1 Saaŋ 3:7 - Kwatay (Kuwaataay)

⁷ Kúñuumo, atum'ariwas an fe eebuutuun! An aŋ'áhin béejube, ájubajub naane Yesu Kiris ájube i.

1 Saaŋ 3:7 Referans Kwoze

1 Saaŋ 2:29

Árimoomi kaanuku Kiris ájubajub. Náami ariwarawar yooŋ kámeyi kaanuku an fe aŋ'áhin beejoŋoore, akina añi ite Atambatun.

Eleetar i yi Pool akiñje i bakate ku Rom 2:13

Káanukiiit kiŋki kajamatan Eluwa i abe araanee toko kaamo fu kéejube ku t'Atambatun; aaa, kéejube ku te o kaamo fu kiŋki káhin naane esoke i.

1 Saaŋ 3:3

An fe eebaje eyakar yendu ti Kiris *bukuuranooro naane Yesu Kiris akuure i.

1 Saaŋ 2:26

Ikiñjuunkiñj bondu iŋi bakan keeŋes ku kabuutuuun.

1 Saaŋ 2:1

Kúñuumo, íñj'endu ti kákiñjinuun bonde kaanuku atum'aŋ'arihoofoor. Bare ake af'áhin kaahoofoor, úbajabaj an aa areeŋo úne t'Atambatun: o aamo fu Yesu *Kiris éejube u.

Epotor i 10:35

Tánotan fe t'etaam ye, an af'ájeŋgino abe n'aŋ'áhin beejake bu, atoofotoof.

Efees 5:9

ábuki meejaaŋe mu uŋu mubuk doon fe deejake, ni deejoŋoore, ni dite múniyo.

1 Piyeer 2:24

Akina *t'ekuruwa i, ayitayit t'enio wuhoofoor wute w'úne, kaanuku man n'úwasoor ni kaahoofoor ku núuyooso tu buroŋ beejoŋoore. Hee, iŋi busontaay bite bu Kiris h'aribaje fu káasuumaay.

1 Korent 6:9

Árimeyiit kaanuku kiŋki káhin meejakut mu iti kamaat hikee ti *Jáyi jite Atambatun? An atum'abuutuun: kiŋki kafurukato, n'ewaasena i, ni kiŋki kaŋot ni bakan ki kaseñeit ku, ni kiŋki kaŋot ániine n'ániine,

Hirim Heetoofe hu hi Luk akiñje hu 1:75

man úne buroŋ, n'úyemi te o bakan keenabe, bakan keejoŋoore.»

Saak 2:19

Eeman á̱yilenayilen kaanuku Atambatun afeeneŋ abaje fu? Kame beejake. Sirab su yooŋ síyilenayilen bondu, abe iŋi síbit ekoloowe taŋ.

Fílip 1:11

Yala kunoŋk koonuun fe ni kíyemi keejake ti sembe site Yesu Kiris, bija ti kánikan kite Atambatun, ni kasokoroor koone.

Májiye 5:20

Íñje isok fee n'aruun: afut'aŋ'árihin naane Atambatun ámaŋie i arihaŋ *Efarisiyeŋ i *n'émuse yite Eluwa yite Moyis, at'ariyooso hikee ti Jáyi joone.

Saak 1:22

Atum'ariraan ti kajamatan hirim hite Atambatun barebare, bare árihin yooŋ naane husoke i. Káhinaate iyu, n'aŋ'aribuut kikawuun.

Esuwif i 7:2

Aburaham n'áruboor buroon b'ábajina bu kúrub sumoŋu, abe n'ásik hifeeneŋ awuno. Huruwu hite Melkisedek aamo fu «áyi ite bifeeneŋ». Akina yooŋ «áyi ite káasuumaay», ábuki Salem aamo fu «káasuumaay».

Esuwif i 1:8

Bare t'Añi u aanaan: «Awe Atambatun, híyiaate húuwe hisiiŋasiiŋo hiraanu, abe ho káyemi heejoŋoore júl.

Efees 5:6

Kunoŋk naane kondu ifi kíkinineŋ Atambatun n'ayiŋat ti kiŋki kateñeko kájeŋgino. Náami an atum'abuutuun ni báhamin beeñunut.

1 Saaŋ 3:18

Kúñuumo, úwarut kámaŋioori ni kirim keetoofe barebare; úwarawar kámaŋioori nu múniyo tu buroon bumb'úhin.

1 Saaŋ 4:17

Arko kámaŋi keeemo ku t'úne kiyanayan, kikaw úne kayaŋgu piŋ hunak h'Atambatun aja hu kajoonan te ho, ábuki manoŋkar mite m'úne t'etaam ye múmoomi naane mite mu Yesu *Kiris.