1 Saaŋ 3:10 - Kwatay (Kuwaataay)

¹⁰ Tu bonde ti biñi bite Atambatun kawayee fu ni biñi bite Setani: an fe éehinaariit beejake, man yooŋ éemaŋiit at'o, an ondu anooto añi ite Atambatun.

1 Saaŋ 3:10 Referans Kwoze

1 Saaŋ 4:8

An eefinut ámaŋi ésuk i, an ondu ámeyiit Atambatun, ábuki Atambatun ámaŋamaŋi ésuk i.

3 Saaŋ 1:11

Óom, atum'a̱liikool ni meejakut mu, bare a̱liikool ni meejake mu. An aŋ'áhin meejake, akina an ite Atambatun; an aŋ'áhin meejakut, an ondu ámeyiit Atambatun.

1 Saaŋ 4:21

Náami eluwa yende yi Kiris asaane i úne: an éemaŋie Atambatun awarawar yooŋ kámaŋi at'o.

Saaŋ 8:44

Setani aamo fu faafuun, abe beetoofo bu b'af'árimaŋi káhinu. Huta hu ti kájabina ku, aŋ'ayool ésuk i. Ásokaariit bifeeneŋ, ábuki múniyo mu munooto te o. Af'ajuus yooŋ, máhaminaro, ábuki akina ajuusa, abe akina átuute fu haajuus.

Májiye 13:38

hitaaŋaat hu heemo fu aduna i; sinawaay su seemo fu bakate ku ti *Jáyi jite Atambatun; husuwa hu heemo fu bakate ku Setani;

Saaŋ 8:47

An eeemo ite Atambatun, aŋ'ajamatan kirim kite Atambatun. Bare arinooto bakan bakate Atambatun; iŋ'ite ho h'árijamatanaariit fu.

Hirim Heetoofe hu hi Luk akiñje hu 6:35

N'afin áami aruun, árimaŋi enatoora yeenuun, abe n'árihiniin meejake. Arimaageniin yooŋ, abe n'arinuutan toko siheluun. Af'árihiniin iyu, aruun kabaju hisiibanu hómbokun, abe n'aŋ'áriyemi biñi bite Atambatun eeemo u t'etiir-t'etiir. Ábuki ajakajak ti kéeenaariit ku eyeehen, ni kéenafute ku.

1 Saaŋ 4:6

Úne bare bakan bakate Atambatun. An éemeyie Atambatun aŋ'ajamatan úne; bare an eenooto ite Atambatun ájamatanaariit úne. Iyu u úyino fu kakeetan Búwejet bite múniyo mu, nu búwejet bite haajuus hu.

Efees 5:1

Makamu aruun ariemo fu biñi bu k'Atambatun ámaŋie ku, ariliikool ne o.

1 Saaŋ 5:2

Uf'úmaŋi Atambatun, abe n'úhin yooŋ naane buluwa boone busoke i, n'uŋu bukuur úne kaanuku úmaŋamaŋi bakañio.

1 Saaŋ 2:29

Árimoomi kaanuku Kiris ájubajub. Náami ariwarawar yooŋ kámeyi kaanuku an fe aŋ'áhin beejoŋoore, akina añi ite Atambatun.

Epotor i 13:10

abe n'aano: —Awe ajuusa, batuuk, añi Setani, anatoora ite meejake mu! Kaakaŋ me n'a̱ja fu karaan kayeeman kite buroon beejoŋoore bu b'Atemit ámaŋie bu kasiiŋan?

1 Saaŋ 5:19

Úmoomi kaanuku Atambatun akino fu úne, bare etaam i ereyi fe yendu ti sembe site Batuuk bu.

Saaŋ 1:12

Bare keejoke ku ho áwariee kareyi fe, abe ni káyilen te ho, huwuniinwun sembe kaanuku keebin kéeyemi bakañi Atambatun.

Saaŋ 11:52

Bare eket ite Yesu, bíjaiit t'Esuwif i barebare; yite yooŋ kakuukan biñi bite Atambatun keeyisaloolee ku t'etaam ye kaanuku kéehin t'afeeneŋ.)

Eleetar i yi Pool akiñje i bakate ku Rom 13:8

Atum'áriyekioori doon fe, kane arko taŋ kámaŋioori ku. An af'ámaŋi bakaaku, ájeŋginajeŋgin *Eluwa yite Moyis áhabanein.

Kolos 3:14

Abe beehaŋe bu fe beemo fu árimaŋioori. Kámaŋioori ku ifi kíkinineŋ kajokoor ku ni kiyan.

1 Timote 1:5

Káyeegal kondu kite káhinu *kéeyilene ku kéemaŋioori kámaŋi kéenuutina t'ehol yeekuure, nu búwejet beejake, ni káyilen keeyane.

1 Saaŋ 3:1

Arijuk naane Faaf u ámaŋie i úne ariike, asooñen n'aŋ'aane úne bakañio! Abe nu múniyo, úne bakañio. Bakate ku t'etaam ye kámeyiit Faaf u; bo bíkinineŋe fu kámeyiit úne yooŋ.

1 Saaŋ 3:2

Kújakuwe, aruun k'ímaŋie-maŋie ku, hahiyu úne biñi bite Atambatun, bare naane úja i kanokoor búwuforoorutee. Bare úmoomi kaanuku *Kiris af'abin ásooñin, úne káyemi naane akina, ábuki úne kajukio naane aamo i.