1 Piyeer 3:4 - Kwatay (Kuwaataay)

⁴ Aaa, kuwarawar káyemi t'éhinda suhol soonuun, kite búwejet béeneenie abe ni bibeb. Káwari kondu kúbujaariit, abe kibajabaj t'Atambatun éñjeriŋ yómbokun.

1 Piyeer 3:4 Referans Kwoze

Kolos 3:12

Náami makamu Atambatun ajifanuun fu kaanuku áriiyemi bakan koone, abe yooŋ ámaŋiuunmaŋi, árimeyi kayubiyen an, abe n'aritoof yooŋ. Áritetianooro, árineeni yooŋ, abe n'aŋ'árimuñ.

Eleetar i yi Pool akiñje i bakate ku Rom 2:29

Asuwif ite u nu múniyo, tu búwejeto t'aamo fu Asuwif, abe kateyi karam kite ku nu múniyo keemo fu kite ehol i. Karam kondu, tu Búwejet bite Atambatun tu kúnuutina fu, t'Eluwa yíiit yeekiñjee i. Asuwif ondu ite u nu múniyo, Atambatun af'asokorooro, kúŋgowulan kíiit.

Májiye 11:29

Arijam t'íñje, abe n'ariwasam íiwuforooruun, ábuki íneenaneeni abe iŋ'ímuñ yooŋ; n'aŋ'ariyih.

Eleetar i yi Pool akiñje i Tit 3:2

Itim kasok t'an beejakut, itim yooŋ káyemi eloba, bare káyemi bakan kéeneenie, abe ni káwufoor ésuk i fe kunoŋk keejake.

Májiye 23:26

Aruun Efarisiyeŋ i bakan kéefuume! Arijab tíme ariñaw ekot i níbahindaa, man meejukanee mu nu mukuur yooŋ.

Eleetar i yi Pool akiñje i bakate ku Rom 7:22

Hikawam hutoofatoof dómbokun t'eluwa yite Atambatun.

2 Korent 4:16

Iŋ'ite ho h'úñakeit fu hikee ni hiñaawu. Hutoof yooŋ sini site s'úne uŋu súbujo ni diŋgilis, ni diŋgilis, ñúwejet ñite ñ'úne iŋi ñihaŋ káyemi ñíyeni húnakonak.

1 Tesalonik 4:11

Áriñiŋkaan ariikin ti káasuumaay, atum'ariyooso ti b'arikolut bu ne bo, abe n'aŋ'arinoŋk áriikuumanooro n'ésuwa yeenuun naane iribine i irisokuun.

Efees 4:2

Ko kireyi fe áritetianooro, árineeni yooŋ, abe n'aŋ'árimuñ. Árimaŋioori, abe n'aŋ'árimuñalool.

1 Piyeer 3:15

Bare arijok *Kiris tu suhol soonuun naane Anahaan oonuun. Arifare ko kireyi fe kásafin an fe eeyakuun kákandijen iŋ'ite eyakar yeeemo i t'aruun.

1 Timote 2:2

Aŋ'arilawo bija ti bákayi ku, ni keeemo ku t'éŋguur i fe, man buroŋ bite b'úne ni bibeb, abe nu butoof. Iyu, n'uŋ'úyini káwufoor kaanuku újeŋginajeŋgin Atambatun, abe yooŋ manoŋkar mite m'úne fe meejake.

Hirim Heetoofe hu hi Luk akiñje hu 11:40

Busoŋ bondu! Atambatun eeroke u meejukanee mu, óiit yooŋ aroke fu míhindaa mu?

Saak 1:21

Iŋ'ite ho aamo fu arinuutan ti siheluun doon fe *deekuurut, abe n'ariwas kunoŋk fe keejakut. Áritetianooro ariijok hirim heenawee hu ti siheluun, ábuki húnooniuun kafakan.

2 Timote 2:25

Asaaho tíŋ eeliiken keeteñekoo ku. Maske Atambatun n'aŋ'áhiniin keewatanooro kinij kooniin kéemeyi múniyo mu.

2 Tesalonik 3:12

Bakan kondu, bonde b'irisok fu nu boko tu huruwu hite Anahaan u Yesu Kiris: karok ti káasuumaay keenoŋk kéekuumanooro.

Májiye 5:5

Atoof ti kéeneenie ku, ábuki Atambatun kawuniiin etaam i kéekini yo!

Eleetar i yi Pool akiñje i bakate ku Rom 6:6

Úmoomi kaanuku manoŋkar mite m'úne mítiyar mu mitibeetib *t'ekuruwa i ni Kiris, kaanuku man kaahoofoor keeemo ku ti sini site s'úne nu kúbujarooree, utum'uŋk'úyemi búsukateen bite te ko.

Hirim Heetoofe hu hi Luk akiñje hu 16:15

Yesu n'aaniin: —Aruun aŋ'árihin kaanuku t'abin aane árijubajub, bare Atambatun ámoomiuun ahaban. Ábuki b'ésuk i kajoke bu naane bómbokun, Atambatun ahuufahuuf bo.

1 Piyeer 1:23

Aribukeebuk ti kátiyar; káanukiiit kúŋgowulan kite kaketu kubukuun, bare Atambatun éeketaariit u abukuun fu. Áhinahin bondu ni hirim hoone heeroŋe hu, abe híhabanaariit yooŋ.

Kolos 3:3

Ábuki ariketaket, abe buroŋ boonuun búnuuseenuus ni Kiris t'Atambatun.

Galasi 5:23

ni káneeni ku, nu bújokumooro bu. Eluwa yite Moyis eteñekeit buroon naane bondu!

2 Korent 10:1

Ésuk i kaane, íñje Pool, if'íyemi t'aruun, iŋ'iluubo luub, abe n'ifin ikambuun, n'iŋ'ibaj butum. Íñj'endu ti káwasiyanuun bonde ti *Kiris, eeemo u an éeneenie, abe n'ajak:

Májiye 21:5

«Ariene bakate ku *Siyoŋ: “Arijuk, áyi oonuun abin fii t'aruun. Aŋ'áneeni naane, abe asirasiro t'afuw ite embam.”»

Eleetar i yi Pool akiñje i bakate ku Rom 1:23

Iŋi kateñeko kásukaay Atambatun éenike u abe yooŋ áketaariit, keefin kéesukaay ñúwisenum ñite kúŋgowulan ku kiŋki kaket, ajok ñite bilele bu, ni ñite bíndakakureŋ bu, ni ñite ñuroon ñúbuunaay ñu.