SANTIAGO 1:19 - Chatino Zona Alta Occidental

¹⁹ ꞌWan taꞌa msñian chaꞌ ꞌin Ndiose, chaꞌ suꞌwe ꞌa nka tiyeěn ñaꞌaǎn ꞌwan, nꞌni chaꞌ kiꞌya wan kwenta ꞌin chaꞌ nu chkwiǐnꞌ re. Taꞌaan ndiꞌin chaꞌ ndla ti kunaan chaꞌ nu chkwiꞌ nten loꞌoan, ni siya tiyaꞌ ti xkwean ꞌin neꞌ, tiyaꞌ ꞌa kasinꞌ tianꞌ ꞌin neꞌ.

SANTIAGO 1:19 Referans Kwoze

EFESIOS 4:26

Ndiya bra msinꞌ tiꞌ wan, kanꞌ chaꞌ kiꞌya wan kwenta chaꞌ ja kanun kiꞌya ꞌwan chunꞌ ndiꞌin la; ja suꞌwe si kasinꞌ tiꞌ wan tyukwi tsan, sa tyijin ti kasinꞌ tiꞌ wan.

COLOSENSES 3:8

loꞌo ni, ndiꞌin chaꞌ kulaa yaꞌ wan nchga chaꞌ kuxi kanꞌ; ni siya taꞌa ti msinꞌ ꞌa tiꞌ wan nu ngwa sꞌni, ni siya liyeꞌ tiꞌ wan ꞌin taꞌa nten wan nu ngwa bra kanꞌ, ja kuꞌni ꞌa wan ngwañaꞌan ni. Kwiꞌ ngwañaꞌan, ja chkwiꞌ ꞌa wan kwentu ꞌin taꞌa nten wan, ja chkwiꞌ wan chaꞌ chen ñaꞌan loꞌo taꞌa nten wan.

EFESIOS 4:31

Kuꞌni tyii wan nchga chaꞌ kuxi nu nsuꞌwi tiye wan ñaꞌan wan ꞌin taꞌa nten wan sikwa; loꞌo chaꞌ tiꞌí tiꞌ wan ꞌin neꞌ, loꞌo chaꞌ msinꞌ tiꞌ wan ꞌin neꞌ, kuꞌni tyii wan nchga chaꞌ kuxi kanꞌ. Ja ta ꞌa wan kiꞌya ꞌin taꞌa wan, ja chkwiꞌ wan kwentu ꞌin taꞌa wan, ja siyaꞌ chkwiꞌ wan chaꞌ kuxi loꞌo taꞌa wan.

COLOSENSES 3:15

Tiin ti tyiꞌin kasiya ꞌwan sikwa, chaꞌ Ndiose nka ndloo ꞌwan; wa ngulo suwi Ni ꞌwan, loꞌo ꞌin xka la nten taꞌa wan, chaꞌ ka wan ska ta ti nten chaꞌ ꞌin Ndiose. Loꞌo ngwañaꞌan, suꞌwe si nchga bra tya wan xuꞌwe ꞌin Ndiose chaꞌ ꞌin nchga lo nan.

SAN MATEO 5:22

Loꞌo ni, kaꞌan la chaꞌ chkwiǐnꞌ loꞌo wan: Ni siya naꞌan tiꞌí ti neꞌ ꞌin taꞌa nten neꞌ, ndiꞌin chaꞌ tyijin neꞌ nu tiꞌí bra kanꞌ; ni siya chkwiꞌ neꞌ ska chaꞌ kuxi ꞌin taꞌa nten neꞌ, bra kanꞌ ndiꞌin chaꞌ tsaa neꞌ nde seꞌen ndukwa nu lka ndloo la nde kichen Jerusalén, chaꞌ ka biyaꞌ chaꞌ ꞌin neꞌ nde kwa bra kanꞌ. Kwiꞌ ngwañaꞌan, bra nu msinꞌ ꞌa tiꞌ neꞌ nchkwiꞌ neꞌ loꞌo taꞌa nten neꞌ: ¡Tintu ꞌa nuꞌwin!, ja chan tsaa neꞌ kanꞌ lo jwlyaa, seꞌen ja tsaa tii ꞌa chaꞌ nchkin kiiꞌ bra kanꞌ.

SANTIAGO 1:26

Ja chan ndiya chinꞌ taꞌa wan nu xkeꞌ tiꞌ chaꞌ kti ꞌa ngiꞌni neꞌ, ti ykwiꞌ ti neꞌ. Chaꞌ kwiñi ti ngiꞌni neꞌ ngwañaꞌan, si ja nduwe tiꞌ neꞌ sa ñaꞌan chkwiꞌ neꞌ loꞌo nten; ti ykwiꞌ ti neꞌ nñi lyoꞌo neꞌ ꞌin neꞌ chaꞌ kti neꞌ bra kanꞌ.

1 TESALONICENSES 2:13

Kanꞌ chaꞌ nchga bra ndya ba xuꞌwe ꞌin Ndiose chaꞌ ꞌwan, chaꞌ bra ti ndyaa ñaꞌan tiꞌ wan chaꞌ suꞌwe ꞌin Ndiose, xa wa ynan wan chaꞌ kanꞌ, ti kwiꞌ chaꞌ nu wa ykwiꞌ ba loꞌo wan. Ngwa biyaꞌ tiꞌ wan chaꞌ nu ñi ꞌin Ndiose lka chaꞌ kanꞌ, siꞌi chaꞌ nu ndlo ke ti nten; msñi wan chaꞌ kanꞌ bra kanꞌ, kanꞌ chaꞌ ngiꞌni Ndiose tñan niꞌ kasiya ꞌwan sa bra ni.

LOS HECHOS 17:11

Suꞌwe la tiye neꞌ kichen Berea kanꞌ; ja xaꞌan tiye neꞌ kanꞌ sa ñaꞌan yꞌni neꞌ Tesalónica. Ngwa ꞌa tiꞌ neꞌ kunan neꞌ nchga chaꞌ nu ykwiꞌ Palyu loꞌo Sila loꞌo neꞌ. Nchga tsan mdaꞌan naan neꞌ lo kityi ꞌin Ndiose si chañi lka chaꞌ nu nchkwiꞌ yu kanꞌ;

SAN LUCAS 19:48

Ja ngwa kuꞌni neꞌ chaꞌ kuxi kanꞌ, chaꞌ wa kaꞌan ꞌa nten ndaꞌan loꞌo yu, chaꞌ ndiya ꞌa tiꞌ neꞌ nganan neꞌ chaꞌ nu nchkwiꞌ yu.

SAN MARCOS 2:2

Kanꞌ kaꞌan ꞌa nten mdyoꞌ tiꞌin seꞌen ndiꞌin yu; ja ngalaa ꞌa niꞌ ñaꞌan seꞌen tyiꞌin neꞌ, kwiꞌ ngwañaꞌan tsaa ꞌa ndiꞌin nten chunꞌ naꞌan. Loꞌo ngwaꞌu Jesús chaꞌ suꞌwe ꞌin Ndiose ꞌin neꞌ bra kanꞌ.

LOS HECHOS 10:33

Ngwañaꞌan ndukwin nten kanꞌ ꞌñaǎn ―ndukwin Cornelio―. Kanꞌ chaꞌ bra ti nguloǔn tñan ꞌin msu ꞌñaǎn chaꞌ tsaa neꞌ nde seꞌen ndiꞌin wan. Loꞌo suꞌwe ꞌa nka tiyeěn ni, chaꞌ wa mdiyan wan seꞌen ndiꞌiǐn; kanꞌ chaꞌ wa ndyoꞌ tiꞌin taꞌa ba ska seꞌen ti chabiyaꞌ ꞌin Ndiose, chaꞌ kunan ba nchga chaꞌ nu wa ytsaꞌ Ndiose ꞌwan chaꞌ chkwiꞌ wan loꞌo ba.

LOS HECHOS 2:42

Suꞌwe ꞌa ynan nchga neꞌ kanꞌ chaꞌ nu ngwaꞌu neꞌ nu yꞌni xaꞌan chaꞌ ꞌin Jesucristo kulo ndukwa la. Suꞌwe nka tiye neꞌ kanꞌ, suꞌwa ti ndiꞌin neꞌ, taꞌa ti nchkwiꞌ neꞌ loꞌo Ndiose; suꞌwa ti nchku neꞌ, suꞌwa ti ngiꞌni tnun nchga neꞌ kanꞌ ꞌin Jesucristo.

SAN LUCAS 15:1

Nchga msu ꞌin neꞌ xka laꞌa tsuꞌ nu ndlo kaꞌan ꞌa tñi ꞌin nten, mdiyan neꞌ seꞌen ndiꞌin Jesús chaꞌ kunan neꞌ sa ñaꞌan chaꞌ nduꞌu yu; loꞌo xka ta neꞌ nu kuxi ngiꞌni, mdiyan neꞌ seꞌen ndiꞌin Jesús bra kanꞌ.

1 SAN JUAN 2:21

Wa ndaꞌaǎn kityi re, chunꞌ chaꞌ nchka biyaꞌ tiꞌ wan nchga chaꞌ nu ñi nu ndiꞌin ꞌin Krixtu. Siꞌi chaꞌ ja jlyo tiꞌ wan chaꞌ nu ñi kanꞌ; wa jlyo tiꞌ wan nchga chaꞌ nu ñi nu nchkwiǐnꞌ, chaꞌ siꞌi chaꞌ kwiñi lka chaꞌ kanꞌ.

LOS HECHOS 13:48

Ynan neꞌ xka laꞌa tsuꞌ chaꞌ kanꞌ, loꞌo suꞌwe ꞌa ngwa tiye neꞌ kanꞌ. Suꞌwe ꞌa lka chaꞌ ꞌin Ndiose nu nka Xꞌnaan, mdaꞌan chaꞌ tiye neꞌ kanꞌ; msñi neꞌ chaꞌ kanꞌ bra kanꞌ. Loꞌo nchga nten kanꞌ nu wa ngulo suwi Ndiose, ndyaa ñaꞌan tiꞌ neꞌ kanꞌ chaꞌ ꞌin Jesús; mjwi chalyuu nu ja tsaa tii ꞌa ꞌin neꞌ kanꞌ bra kanꞌ.

SAN MARCOS 12:37

“Xꞌnaǎn” ykwiꞌ ayman David chaꞌ ꞌin Krixtu ―ndukwin Jesús ꞌin neꞌ―. ¿Ni chaꞌ nduꞌu neꞌ chaꞌ nten ꞌin ayman David ka Krixtu sikwa? Kaꞌan ꞌa nten mduun nde kwa, loꞌo mdiya ꞌa tiꞌ neꞌ xa wa ynan neꞌ chaꞌ nu ngwaꞌu Jesús ꞌin neꞌ.

LOS HECHOS 1:15

Ngwa ska tsan wa mdyoꞌ tiꞌin nchga nten nu msñi chaꞌ ꞌin Jesucristo kichen kanꞌ, ska siyentu nsuꞌwi kala nten mdyoꞌ tiꞌin tsan kanꞌ. Loꞌo mdyituun Tyu chaꞌ chkwiꞌ yu loꞌo neꞌ bra kanꞌ:

SANTIAGO 1:2

ꞌWan taꞌa msñian chaꞌ ꞌin Krixtu, si lye ꞌa ndaꞌan chaꞌ tiye wan chunꞌ nchga nu tiꞌí nu ndijin wan, ja nꞌni chaꞌ ka xiꞌin ꞌa tiꞌ wan bra kanꞌ; ka suꞌwe ꞌa ka tiye wan bra kanꞌ,

SANTIAGO 1:16

ꞌWan taꞌa msñian chaꞌ ꞌin Ndiose, ndiya ꞌa tiǎnꞌ ñaꞌaǎn ꞌwan: ja ta wan chabiyaꞌ chaꞌ kwiñi lyoꞌo kuneꞌ xaꞌan ꞌwan.

SANTIAGO 2:1

ꞌWan taꞌa msñian chaꞌ ꞌin Jesucristo, ti kwiꞌ Xꞌnaan nu ndiꞌin seꞌen nu suꞌwe ꞌa ñaꞌan niꞌ kwan, ja suꞌwe si ska ñaꞌan nka tiye wan ñaꞌan wan ꞌin ska nten; suꞌwa ndiꞌin chaꞌ kuꞌni wan loꞌo nchga nten, kanꞌ nu suꞌwe la.

SANTIAGO 2:5

ꞌWan taꞌaǎn nu ndiya ꞌa tiǎnꞌ ꞌwan, kiꞌya wan kwenta sa ñaꞌan lka chaꞌ re, chaꞌ wa ngulo suwi Ndiose ꞌin nten nu tiꞌi chaꞌ ka xñi suꞌwe neꞌ chaꞌ ꞌin Ndiose, chaꞌ ta Ni ska chalyuu suꞌwe ꞌin neꞌ kanꞌ bra kanꞌ, ti kwiꞌ chalyuu kwi nu ndukwin Ni chaꞌ kaja ꞌin nten nu suꞌwe ꞌa nka tiye ñaꞌan ꞌin Ndiose. Ni siya tiꞌi ꞌa nten kanꞌ lo chalyuu, kuliyaꞌ ꞌa neꞌ tloo Ndiose.

SANTIAGO 3:10

Ti kwiꞌ tu tuꞌwaan ndyoꞌo nchga chaꞌ nu nchkwianꞌ, ni siya chaꞌ suꞌwe nu nchkwianꞌ loꞌo Ndiose, ni siya chaꞌ kuxi nu nchkwianꞌ loꞌo taꞌa ntean. ꞌWan taꞌa msñian chaꞌ ꞌin Krixtu, ja suꞌwe chaꞌ ka ngwañaꞌan.

SANTIAGO 4:11

ꞌWan taꞌa msñian chaꞌ ꞌin Krixtu, ja chkwiꞌ wan chaꞌ tiꞌí ꞌin taꞌa nten wan. Bra nu chkwianꞌ kuxi ꞌin taꞌaan, bra nu xtyaan kiꞌya ꞌin neꞌ, nan nchkwianꞌ chaꞌ kuxi ꞌin nchga chaꞌ nu wa ykwiꞌ Ndiose Stian loꞌo nten ti kulo; nan nsuꞌwa nchkuanꞌ ꞌin chaꞌ kanꞌ. Ngwañaꞌan ndyoꞌo chaꞌ si chkwianꞌ chaꞌ tiꞌí ꞌin taꞌa ntean. Bra nu ja ndukwaan tñan nu wa ngulo Ndiose ꞌin nten ti kulo, bra nu nchkwianꞌ kuxi ꞌin chaꞌ kanꞌ, nan nsuꞌwa nchkuanꞌ ꞌin chaꞌ nu wa ykwiꞌ Ni loꞌoan; ngwañaꞌan ndyoꞌo chaꞌ bra kanꞌ.

SANTIAGO 5:12

ꞌWan taꞌa msñian chaꞌ ꞌin Ndiose, nde ndiya ska tñan nu ja suꞌwe kuꞌnian siyaꞌ ti. Ja siꞌya wan ꞌin Ndiose si ja chkwiꞌ wan ska chaꞌ nu ñi bra nu chkwiꞌ wan loꞌo xka nten; ja chkwiꞌ wan “Chabiyaꞌ ꞌin Ndiose nu ndiꞌin seꞌen tlyu niꞌ kwan”. Kwiꞌ ngwañaꞌan, ja chkwiꞌ wan “Chabiyaꞌ ꞌin ndiose nu nsuꞌwi lo chalyuu”. Ja kulo naan wan ska nan siyaꞌ ti, chaꞌ skanꞌ ska chaꞌ ꞌwan loꞌo nten. Sa kanꞌ ti chaꞌ chkwiꞌ wan loꞌo nten: “Kuꞌniǐn” nchkwin wan, si ka kuꞌni wan tñan kanꞌ; kwiꞌ ngwañaꞌan “Ja kuꞌniǐn” nchkwin wan, si ja ka kuꞌni wan tñan kanꞌ. Ja kaja ñaꞌan xtya Ndiose kiꞌya ꞌwan bra kanꞌ.

SANTIAGO 5:19

ꞌWan taꞌa msñian chaꞌ ꞌin Jesús, bra nu ndiya ska neꞌ taꞌa wan nu wa xiꞌin chunꞌ ti yu nchga chaꞌ suꞌwe nu ꞌin Jesús, suꞌwe ꞌa ka si ndiya ska wan nu ka chkwiꞌ suꞌwe wan loꞌo yu, chaꞌ xñi yu chaꞌ ꞌin Ndiose xiyaꞌ.