku Tesalonik bíhandino, ábuki kajokajok hirim hite Atambatun káhabanein. Húnakonak fe, n'iŋi kajaŋga ti *Míkiñjin mu keejuk man bu Pool bamb'asok bite toko.

1 Tesalonik 5:20

atum'ariteñeko báhamin bite kiŋki kayiŋan tu huruwu hite Atambatun.

2 Tesalonik 2:2

bakaake ifi kaanuun hunak h'Anahaan u ábatikein hu te ho hireeŋa, siheluun sija sibeb, atum'áriyileniin. Hutoof yooŋ ake ayiŋanuun bo tu huruwu hite Atambatun, man yooŋ n'awaareuun bo, man yooŋ ni kaanuun irikiñjakiñj bo t'eleetar, atum'árikoleyi.

1 Saaŋ 2:7

Kújakuwe, aruun k'ímaŋie-maŋie ku, eluwa éyeniiit y'ikiñjuun fee. Eluwa yeefiyee, y'arisaanee huta hu ti kájabina ku. Eluwa yendu yeefiyee i yeemo fu hirim h'arijame hu.

3 Saaŋ 1:11

Óom, atum'a̱liikool ni meejakut mu, bare a̱liikool ni meejake mu. An aŋ'áhin meejake, akina an ite Atambatun; an aŋ'áhin meejakut, an ondu ámeyiit Atambatun.