SAN MATEO 6:23 - Chatino Zona Alta Occidental

²³ Xa nu tiꞌí kiloan, ja ka kuꞌnian tñan, chaꞌ ja ndyukwi ꞌa xaa ꞌñaan bra kanꞌ. Kwiꞌ ngwañaꞌan ka niꞌ kasiya ꞌwan, bra nu ja ndyukwi xaa ꞌwan chunꞌ ndiꞌin chaꞌ kuxi ꞌwan, ¡siyaꞌ ti ja ka ꞌa xuꞌwi xaa niꞌ kasiya ꞌwan bra kanꞌ! Tla ꞌa kanun tyukwi ñaꞌaan wan loꞌo kasiya ꞌwan bra kanꞌ.

SAN MATEO 6:23 Referans Kwoze

1 SAN JUAN 2:11

Nten nu tiꞌí tiꞌ ꞌin taꞌa nten, ti ndiꞌin ꞌa chaꞌ kuxi niꞌ kasiya ꞌin neꞌ. Sa ñaꞌan lka si ti ndiꞌin neꞌ kanꞌ seꞌen tla, ngwañaꞌan lka neꞌ kanꞌ ndiꞌin neꞌ lo chalyuu, chaꞌ ja nchka tyija lyo tuwiin nu ñi seꞌen tsaa neꞌ. Kanꞌ chaꞌ lye ꞌa ndukunꞌ tla nu nsuꞌwi chalyuu kiloo neꞌ kanꞌ, kanꞌ chaꞌ ja ñaꞌan neꞌ xaa bra kanꞌ.

SAN MATEO 6:22

’Kiloan ni, kanꞌ lka nu nda xaa ꞌñaan tyukwi ñaꞌaan. Xa nu ti suꞌwe ti kiloan, ka ñaꞌaan nchga lo tñan nu ti ndiya chaꞌ kuꞌnian, ka kuꞌnian xkwiꞌ chaꞌ suꞌwe bra kanꞌ.

EFESIOS 4:18

tla ꞌa chalyuu ꞌin neꞌ siyaꞌ ti; kanꞌ chaꞌ ja nchka ka biyaꞌ tiꞌ neꞌ. Ja ndiꞌin chaꞌ ꞌin neꞌ kanꞌ loꞌo chalyuu kwi nu wa nda Ndiose ꞌñaan chaꞌ tyiꞌiin suꞌween tian, chunꞌ chaꞌ ja jlyo tiꞌ neꞌ kanꞌ siyaꞌ ti, chaꞌ ja xlyaa neꞌ xñi neꞌ ska chaꞌ nu ñi.

1 CORINTIOS 2:14

Nten nu ja suꞌwa chaꞌ ꞌin loꞌo Ndiose, ja ka ka biyaꞌ tiꞌ neꞌ kanꞌ ska tñan nu ngiꞌni Ndiose loꞌo Tyiꞌi Ni; ja nchka ka biyaꞌ tiꞌ neꞌ chaꞌ kanꞌ, ja ngiꞌni suꞌwe chaꞌ kanꞌ siyaꞌ ti, nxkeꞌ tiꞌ neꞌ kanꞌ. Ska ti si ndiꞌin Tyiꞌi Ndiose niꞌ kasiya ꞌñaan, bra kanꞌ ka biyaꞌ tianꞌ sa ñaꞌan lka chaꞌ kanꞌ,

ROMANOS 1:22

Ndukwin neꞌ chaꞌ nchga chaꞌ jlyo tiꞌ neꞌ, lye ꞌa ngiꞌni siyeꞌ neꞌ loꞌo taꞌa nten neꞌ ngwañaꞌan; wa mnaꞌ chaꞌ tiya ꞌin neꞌ siꞌya chaꞌ xaꞌan nu ngiꞌni neꞌ.

EFESIOS 5:8

Nu ngwa sꞌni, siyaꞌ ti tla chalyuu ꞌwan; loꞌo ni, wa ndiya xka chalyuu ꞌwan, ti bra nu msñi wan chaꞌ ꞌin Xꞌnaan Jesús. Sa ñaꞌan ngiꞌni nten nu ndiꞌin lo xaa ꞌin Krixtu, ngwañaꞌan ndiꞌin chaꞌ kuꞌni wan seꞌen ndiꞌin wan lo chalyuu ni.

SAN LUCAS 8:10

Mxkwen Jesús ꞌin neꞌ bra kanꞌ: ―ꞌWan nu ndaꞌan wan loꞌoǔn, ndayaꞌ ꞌa Ndiose ꞌwan chaꞌ nchka biyaꞌ tiꞌ wan nchga chaꞌ nu yuꞌwi nchkunꞌ ti nu ngwa sꞌni; kanꞌ chaꞌ ka ꞌwan ka biyaꞌ tiꞌ wan sa ñaꞌan kulo Ndiose tñan ꞌin nten. Xka ta nten ni, xkwiꞌ chaꞌ kutsiꞌ ti nchkwiǐnꞌ loꞌo neꞌ bra nu chkwiǐnꞌ ska chaꞌ tiya loꞌo neꞌ, chaꞌ ngwañaꞌan ja ka biyaꞌ tiꞌ neꞌ, ni siya naꞌan neꞌ nu ngwa xkanꞌ; ja ska chaꞌ kanun ke neꞌ, ni siya wa ynan neꞌ nu ngwa xkanꞌ.

SAN MATEO 20:15

Nsuꞌwi chabiyaꞌ ꞌñaǎn kuꞌniǐn sa ñaꞌan nu nchka tiǎnꞌ kuꞌniǐn loꞌo tñi ꞌñaǎn. ¿Ta chañi a? ¿Ni chaꞌ lka tiꞌí tiꞌ wan ꞌñaǎn sikwa? Suꞌwe liyaꞌ mdaǎn ꞌin nchga msu ꞌñaǎn” ndukwin xꞌnan msu kanꞌ.

SAN MARCOS 7:22

kuꞌni neꞌ kunan chaꞌ nu nsuꞌwi ꞌin taꞌa nten neꞌ, xitukwi tiꞌ neꞌ ꞌin ska nan nu nsuꞌwi ꞌin xka nten, ka tiꞌí tiꞌ neꞌ ꞌin taꞌa nten neꞌ, tukwa chaꞌ ka tiye neꞌ, xaꞌan ꞌa kuꞌni neꞌ, ka liyeꞌ tiꞌ neꞌ, kwentu ꞌa ka neꞌ, siyeꞌ ꞌa chkwiꞌ neꞌ, loꞌo ja ska chaꞌ kuwe tiꞌ neꞌ siyaꞌ ti.

SAN LUCAS 11:34

Loꞌo ꞌwan ni, kiloo wan nda xaa ꞌwan, kanꞌ chaꞌ suꞌwe nchka ñaꞌan wan chalyuu. Bra nu ti suꞌwe nsuꞌwi xaa kiloo wan, bra kanꞌ ka ñaꞌan wan chaꞌ kuꞌni wan nchga loo tñan nu ndiꞌin chaꞌ kuꞌni wan, ka kuꞌni wan xkwiꞌ tñan suꞌwe. Si tiꞌí kiloo wan, ja ka chkanꞌ kiloo wan bra kanꞌ, chaꞌ tla ꞌa xaa kiloo wan bra kanꞌ.