1 Saaŋ 1:2 - Kwatay (Kuwaataay)

² An u aa awun buroŋ bu áŋaasinoŋaasin, abe irijukojuk. Iŋ'iriseedoo t'aruun, abe n'irisokuun an eeemo u buroŋ béehabanaariit bu. Ámoomi ti Faaf u, abe n'afeeñ t'uni.

1 Saaŋ 1:2 Referans Kwoze

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

Saaŋ 1:4

Buroŋ bu búmoomi te ho, abe buroŋ bu iŋi bíhin ésuk i kéeyemi ti meejaaŋe mu.

1 Timote 3:16

Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

1 Saaŋ 5:11

Bonde b'Atambatun aseede fu: awunawun úne buroŋ béehabanaariit bu, abe buroŋ bondu bondu t'Añio.

1 Saaŋ 3:8

An eekine ti kaahoofoor, akina an ite Setani, ábuki Setani ahoofoorahoofoor huta hu ti kájabina ku. Bonde bíkinineŋe fu Añi ite Atambatun n'abin: kaanuku éebuj burok bite Setani.

Eleetar i yi Pool akiñje i Tit 1:2

Iyu, n'uŋu bukuuriin kaanuku boko kabaju buroŋ béehabanaariit bu. Huta hu t'etaam i éwuwanoorutee, Atambatun éejuusaariit u asokasok aane o kawunu úne buroŋ bondu.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

1 Saaŋ 3:5

Árimoomi bare kaanuku Yesu Kiris abinabin iŋi kanuutan wuhoofoor wute w'úne. Akina abajut mayet kaahoofoor.

2 Timote 1:10

Hahiye kujukanaa ésuk i *h'Afakana ite úne Yesu Kiris áŋaasina hu. Akina ábuje fu sembe site eket i, abe n'aŋaas ti Hirim Heetoofe hu éewufoor úne buroŋ béeketaariit bu.

Galasi 4:4

Bare h'aamo hu hunak h'Atambatun ajoke hu hireeŋa, n'áboñin Añio, anaare éeyihinoo. N'ákuumanee t'Eluwa yite Moyis

Saaŋ 15:27

N'afin áami aruun, aruun kasoku ésuk i búuma bu, ábuki huta hu ti hítiyar hu, aruun bokondu ti kariboor n'íñje.

Epotor i 3:15

Iyu a ariyoole fii ate buroŋ bu. Bare Atambatun aritanoritan t'eket i, abe írinooni bo biseede.

1 Piyeer 5:1

Hahiye *sifaaf soonuun k'ijonde fu. Íñje humuumam faaf naane aruun; ijukajuk ni ñíkinam *Kiris o ti sílaam su, abe íñje kabaju yooŋ húrub ti kániku keeja ku káwufooree memee. Bonde b'ilaw fu n'aruun:

Eleetar i yi Pool akiñje i bakate ku Rom 8:3

*Eluwa yite Moyis eyinaat káhinu bondu iŋi kabajaate kite húŋgowulan kite sembe. Bare Atambatun áhinahin bo: áboñinoboñin Añio éeyemi húŋgowulan naane úne ehoofoora i, kaanuku eeram úne ti kaahoofoor ku. Iyu a Atambatun atinane fu kaahoofoor ku kiŋki kinij tu kúŋgowulan ku.

Epotor i 10:41

káanukiiit t'ésuk i ereyi, bare t'eseede i k'Atambatun asoŋke ku bijifan. Boko kaamo fu uni. Iriñoofañoofo abe n'írihujo ne o h'aamo hu aritaa t'eket i.

Epotor i 5:32

Uni iriemo fu eseede yite buroon bondu, uni nu Búwejet Beenabe bu b'Atambatun awune bu kéejeŋgino ku.

Epotor i 2:32

Piyeer n'áwutiyen aane: —Yesu ondu, Atambatun aritanoritan t'eket i, abe irireyi fe irijukajuk ni ñíkin uni.

Saaŋ 21:14

Híhaajiyan hi Yesu áŋaasin fii t'eriboora yeene huta h'aŋ'abin áritein t'eket i.

Saaŋ 17:5

Faafa, hahiyu á̱nikanam naane ifiyee i ínik h'íyemie hu n'awe t'etaam i ebajoorut.

Saaŋ 16:28

Ínuutinonuutin ti Faaf u, abe n'ibin t'etaam ye. Hahiye iinuut t'etaam ye, abe n'ibatuko ti Faaf u.

Saaŋ 8:38

Íñje, b'ijuke bu ti Faafam b'if'isok. Aruun, n'árihin b'arijame bu ti faafuun.

Saaŋ 7:29

bare íñje ímoomio, ábuki te o t'ínuutina fu, abe yooŋ akina áboñinam fu.

Saaŋ 3:13

An ámusut bisiro t'etiir t'Atambatun, kane arko taŋ *Añi ute Húŋgowulan hu éenuutina u bo!

Saaŋ 1:18

An ámusut kajuku Atambatun. Bare Añi afeeneŋ u, eeemo u yooŋ Atambatun, abe n'áhin ni Faaf u káakondin kifeeneŋ, áhinahin núumeyio.

1 Saaŋ 1:1

Uni írikiñjinuun fee iŋ'ite Hirim hu huhu huwun buroŋ bu. Híyemayemi huta hu t'Atambatun áwuwanoorut doon areyi fe. Irijamajam ho, irijukajuk ho yooŋ féet, íriheelinaheelin te ho, abe irigoragor ho.

Saaŋ 10:28

Iŋ'iwun kiŋki kasaam ti hiñaawu buroŋ béehabanaariit bu; iti kaket hikee, abe an at'aramiin t'emoŋiam.

Saaŋ 19:35

An eenabane u bonde ajukajuk bo ni ñíkino féet, abe b'anabane bu bite nu múniyo. Ámoomi kaanuku b'asoke bu bite nu múniyo, abe asokasok bo kaanuku man aruun yooŋ n'áriyilen.

1 Saaŋ 2:25

Abe bonde bi Kiris aane fu o kawunu úne: buroŋ béehabanaariit bu.

1 Saaŋ 4:2

Iye a arija fu kámeyi man ake abajabaj Búwejet bite Atambatun man yooŋ: an fe eeene múniyo Yesu *Kiris abinabin éeyemi húŋgowulan, an ondu abajabaj Búwejet béenuutina bu t'Atambatun.

1 Saaŋ 4:14

Irijukajuk ni ñíkin uni, abe n'iriseede kaanuku Faaf u áboñinoboñin Añio eebin éeyemi *Afakana ite kúŋgowulan ku.

1 Saaŋ 5:13

Ikiñjakiñj bonde fe bija t'aruun kéeyilene ku tu huruwu hite Añi ite Atambatun, man n'áriyilen kaanuku aribaja buroŋ béehabanaariit bu.