1 Saaŋ 3:3 - Kwatay (Kuwaataay)

³ An fe eebaje eyakar yendu ti Kiris *bukuuranooro naane Yesu Kiris akuure i.

1 Saaŋ 3:3 Referans Kwoze

2 Korent 7:1

Kújakuwe, aruun k'ímaŋie-maŋie ku, makamu Atambatun aanaan o káhinu úne bondu fe, úkuuranooro tu buroon bu fe bumbu bubuusatan sini su nu ñúwejet ñu. Úbaj buroŋ bite bakan keenabe kareeŋ, abe n'úkoleyi Atambatun.

1 Saaŋ 2:6

An af'asok aane áhinahin t'afeeneŋ n'Atambatun, awarawar kanaban tu wuwot wute Yesu.

2 Piyeer 3:14

Kújakuwe, aruun k'ímaŋie-maŋie ku, iŋ'ite ho aamo fu makamu aruun bokondu ti kanahan hunak hondu, árihin wáhowah man n'áriyemi hágila Atambatun bakan *keekuure, bakan keeyinaatee kawatan tu doon fe, ni bakan yooŋ keebaje káasuumaay ne o.

Májiye 5:48

Faafuun eeemo u t'etiir aŋ'akuur but; aruun yooŋ áriyemi naane akina.

Esuwif i 12:14

Árihin wáhowah man káasuumaay ni kíyemi t'etutuun aruun ni bakaaku fe, abe n'aribaj buroŋ beenabe. An afut'anab, at'ajuk Atemit.

Esuwif i 7:26

Náami Yesu aamo fu asaraha ómbokun u u úsawulee u. Anabanab, áhinaariit meejakut, áhoofooraariit, áhinaariitee t'afeeneŋ n'ehoofoora i, abe Atambatun ayitoyit t'etiir bufor bu.

Kolos 1:5

Hunak hi hirim hite múniyo mu, heeemo hu Hirim Heetoofe hu híreeŋina hu t'aruun hítiyar, arijamajam eyakar yeeemo i te ho. Iyu a arinaŋe fu káyilen koonuun, ni kámaŋioori koonuun fe t'eyakar yendu y'Atambatun anaŋe i t'etiir bija t'aruun.

Epotor i 15:9

Te o úwayeit nu boko: akuuranakuuran ñúwejet ñooniin aŋarkeyi naane káyilenayilen.

Eleetar i yi Pool akiñje i Tit 3:7

Náami makamu ti kajaku koone áhinahin úne núujub, úne káyini kabaju buroŋ béehabanaariit bu b'úyakare bu.

2 Piyeer 1:4

Iyu a awune fu úne buroon bómbokun béewarie naane afiye i asok aane o kawunu úne bo. Áhinahin iyu kaanuku af'arijok bo, n'arifak tu wúfaŋi weejakut weeemo wu t'etaam ye wuwu wúbuj ésuk i, abe n'aribaj sihel naane yeene i.

Hirim Heetoofe hu hi Luk akiñje hu 6:36

Faaf úne ajakajak faa t'ésuk i ereyi fe. Arijak yooŋ naane akina.

1 Saaŋ 4:17

Arko kámaŋi keeemo ku t'úne kiyanayan, kikaw úne kayaŋgu piŋ hunak h'Atambatun aja hu kajoonan te ho, ábuki manoŋkar mite m'úne t'etaam ye múmoomi naane mite mu Yesu *Kiris.

Esuwif i 6:18

Náami muroon músuba mondu miyinaatee kanuutan mike meesiiŋanee, abe Atambatun ayinaat biñako te mo. Mo miyaŋganane fu úne kikaw núujok t'eyakar y'Atambatun asoke i úne, úne keeemo ku t'ésamunan yeene.

2 Tesalonik 2:16

Atambatun Faaf úne ámaŋamaŋi úne, abe ti kajaku koone n'ayaŋganan úne kikaw ko kireyi fe n'eyakar yeeyane. Uni bokondu ti kalawu Anahaan ite úne Yesu Kiris humuumo, n'Atambatun Faaf úne

Eleetar i yi Pool akiñje i bakate ku Rom 15:12

*Esayi yooŋ asokasok ti Míkiñjin mu aane: «Ake kánuutina tu noota nite Seese. O bíriteina eebin éeyemi aseef ite keenooto ku Esuwif, abe boko kanaŋu te o eyakar yeeniin.»

Saaŋ 17:19

Isaanisaan buroŋ búuma bireyi fe uŋu hooniin hu, kaanuku man boko yooŋ ni káyemi bakan kúuwe káhabanein.

Saak 4:8

Ariloh Atambatun, abe n'aŋ'alohuun. Aruun ehoofoora i, *arikuuranooro; aruun kaŋk'árihin sihel súsuba, arikuuran siheluun!

1 Piyeer 1:3

Úsokoroor Atambatun Faaf ite Anahaan ite úne Yesu *Kiris! Ti kajaku koone kómbokun ku k'áwufoore ku úne, awunawun úne buroŋ bíyeni h'aritane hu Yesu Kiris t'eket i. Iyu u úbaje fu eyakar yéeketaariit,

1 Piyeer 1:15

Bare áriyemi bakan keenabe ti máhinar moonuun, naane Atambatun eeruwuun u anabe i yooŋ.