1 Saaŋ 2:7 - Kwatay (Kuwaataay)

⁷ Kújakuwe, aruun k'ímaŋie-maŋie ku, eluwa éyeniiit y'ikiñjuun fee. Eluwa yeefiyee, y'arisaanee huta hu ti kájabina ku. Eluwa yendu yeefiyee i yeemo fu hirim h'arijame hu.

1 Saaŋ 2:7 Referans Kwoze

1 Saaŋ 3:11

Múniyo, hirim honde h'arijame fu huta hu ti kájabina ku: úmaŋioori.

1 Saaŋ 3:23

Eluwa yende y'asaane i úne: aane úyilen tu huruwu hite Añio Yesu Kiris, abe yooŋ n'úmaŋioori naane asoke i úne.

1 Saaŋ 2:24

Iŋ'ite ho aamo fu áriwasiyoor ariinaŋ ti siheluun hirim h'arijame hu huta hu ti kájabina ku. Arko b'arijame bu huta hu ti kájabina ku bondu ti siheluun, aruun yooŋ káyemi t'afeeneŋ n'Añi u ni Faaf u.

Májiye 5:43

—Arijamajam kaanuku bonde busokee fu: «A̱warawar kámaŋi áwiyi húŋgowulan, abe n'a̱huuf anatoora úuwe.»

Epotor i 17:19

Náami keejoko keeja ne o t'ejoonana i kiŋki kaanee Arewopaas. Ni kaano: —Írinooni me kámeyi bíyeni bondu bamb'a̱liiken ii ésuk i beemo fu naŋ?

Saaŋ 13:34

Iisaanuun eluwa éyeni: árimaŋioori. Naane ímaŋiuun i, iyu yooŋ a ariware fu kámaŋioori.

Esuwif i 6:9

Kújakuwe, aruun k'ímaŋie-maŋie ku, naane írihamine ee fe bare, bukuurakuur uni kaanuku aruun bokondu ti bítim beejake bu, bite kafaku ku.

1 Saaŋ 3:2

Kújakuwe, aruun k'ímaŋie-maŋie ku, hahiyu úne biñi bite Atambatun, bare naane úja i kanokoor búwuforoorutee. Bare úmoomi kaanuku *Kiris af'abin ásooñin, úne káyemi naane akina, ábuki úne kajukio naane aamo i.

1 Saaŋ 3:21

Náami kújakuwe, aruun k'ímaŋie-maŋie ku, sihel site s'úne ifit siwatan úne, kikaw úne n'iŋi kiyaŋg t'Atambatun.

1 Saaŋ 4:1

Kújakuwe, aruun k'ímaŋie-maŋie ku, atum'áriyilen ésuk i fe kiŋki kaane Búwejet Beenabe bu bondu tu boko. Ariŋesiin kep ariijuk man búwejet bi kabaje bu, t'Atambatun tu búnuutina. Isokuunsok bonde ábuki kiŋki kajuus kaane boko kaamo *eyiŋana yite Atambatun bokondu t'etaam i, abe kahoojahooj.

1 Saaŋ 4:7

Kújakuwe, aruun k'ímaŋie-maŋie ku, árimaŋioori, ábuki kámaŋi ku, t'Atambatun tu kúnuutina fu. An af'ámaŋi ésuk i, an ondu añi ite Atambatun, abe ámoomi Atambatun.

1 Saaŋ 4:11

Kújakuwe, aruun k'ímaŋie-maŋie ku, makamu iyu a Atambatun ámaŋie fu úne, úne yooŋ úwarawar kámaŋioori.

1 Saaŋ 4:21

Náami eluwa yende yi Kiris asaane i úne: an éemaŋie Atambatun awarawar yooŋ kámaŋi at'o.