1 Piyeer 1:12 - Kwatay (Kuwaataay)

¹² Atambatun n'áwufoor eyiŋana yeene aaniin hirim h'asaaniin hii bíjaiit tu boko, bare bija t'aruun. Hahiyu kiŋki kawaare Hirim Heetoofe hu kasokuunsok hirim hondu ti sembe site Búwejet Beenabe bu béeboñinee bu huta hu t'etiir. Abe humuum emalaka i kámaŋamaŋi kámeyi bondu.

1 Piyeer 1:12 Referans Kwoze

Saaŋ 15:26

«Áyokunana u bibin: o aamo fu Búwejet bite múniyo mu, eeyak u kánuutina ti Faaf u. Íñje káboñinuuno tu huruwu hite Faaf u, abe o kasokuuun búuma bu fe.

Efees 3:10

kaanuku man emalaka i keeemo ku t'etiir, n'eseef yeeniin ifi kajuk *kéeyilene ku, ni kámeyi naane búwesinato boone beemo i fe.

1 Korent 2:10

Abe úne k'Atambatun áwufoore fu bondu, áŋaasann bo tu Búwejet Beenabe bu. Múniyo Búwejet bu uŋu bujondoman tu doon areyi fe, bija yooŋ biyinoor bite Atambatun beehaŋe bu kásuli.

Esuwif i 4:2

Ábuki újamajam Hirim hondu Heetoofe hu, hite kaanuku úne buyooso t'afaree du núubin úuyih toko, naane kéeyemie ku t'eramba i kajame i ho yooŋ. Bare hirim hi kajame hu híñjeriŋutiin doon fe, ábuki káyilenut ho tu ñúwejet ñooniin.

Mark 16:15

Ahaban n'aaniin: —Arija tánotan fe t'etaam i, abe n'ariwaare ésuk i fe Hirim Heetoofe hu.

1 Piyeer 1:25

bare hirim hite Atemit hibaa káyemi.» Hirim hondu heemo fu Hirim Heetoofe h'arisokee hu.

Kafeeñal ku 5:11

N'isooñ íheelin, n'ijam wuji wute emalaka keehooje-hooj, keeŋoloole eriikeey ite híyiaate hu, nu muroon meeroŋe mu, ni bíhaaniin bu. Emalaka i kareeŋareeŋ búñjune nu búñjune.

2 Korent 6:6

Iŋ'íriwufoor kaanuku uni eroka bakate Atambatun ti *kakuuru ku, ni kámeyi kite múniyo mu, ni kámuñu ku, ni kajaku ku, ni ti sembe site Búwejet Beenabe bu, ni kámaŋi kite ku nu múniyo,

2 Korent 1:22

Akina yooŋ áhine fu t'úne éluwenuma yeene yite káwufoor ku kaanuku úne bakan koone, abe n'anaŋ ti sihel site s'úne Búwejet boone Beenabe bu, beekuur úne kaanuku aroŋa kawunu úne eke ebaj.

Eleetar i yi Pool akiñje i bakate ku Rom 15:19

Áhinahin bo ni sembe ti beehaŋe bu ésuk i kikaw, ni ti sembe site Búwejet Beenabe bu. Iye i iwaare fu fe Hirim Heetoofe hite hu Kiris tánotan fe, huta hu Serusalem bija yooŋ Iliri.

Epotor i 2:33

Ayiteeyit t'etiir inde *baatos Atambatun, abe akina Atambatun Faaf u n'asaano Búwejet Beenabe bu beefiyee bu busokee. O Yesu n'ásik bo asaan uni; bo b'af'arijuk iye, abe n'arijam yooŋ.

Esuwif i 2:4

Atambatun n'alitan yooŋ báhamin booniin ti káhinu buroon bánoban beehaŋe ésuk i kikaw, abe n'áhin ésuk i keebaj huruw fe doon du Búwejet Beenabe bu dundu buwun naane hutoofo i.

Galasi 1:16

kaanuku éewufooram Añio, man n'iŋ'ija iŋ'iwaare keenooto ku Esuwif Hirim Heetoofe hu heesoke hu moone mu, ijeit t'an eerimam;

Galasi 1:12

Ijamut ho t'an, ániit yooŋ aliikenam ho, bare Yesu *Kiris humuumo áwufooram fu ho.

Eleetar i yi Pool akiñje i bakate ku Rom 10:15

Buŋ b'an aja fu kasokiiin ho t'aboñutee? Míkiñjin mu meenaan: «Aŋ'atoof dómbokun kane kiŋki kawaare Hirim Heetoofe hu káreeŋin!»

Eleetar i yi Pool akiñje i bakate ku Rom 1:17

Múniyo Hirim Heetoofe hu húwufoorawufoor buŋ b'Atambatun af'ajok húŋgowulan an éejube: ti káyilen ku taŋ. Ti káyilen ku tu bondu bíjabina fu, ni biraan yooŋ te ko, naane busokee i ti *Míkiñjin mu. Meenaan: «An éejube, buroŋ boone káyemi bite káyilen.»

Hirim Heetoofe hu hi Luk akiñje hu 15:10

Íñje isok fee n'aruun: iyu yooŋ e emalaka yite Atambatun kikawiin ufu kutoof kane ahoofoora afeeneŋ awatanooro wuhoofoor woone.

Májiye 11:25

Tu kunak kondu Yesu n'aane: —Faafa, Atemit ite bufor bu n'etaam i, íñj'endu ti kaanii eyeehen naane á̱wufoore i kéemeyiit ku doon fe múniyo m'á̱nuuse mu bakan kéewesinatee ku, ni kéewuwe ku.

1 Tesalonik 2:9

Kújakuwe, áribaŋinabaŋino naane ii irirok aniŋee. Iŋ'irirok kaajiŋgan ni káajiim kaanuku an t'aruun atum'álaam t'uni, uni ti kasoku koonuun Hirim Heetoofe hite h'Atambatun.

Hirim Heetoofe hu hi Luk akiñje hu 9:6

Eriboora i ni kaja. Iŋi kanuut ti hikinu heehe, ni kaja ti hike. Tánotan ti kaje fe, iŋi kawaare Hirim Heetoofe hu, abe ni karitan yooŋ kéesomute ku.

Hirim Heetoofe hu hi Luk akiñje hu 2:26

abe búwufoorowufoor kaanuku at'aket t'ajukut *Afakana u a Atambatun asoke u aane o káboñina.

Májiye 16:17

Náami Yesu eeeno: —Atoof t'awe Simoŋ, añi ite Sonas, ábuki húŋgowulaniit áwufoori fu bondu, bare Faafam eeemo u t'etiir.

Májiye 11:27

Abe n'aane kéeyemie ku toko: —Faafam anaŋanaŋ buroon bu fe tu sumoŋiam. An ámeyiit íñj'eemo fu aañ, íñje eeemo u Añi u, bare Faaf u ámoomi. An yooŋ ámeyiit Faaf u aamo fu aañ, bare ímoomi, íñje Añi u; abe k'ijifane ku yooŋ kaanuku íiwufooriino kámoomi.

Esuwif i 11:13

Bokondu fe kaketaket ti káyilen ku. Kabajut buroon b'Atambatun aane bu o kawuniiin, bare kaŋandanaŋandan bo akambee, abe kikawiin nu kutoof te bo. Ni kasok kaanuku múniyo boko emoosoora t'aduna i, kabajut toko etaam.

Eleetar i yi Pool akiñje i bakate ku Rom 1:15

Iŋ'ite ho h'ímaŋiuun fu yooŋ kawaare Hirim Heetoofe hu, aruun keeemo ku *Rom.

Epotor i 16:10

Hi bondu bifeeñe hu Pool ahaban kep, n'iriŋes kaanuku iriija Maseduwan, ábuki bukuurakuur uni kaanuku Atambatun aruwe fu uni aane irija bo iriiwaareiin Hirim Heetoofe hu.

Epotor i 10:44

Hi Piyeer áyemie hu ti báhamin bu, Búwejet Beenabe bu nu búwanein ti kéeyemie ku ti bajamatan bite hirim hu.

Epotor i 8:25

H'aamo hu epotor i bákasuba ku kasoka bite b'Atambatun kahaban, abe ni kawaare yooŋ hirim hite Anahaan u, ni kabatuko Serusalem. Boko ti bija bu, n'iŋi kakaro kawaare Hirim Heetoofe hu ti kikinu keehooje kite Samari.

Epotor i 4:31

H'aamo hu kahabana kalawu ku, n'ayoŋoŋanooree toko ti kakuukanooree du. Búwejet Beenabe bu nu búhoojiniin kareyi fe, abe ni káyemi ti kasoku hirim hite Atambatun ni kikaw keeyaŋge piŋ.

Epotor i 4:8

Náami Piyeer, káahoojin ku bib nu Búwejet Beenabe bu eeeniin: —Aruun eseef ite hikinu hu ni sifaaf su,

1 Timote 3:16

Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

1 Piyeer 4:6

Iŋ'ite ho i Hirim Heetoofe hu husokee fu yooŋ keekete ku. Kajoonaneejoonan uŋu buroon bi káhine bu t'etaam ye boko buroŋ, bare hahiye Búwejet Beenabe bu nu búyokunaniin kaanuku man ni káyini karoŋu naane Atambatun.