1 Piyeer 3:2 - Kwatay (Kuwaataay)

² ábuki boko kajuku buŋ bu buroŋ boonuun *bukuure fu, nu buŋ b'árijeŋginiin fu.

1 Piyeer 3:2 Referans Kwoze

1 Piyeer 2:12

Buroŋ boonuun t'etut *kéemeyiit ku Atambatun bíyemi beejake. Hutoof yooŋ iŋi kasok t'aruun hahiye kite aruun aŋ'árihin beejakut, boko bare bibin kajuku buroon beejake bu bamb'árihin, abe boko kasokoroor Atambatun hunak h'abin hu.

1 Piyeer 1:15

Bare áriyemi bakan keenabe ti máhinar moonuun, naane Atambatun eeruwuun u anabe i yooŋ.

Fílip 1:27

Naane hiyino i káyemi fe, buroŋ boonuun bujoŋoor naane Hirim Heetoofe hite hu Kiris husoke i. Káhinu iyu, if'ibinuun kajuku, man yooŋ ibinutuun kajuku, íyinooni kajamu kaanuku arijokajok alitee. N'iŋ'ímeyi kaanuku arijokoorajokoor tu búwejet bifeeneŋ, aŋ'árisiiŋoorein yooŋ áriituum t'afeeneŋ bija ti káyilen ku keeyaajee ku ti Hirim Heetoofe hu.

2 Piyeer 3:11

Makamu buroon bu fe iyu i bija fu bútowuto, hahiyu arijuk jak buŋ bu buroŋ boonuun buware fu káyemi! Buwarawar kanabu, abe n'arijok yooŋ alitee t'Atambatun,

Efees 5:33

Náami hahiyu aruun, huruw fe ámaŋi anaar'o naane ámaŋie i hikawo, abe anaare-naare fe n'ájeŋgin áyino.

Kolos 3:22

Aruun búsukateen bu, árijeŋgin kéekiniuun ku bakate ku t'etaam ye tu doon areyi fe. Atum'árijeŋginiin kane káyemiuun ti kajukar barebare, kaanuku man n'aritoofiin. Bare árijeŋginiin nu suhol seekuure but, iŋi naane árijeŋgine i Anahaan u.

Fílip 3:20

Úne bare bakan bakate t'etiir, abe úne bokondu ti kanahan kep Anahaan u Yesu Kiris éenuutin bo eebin eefakan úne.

Efees 6:5

Aruun búsukateen bu, árijeŋgin kéekiniuun ku bakate ku t'etaam ye. Árikoleyiiin, abe n'arijamiin nu suhol seekuure but, naane aa árijeŋgin *Kiris.

1 Timote 4:12

Atum'a̱was an fe eeheebi aŋarkeyi naane á̱moomi añi. Bare á̱hin man kéeyilene ku ni kaliikool n'awe ti máhaminar múuwe, ti manoŋkar múuwe, ti naane á̱maŋie i an, ti káyilen kúuwe, ni *kakuuru kúuwe.

1 Piyeer 3:1

Aruun yooŋ haare hu árijeŋgin bákayinuun. Af'árihin ii, bakaake tu boko, hutoof yooŋ káyilenut hirim hite Atambatun, ifi kajuk tu kunoŋk koonuun, n'iŋi káyilen. Abe bondu fe t'arisokutiin hirim,

1 Piyeer 3:3

Káwari koonuun kuwarut káyemi kite tíyaŋ, naane birifaañu bite jísaŋg, man yooŋ jísaŋg jite ni kikaŋk ku, ajok bimeŋk bite éwurus i, ni bisiimo bite wañ weeseere wu.