1 Saaŋ 2:3 - Kwatay (Kuwaataay)

³ Uf'újeŋgin buluwa bite Atambatun, bukuur úne kaanuku úmoomio.

1 Saaŋ 2:3 Referans Kwoze

Saaŋ 14:15

Yesu n'asooñ aane: —Arko árimaŋiammaŋi, aruun káhinu b'isokuun bu.

Saaŋ 15:10

Af'árihin b'isoke bu, ibaa kámaŋiuun naane íhine i yooŋ bi Faafam asoke bu, abe abaa yooŋ kámaŋiam.

1 Saaŋ 5:3

Kámaŋi Atambatun aamo fu kájeŋgin buluwa boone. Abe buluwa boone biniŋut,

Hirim Heetoofe hu hi Luk akiñje hu 6:46

—Iŋi naŋ n'af'ariboo kaaniam: «Anahaan u, Anahaan u», abe árihinaariit bimb'isokuun?

Saaŋ 15:14

Arko áriihin b'isokuun bu, n'aŋ'áriyemi bákawiyam.

1 Saaŋ 4:13

Iye u úmeyie fu kaanuku úhinahin t'afeeneŋ n'Atambatun, abe akina yooŋ n'áhin n'úne t'afeeneŋ: awunawun úne Búwejet boone.

Esuwif i 5:9

H'aamo hu *akuuranee but ahaban, n'áyemi ti kiŋki kájeŋgino kareyi fe an u aa afakaniin hiraanu.

1 Saaŋ 3:19

Uf'úmaŋioori, n'uŋ'úmeyi kaanuku múniyo mu mikino fu úne; iyu, n'uŋ'úrooŋan sihel site s'úne hágila Atambatun.

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

1 Saaŋ 5:19

Úmoomi kaanuku Atambatun akino fu úne, bare etaam i ereyi fe yendu ti sembe site Batuuk bu.

1 Saaŋ 3:14

Úne úmoomi kaanuku únuutino t'eket i núuyooso tu buroŋ bu. Úmoomi bo aŋarkeyi naane úmaŋamaŋi bakati úne. An éemaŋiit at'o, an ondu aroŋa t'eket i.

2 Korent 4:6

Ábuki Atambatun eeene u: «Meejaaŋe mu mija mijaaŋan t'ébaani i!» o yooŋ áhine fu meejaaŋe moone meejaaŋ ti sihel site s'uni, kaanuku man n'ajaaŋan uni ti kámeyi kite kániku koone kiŋki kisilan tu buhooŋu bite Kiris.

Kafeeñal ku 22:14

Atoof ti kiŋki kañaw wañ wooniin. Boko kaŋaasu tu wuruŋ wute hikinu hu keeyooso, abe n'iŋi káyini kateŋu ti miriyaay mite nunukanuk nunnu nuwun buroŋ bu.

1 Saaŋ 2:13

Aruun sifaaf su, iikiñjuun bonde: árimoomi an éeyemie u huta hu ti kájabina ku. Aruun biñi bu, iikiñjuun bonde: arikalakalo Batuuk bu.

1 Saaŋ 3:6

Náami an fe éehine ne o t'afeeneŋ araana kahoofoor; bare an fe aŋ'ahoofoor, ajukuto, abe ámeyiito yooŋ.

1 Saaŋ 4:7

Kújakuwe, aruun k'ímaŋie-maŋie ku, árimaŋioori, ábuki kámaŋi ku, t'Atambatun tu kúnuutina fu. An af'ámaŋi ésuk i, an ondu añi ite Atambatun, abe ámoomi Atambatun.

1 Saaŋ 5:2

Uf'úmaŋi Atambatun, abe n'úhin yooŋ naane buluwa boone busoke i, n'uŋu bukuur úne kaanuku úmaŋamaŋi bakañio.

Kafeeñal ku 12:17

Éjufuur i n'eyiŋat t'anaare u dómbokun, abe n'eja yeetiik bakañio keeŋeñene ku. Boko kaamo fu kéejeŋgine ku buluwa bite Atambatun, abe ni kajok yooŋ tu múniyo mi Yesu áwufoore mu.

Kafeeñal ku 14:12

Iŋ'ite ho aamo fu bakan kite Atambatun, kiŋki kájeŋgin buluwa boone, abe ni kajok alitee ti Yesu kawarawar iŋi kámuñu.