Atum'árihin bondu kane káyemiuun ti kajukar barebare, kaanuku man n'aritoofiin. Bare áriñiŋkaan áriihin b'Atambatun ámaŋie bu naane búsukateen bakate Kiris.
Náami aruun yooŋ árihin iye: ti kaahoofoor ku, arijokooro naane bakan keekete, abe n'arijokooro naane bakan keeroŋe bija t'Atambatun iŋi naane árihine i t'afeeneŋ ni Yesu Kiris.
Aketaket bija t'ésuk i ereyi kaanuku man keeroŋe ku itim'iŋki karoŋ bija tu boko kumuumiin, bare ni karoŋ bija t'akina eekete u, abe n'áritein t'eket i bija tu boko.
Hítiyar hu, úne fe kaafeeneŋ ku nu boko, ábuki wúfaŋi wute w'úne taŋ w'uf'úŋes, katoofu kite k'úne yooŋ k'uf'úyinoor. Makamu iye u úyemiaanie fu, Atambatun yooŋ ayiŋatayiŋat t'úne naane ayiŋate i ti bakaaku.
Iŋ'ite ho aamo fu huta h'iŋ'iribin irijam bo, iriwasut kalawu Atambatun bija t'aruun. Iŋ'irilawo kaanuku man n'áhinuun áriimeyi b'ámaŋie bu árihabanein, abe Búwejet Beenabe bu ni bíhinuun áriiwasi abe n'áriwesinato yooŋ.
Atum'ariliikool ni máhinar mite mu bakate ku t'etaam ye; ariwas Atambatun eewunuun biyinoor bíyeni, man n'áriyemi bakan kíyeni. Af'árihin iyu, n'aŋ'áriyini kánandin b'ámaŋie bu. Bo beemo fu beejake bu, ni beetoofo bu, ni beekuure bu but.
Iyu yooŋ a ariemo fu kújakuwe. T'Eluwa i árimoomi naane bakan keekete aŋarkeyi naane árihinahin t'afeeneŋ ni *Kiris éeketaanie u. Hahiye eŋkut ékiniuun. An éekiniuun u aamo fu an eeritanee u t'eket i, kaanuku uŋ'úbin úhin buroon beebaje éñjeriŋ bija t'Atambatun.
Yesu n'ákandijen eseef ite *esaraha i, ni *sifaaf su aaniin: —Aañ tu boko áhine fu bi faafiin ámaŋie bu? Ni kaano: —Aneemak u. Náami Yesu eeeniin: —Iisokuun bifeeneŋ bu: *esaa yite búhal bu, ni kiŋki kafurukato kajabu kayoosouun ti *Jáyi jite Atambatun.
—Káanukiiit huruw fe eeenam: «Anahaan u, Anahaan u», aja fu buyooso ti *Jáyi jite Atambatun, kane arko taŋ an éehine buroon bi Faafam eeemo u t'etiir ámaŋie bu.
Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.