1 Saaŋ 2:6 - Kwatay (Kuwaataay)

⁶ An af'asok aane áhinahin t'afeeneŋ n'Atambatun, awarawar kanaban tu wuwot wute Yesu.

1 Saaŋ 2:6 Referans Kwoze

1 Piyeer 2:21

Iŋ'ite hu bondu h'Atambatun aruwuun fu, ábuki *Kiris humuumo ajukajuk sílaam uŋu hoonuun hu, áwufooruunwufoor yooŋ bítim bu kaanuku man n'arisao ti hiñaawu.

Saaŋ 13:15

Íwufooruunwufoor naane ariware i káhinu kaanuku aŋ'aribin árihinoor iyu.

1 Korent 11:1

Arineefan t'íñje naane íñje yooŋ ii ineefan ti Kiris.

1 Saaŋ 3:6

Náami an fe éehine ne o t'afeeneŋ araana kahoofoor; bare an fe aŋ'ahoofoor, ajukuto, abe ámeyiito yooŋ.

Efees 5:2

Árimaŋioori ko kireyi fe tu buroŋ boonuun naane *Kiris ámaŋie i úne. Ámaŋamaŋi úne, abe n'ásik buroŋ boone eesaan bo bija t'úne naane *kaasarah keehunde-hund t'Atambatun.

Májiye 11:29

Arijam t'íñje, abe n'ariwasam íiwuforooruun, ábuki íneenaneeni abe iŋ'ímuñ yooŋ; n'aŋ'ariyih.

1 Saaŋ 2:4

An af'aane ámoomio, abe bare ájeŋginut buluwa boone, akina ajuusa, abe múniyo mu munooto te o.

1 Saaŋ 2:28

Hee kúñuumo, arijok alitee ti káhinu k'árihine ku t'afeeneŋ ni Kiris, man hunak h'abin hu ifi hireeŋ, kikaw úne ni kiyaŋg piŋ; utum'úbin úfuño hágilao hunak hondu.

Saaŋ 15:10

Af'árihin b'isoke bu, ibaa kámaŋiuun naane íhine i yooŋ bi Faafam asoke bu, abe abaa yooŋ kámaŋiam.

1 Saaŋ 3:24

An éejeŋgine suluwa site Atambatun, an ondu áhina t'afeeneŋ n'Atambatun, Atambatun yooŋ áhina ne o t'afeeneŋ. Abe úmoomi kaanuku Atambatun áhinahin n'úne t'afeeneŋ, ábuki awunawun úne Búwejet boone.

1 Saaŋ 4:17

Arko kámaŋi keeemo ku t'úne kiyanayan, kikaw úne kayaŋgu piŋ hunak h'Atambatun aja hu kajoonan te ho, ábuki manoŋkar mite m'úne t'etaam ye múmoomi naane mite mu Yesu *Kiris.