1 Piyeer 1:10 - Kwatay (Kuwaataay)

¹⁰ Kóŋkeyin, *eyiŋana yite Atambatun kaŋesaŋes, abe ni kanewenoor keejuk buŋ b'Atambatun aja fu kafakan ésuk i. Kasoŋka busok buŋ b'Atambatun aja fu káwufooruun kajaku koone.

1 Piyeer 1:10 Referans Kwoze

Májiye 13:17

Iisokuun bifeeneŋ bu: keehooje t'eyiŋana yite Atambatun, ni bakan kéejube kámaŋaanamaŋaani kajuku bamb'arijuk iye, bare kajukut bo. Ni kámaŋi yooŋ kajamu bamb'arijam iye, bare kajamut bo.

Hirim Heetoofe hu hi Luk akiñje hu 10:24

Ábuki íñje isok fee n'aruun: keehooje *t'eyiŋana yite Atambatun, ni bákayi yooŋ bakate ku kóŋkeyin kámaŋaanamaŋaani kajuku bamb'arijuk iye, bare kajukut bo. Ni kámaŋi yooŋ kajamu bamb'arijam iye, bare kajamut bo.

Epotor i 7:52

Abajeebaj me ayiŋana ite Atambatun i káhihinoorut? Kayoolayool keesoŋke ku busok bibin bite afeeneŋ u Éejube u. Abe hahiye aruun arifina arijooheno, abe n'ariyoolo.

Saaŋ 5:39

Aŋ'ariŋesoor ti *Míkiñjin mu ábuki aŋ'ariene man múnooni kákinineŋ n'aribaj buroŋ béehabanaariit bu. Abe Míkiñjin mondu míhaminahamin uŋu húuma hu!

Esuwif i 11:13

Bokondu fe kaketaket ti káyilen ku. Kabajut buroon b'Atambatun aane bu o kawuniiin, bare kaŋandanaŋandan bo akambee, abe kikawiin nu kutoof te bo. Ni kasok kaanuku múniyo boko emoosoora t'aduna i, kabajut toko etaam.

Epotor i 10:43

*Eyiŋana yite Atambatun fe kasokasok uŋu hoone hu; kaanaan an fe éeyilene ti Yesu, ti sembe site huruwu hondu t'Atambatun aja fu kaboŋketo wuhoofoor wu.

Saaŋ 7:52

Ni kaano: —Awe yooŋ kereŋ ite *Gálile i? A̱ja a̱ŋes ti *Míkiñjin mu, n'aŋ'a̱juk kaanuku ámusut kabaju *ayiŋana ite Atambatun éenuutina bo.

Hirim Heetoofe hu hi Luk akiñje hu 24:44

Abe n'aaniin: —Bonde b'ibine fu isokuun h'íyemie hu n'aruun: beekiñjee bu t'íñje fe ti kaawiit kite *Eluwa yite Moyis, nu tu wute *eyiŋana yite Atambatun, ni *t'Élookiin i buwarawar kabaju.

Májiye 26:24

*Añi ute Húŋgowulan hu eeja kaketu naane *Míkiñjin mu musoke i uŋu hoone hu. Bare afin ayak buŋ kátaañi t'an ondu eeja u kajoohen Añi ute Húŋgowulan hu! Ahaŋ yéeni kajaku te o náami áwuwinoot!

1 Piyeer 1:11

Búwejet bite bu Kiris búmoomi tu boko, abe busoŋka busok sílaam s'aware su kajuku, nu buroon béewarie-warie beeja bu káseina. Eyiŋana yendu ni kaŋes yooŋ kámeyi kaakaŋ, nu buŋ bu bondu bija fu kabaju.

Epotor i 17:11

Bakate ku bo kahaŋe Esuwif i bakate ku Tesalonik bíhandino, ábuki kajokajok hirim hite Atambatun káhabanein. Húnakonak fe, n'iŋi kajaŋga ti *Míkiñjin mu keejuk man bu Pool bamb'asok bite toko.

Esuwif i 11:40

Múniyo Atambatun afarafare bike beehaŋe bija t'úne. Iŋ'ite ho aamo fu iti *kakuuranee hikee t'únooto.

Epotor i 28:23

Ni káfiiten hunak hi kaware hu káfimboor nu Pool. H'aamo hu hireeŋa, ni kabin kahaŋ kahooju t'enuuf i tu Pool áyemie du. Huta hu nu bújom bu bija yooŋ kaanendan ku, Pool n'aŋ'aliikeniin kep: n'aŋ'asokiin bite *Jáyi jite Atambatun, abe n'aŋ'ájokin *t'Eluwa yite Moyis, nu wuwiit *w'eyiŋana yite Atambatun kakiñje wu, eekamiin bite bu Yesu kaanuku man ni káyilen.

1 Piyeer 1:13

Arifare ariwasan. Arijok kikawuun, abe n'arinaŋ eyakar yeenuun fe ti káasuumaay k'arija ku kawuniee kane Yesu *Kiris áŋaasin.