SAN MATEO 27:63 - Chatino Zona Alta Occidental

⁶³ Ykwiꞌ neꞌ loꞌo Pilato bra kanꞌ: ―Yu kula ―ndukwin neꞌ ꞌin Pilato―, nsuꞌwi tiꞌ bare chaꞌ nu ykwiꞌ yu kwiñi kanꞌ xa nu ti luꞌu yu: “Xa mdaꞌa snan tsan, bra kanꞌ tyuꞌuǔn xiyaꞌ” ndukwin yu.

SAN MATEO 27:63 Referans Kwoze

SAN LUCAS 9:22

―Naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten ―ndukwin Jesús―, ndiꞌin chaꞌ lye ꞌa ta neꞌ nu tiꞌí ꞌñaǎn. Ti kwiꞌ ti chaꞌ, kulaa yaꞌ neꞌ wsiya ꞌñaǎn; loꞌo neꞌ nu lka ndloo la, loꞌo mstru nu nduꞌu chaꞌ joꞌo, kulaa yaꞌ neꞌ ꞌñaǎn. Ndiꞌin chaꞌ kujwi neꞌ ꞌñaǎn; loꞌo la taꞌa snan tsan, bra kanꞌ tyuꞌuǔn xiyaꞌ lo chalyuu. Tyoꞌoǔn niꞌ kwaa seꞌen nu suꞌwa neꞌ ꞌñaǎn chaꞌ katsiǐnꞌ.

SAN MATEO 16:21

Loꞌo mdyisnan Jesús ngwaꞌu yu ꞌin neꞌ chaꞌ ndiꞌin chaꞌ tsaa yu kichen Jerusalén. Kichen kanꞌ ta neꞌ kula ꞌin neꞌ judío nu tiꞌí ꞌin yu. Kwiꞌ sti joꞌo nu lka ndloo la, loꞌo mstru nu nduꞌu chaꞌ joꞌo, nchga neꞌ kula kanꞌ ta neꞌ nu tiꞌí ꞌin yu sa ñaꞌan bra nu kujwi neꞌ ꞌin yu. Loꞌo tyuꞌu yu xiyaꞌ la mdaꞌa snan tsan, ndukwin yu.

SAN JUAN 2:19

―Kuꞌni tyii wan naꞌan re ―ndukwin Jesús―, loꞌo chunꞌ snan tsan kwiñaǎn ran xiyaꞌ bra kanꞌ.

SAN LUCAS 18:33

Ti kulo jwiꞌin neꞌ ꞌñaǎn loꞌo ti su, kujwi neꞌ ꞌñaǎn bra kanꞌ. Mdaꞌa snan tsan, tyuꞌuǔn xiyaꞌ bra kanꞌ; ja kanuǔn seꞌen ndiꞌin ayman.

SAN MARCOS 10:34

Bra kanꞌ xtyi lyoꞌo neꞌ kanꞌ ꞌñaǎn, suꞌwa tyiꞌa nsuꞌwi tuꞌwa neꞌ loǔn, jwiꞌin neꞌ kanꞌ ꞌñaǎn loꞌo ti su. Bra kanꞌ jwiꞌin kaꞌan neꞌ kanꞌ ꞌñaǎn lo wsi chaꞌ kajaǎn. Loꞌo bra wa mdaꞌa snan tsan, bra kanꞌ tyuꞌuǔn xiyaꞌ.

SAN MARCOS 8:31

Loꞌo kanꞌ mdyisnan Jesús ngwaꞌu la yu ꞌin neꞌ: ―Ndiose msuꞌwa ꞌñaǎn ndijyaǎn chaꞌ kaǎn nten, loꞌo ndiꞌin chaꞌ tyijiǐn kaꞌan ꞌa nu tiꞌí ―ndukwin Jesús ꞌin neꞌ―. Nde loo la chkwiꞌ ꞌa neꞌ kwentu ꞌñaǎn; loꞌo neꞌ kula, loꞌo sti joꞌo nu lka ndloo la, loꞌo mstru nu nduꞌu chaꞌ joꞌo niꞌ lyaa, nchga neꞌ kanꞌ chkwiꞌ neꞌ chaꞌ nu kwiñi lkaǎn. Kujwi neꞌ ꞌñaǎn bra kanꞌ; loꞌo bra wa mdaꞌa snan tsan, bra kanꞌ tyuꞌuǔn xiyaꞌ.

SAN MATEO 20:19

Kwiꞌ tsaa loꞌo neꞌ ꞌñaǎn tloo neꞌ xka laꞌa tsuꞌ nu lka ndloo la, chaꞌ xtyi lyoꞌo neꞌ ꞌñaǎn bra kanꞌ. Kwiꞌ ngwañaꞌan, jwiꞌin neꞌ ꞌñaǎn loꞌo ti su, jwiꞌin kaꞌan neꞌ ꞌñaǎn lo wsi chaꞌ kujwi neꞌ ꞌñaǎn bra kanꞌ. Loꞌo la taꞌa snan tsan kanꞌ, tyuꞌuǔn xiyaꞌ bra kanꞌ ―ndukwin Jesús.

SAN MATEO 17:23

Kujwi neꞌ kanꞌ ꞌñaǎn bra kanꞌ, kwiꞌ tyuꞌuǔn xiyaꞌ la taꞌa snan tsan bra kanꞌ. Loꞌo ngwa xiꞌin ꞌa tiꞌ neꞌ bra nu wa ynan neꞌ chaꞌ kanꞌ.

SAN MATEO 26:61

―Nde lka chaꞌ nu ykwiꞌ nu kiꞌyu kwa: “Ka ꞌñaǎn kuꞌni tyiǐn laa tnun re ꞌin Ndiose, loꞌo ka ꞌñaǎn kwiñaǎn ꞌin ran xiyaꞌ; chunꞌ snan tsan ti tyii tyaꞌ laa ꞌñaǎn” ndukwin Jesús kwa ―ngwañaꞌan ndukwin nu kwiñi kanꞌ.

2 CORINTIOS 6:8

Ndiya bra nu ngiꞌni tnun nten ꞌwa; xka bra, nchkwiꞌ neꞌ chaꞌ tiꞌí ꞌwa. Nchkwiꞌ neꞌ chaꞌ suꞌwe ꞌwa, kwiꞌ ngwañaꞌan nchkwiꞌ neꞌ chaꞌ kuxi ꞌwa. Ndiya bra nchkwiꞌ neꞌ chaꞌ kwiñi ꞌa ba; xka bra, nchkwiꞌ neꞌ chaꞌ chañi ꞌa chaꞌ nu nchkwiꞌ ba.

SAN JUAN 7:12

Kaꞌan ꞌa chaꞌ nchkwiꞌ neꞌ kichen kanꞌ loꞌo taꞌa neꞌ chaꞌ ꞌin Jesús. Ndiya neꞌ nu nchkwiꞌ: “Suꞌwe ꞌa nten lka yu kwa.” Loꞌo ndiya xka ta nten nu nchkwiꞌ: “Siꞌi. Xkwiꞌ chaꞌ kwiñi nchkwiꞌ yu kwa, nñi lyoꞌo ti yu ꞌin nten.”

SAN LUCAS 23:2

Mdyisnan neꞌ mstya neꞌ kiꞌya ꞌin Jesús bra kanꞌ: ―Wa msñi ba ꞌin yu kiꞌyu re, chaꞌ ndatsaa ꞌa yu ꞌin neꞌ judío taꞌa kichen tyi ba. Ndukwin yu chaꞌ ja nsuꞌwi chabiyaꞌ ta ba tñi nu ndlo neꞌ nu lka tñan ꞌwan, neꞌ romano; loꞌo lye ꞌa nchkwiꞌ yu chaꞌ ykwiꞌ yu lka yu Krixtu, sa ñaꞌan si lka yu ree nu lka ndloo la ꞌwa ―ndukwin neꞌ ꞌin Pilato.

SAN JUAN 7:47

Lye ꞌa ykwiꞌ neꞌ fariseo loꞌo xta bra kanꞌ: ―¿Ta loꞌo wan mñi lyoꞌo yu kwa ꞌwan sikwa a? ―ndukwin neꞌ―.

SAN MATEO 27:64

Kanꞌ chaꞌ suꞌwe la si kulo wan tñan chaꞌ kuꞌni sndaru kwan tuꞌwa kwaa kanꞌ snan tsan, chaꞌ ja ta ꞌa chabiyaꞌ ꞌin neꞌ nu yꞌni xaꞌan chaꞌ ꞌin yu, chaꞌ ja tsaa ꞌa neꞌ kanꞌ kuꞌni neꞌ kunan ꞌin ayman kanꞌ. Ja kaja ñaꞌan chkwiꞌ neꞌ chaꞌ kwiñi chaꞌ wa ndyuꞌu ayman kanꞌ xiyaꞌ bra kanꞌ. Wa msñi nten chaꞌ kwiñi nu ykwiꞌ ayman kanꞌ nu ngwa xkanꞌ; loꞌo ni, si tsaa ñaꞌan tiꞌ nten chaꞌ wa ndyuꞌu ayman kanꞌ xiyaꞌ, tlyu la chaꞌ kwiñi ka si xñi neꞌ chaꞌ kanꞌ.

SAN MATEO 28:6

Ja ndiꞌin yu kanꞌ nde re chaꞌ wa ndyuꞌu yu xiyaꞌ, sa ñaꞌan nu ykwiꞌ yu loꞌo wan nu ngwa xkanꞌ. Kan wan, kan naꞌan wan seꞌen yuꞌwi ayman kanꞌ.

SAN MARCOS 9:31

chaꞌ ngwa tiꞌ yu kwaꞌu la yu ꞌin neꞌ nu ngiꞌni xaꞌan chaꞌ ꞌin yu laja nu ndaꞌan ti neꞌ tuwiin. ―Nsuꞌwi ska nten nu kuꞌni trisiyun ꞌñaǎn ꞌin neꞌ wsiya chaꞌ kuꞌni neꞌ chaꞌ kuxi loꞌoǔn, ni siya wa msuꞌwa Ndiose ꞌñaǎn ndijyaǎn chaꞌ kaǎn nten ―ndukwin Jesús ꞌin neꞌ―. Kujwi neꞌ kanꞌ ꞌñaǎn bra kanꞌ. Xa wa mdaꞌa snan tsan chaꞌ nu wa yjwi neꞌ ꞌñaǎn, bra kanꞌ tyuꞌuǔn xiyaꞌ ―ndukwin Jesús.

SAN LUCAS 18:31

Bra kanꞌ msiꞌya Jesús ꞌin tii tyukwa neꞌ nu ngiꞌni xaꞌan chaꞌ ꞌin yu, chaꞌ tyoꞌ tiꞌin neꞌ seꞌen ndiꞌin yu chaꞌ chkwiꞌ yu loꞌo neꞌ: ―Tsaan nde Jerusalén ni ―ndukwin yu―, seꞌen ka nchga tñan nu ndukwin ayman nu ykwiꞌ chaꞌ ꞌin Ndiose nu ngwa sꞌni; ngwaꞌan neꞌ chaꞌ kanꞌ lo kityi, nchga chaꞌ nu ka ꞌñaǎn, naꞌ nu ndijyaǎn chaꞌ kaǎn nten.