SAN MATEO 25:35 - Chatino Zona Alta Occidental

³⁵ ꞌWan ni, wa mda wan nan ykuǔn chaꞌ mteꞌ tiǎnꞌ mdiꞌiǐn lo chalyuu; xa ngwityi tiǎnꞌ, mda wan tyiꞌa yiꞌoǔn bra kanꞌ. Ja yuꞌwi lyo wan ꞌñaǎn, loꞌo mda wan naꞌan tyi wan mdiꞌiǐn bra kanꞌ;

SAN MATEO 25:35 Referans Kwoze

HEBREOS 13:16

Loꞌo ja ka ndaja tiꞌ wan kuꞌni wan nchga chaꞌ suꞌwe, chaꞌ ngwañaꞌan tayaꞌ wan ꞌin taꞌa nten wan; kanꞌ lka tñan nu ndiya tiꞌ Ni chaꞌ kuꞌnian chaꞌ ꞌin Ni.

SANTIAGO 1:27

Bra nu tyukwi ti tiyean siyaꞌ ti kuꞌnian chaꞌ kti ꞌin Ndiose Stian, loꞌo siꞌi tukwa chaꞌ nsuꞌwi tiyean, nde ndiya chaꞌ kti nu nchka la tiꞌ Ndiose Stian chaꞌ kuꞌnian bra kanꞌ. Ndiꞌin chaꞌ tayaanꞌ ꞌin nu xuwe tiꞌi, kwiꞌ ngwañaꞌan ndiꞌin chaꞌ tayaanꞌ ꞌin nu kunaꞌan nu nganun ska ti, bra nu ndijin ꞌa neꞌ nu tiꞌí lo chalyuu; ti kwiꞌ ti chaꞌ, ja suꞌwe sten yuꞌwian loꞌo ya ñaꞌan ti chaꞌ kuxi nu nsuꞌwi lo chalyuu.

ROMANOS 12:13

Bra nu lyiji ska nan ꞌin ska taꞌa msñi wan chaꞌ ꞌin Krixtu, ndiꞌin chaꞌ kutsaa wan chaꞌ suꞌwe nu ndiꞌin ꞌwan, chaꞌ ta wan nan ꞌin neꞌ kanꞌ, nan nu lyiji ꞌin neꞌ. Nchga bra ta wan naꞌan tyi wan chaꞌ tyiꞌin nten nu mdiyan kichen tyi wan.

ROMANOS 12:20

Loꞌo ngwañaꞌan, ndiya xka chaꞌ nu nchkwiꞌ kityi kanꞌ: “Bra nu ka jwiꞌñan ꞌin neꞌ nu nxuun loꞌo wan” ndukwin, “suꞌwe la si ta wan nan ku neꞌ kanꞌ; bra nu kityi tiꞌ neꞌ, ta wan tyiꞌa koꞌo neꞌ bra kanꞌ. Ngwañaꞌan ta wan chaꞌ jyuꞌu ꞌin neꞌ.” Ngwañaꞌan ndukwa chaꞌ lo kityi.

HEBREOS 6:10

Loꞌo ngwañaꞌan, ñi ꞌa chaꞌ ngiꞌni Ndiose loꞌo nten chalyuu. Ja kjlyaa ꞌa tiꞌ Ni nchga chaꞌ suꞌwe nu wa yꞌni wan, chaꞌ ndayaꞌ ꞌa wan ꞌin neꞌ taꞌa msñian chaꞌ ꞌin Jesús; wa kaꞌan ꞌa tñan yꞌni wan chaꞌ ꞌin neꞌ kanꞌ. Chaꞌ nu wa yꞌni wan ngwañaꞌan, kanꞌ chaꞌ jlyo tiꞌ xka ta nten chaꞌ suꞌwe ꞌa nka tiye wan loꞌo Jesús, loꞌo ti ngiꞌni wan chaꞌ suꞌwe loꞌo neꞌ.

FILEMÓN 1:7

Suꞌwe ꞌa nka tiyeěn ni, ngula tiꞌ niꞌ kasiya ꞌñaǎn chunꞌ nuꞌwin, chaꞌ wa ynaǎn chaꞌ suꞌwe ꞌa nka tiyee ñaꞌaan ꞌin neꞌ taꞌaan, chaꞌ ndayaaꞌ ꞌa ꞌin neꞌ taꞌaan chaꞌ talo neꞌ ꞌin nu tiꞌí. Loꞌo chañi chaꞌ lkaan taꞌaan chunꞌ Jesucristo.

1 TIMOTEO 5:10

Kwaꞌan neꞌ nin neꞌ kula nu chkwiꞌ nten chaꞌ ꞌin neꞌ chaꞌ suꞌwe ꞌa tñan ngiꞌni neꞌ: si wa yꞌni kuꞌu suꞌwe neꞌ ꞌin nu lyuꞌ sñiꞌ neꞌ; si wa mda neꞌ seꞌen ndiꞌin neꞌ xka kichen nu mdiyan naꞌan tyi neꞌ; si wa mdayaꞌ neꞌ ꞌin taꞌa nten ꞌin Jesucristo, ni siya lye tñan mskeꞌ tiꞌ neꞌ; si ngwa tꞌnan tiꞌ neꞌ ꞌin nten nu tiꞌí tiꞌ ꞌin neꞌ. Si ngwañaꞌan xkwiꞌ tñan suꞌwe wa yꞌni neꞌ kula kanꞌ, kwaꞌan yu nin neꞌ lo kityi kanꞌ sikwa.

EFESIOS 4:28

ꞌWan nu yꞌni wan kunan nan nu nsuꞌwi ꞌin nten ti ngwa xkanꞌ, ndiꞌin chaꞌ kulaa yaꞌ wan ꞌin chaꞌ kuxi kanꞌ ni. Kunaan wan tñan suꞌwe la nu kuꞌni wan; suꞌwe la si kuꞌni wan tñan loꞌo yaꞌ wan, chaꞌ ngwañaꞌan kaja chinꞌ nan nu ta wan ꞌin taꞌa wan nu lyiji nan ꞌin.

ROMANOS 16:23

Loꞌo Gayu nchkwiꞌ yu loꞌoǔn chaꞌ chkwiǐnꞌ loꞌo wan chaꞌ ꞌin yu; kwiꞌ naꞌan tyi yu nda yu chaꞌ ndiꞌiǐn, loꞌo nda yu naꞌan tyi yu chaꞌ ndyoꞌ tiꞌin nchga neꞌ re nu ndiꞌin chaꞌ ꞌin loꞌo Krixtu. Bra kanꞌ loꞌo Rastu nu nka ndloo ꞌin tñi kichen re, nchka tiꞌ yu ta yu kasiya ꞌwan; ti kwiꞌ ti chaꞌ nchka tiꞌ Cuarto, yu taꞌaǎn.

LOS HECHOS 16:15

Kanꞌ chaꞌ mdukwatya neꞌ ꞌin Lidia loꞌo nchga taꞌa ndiꞌin ti neꞌ. ―Si chañi chaꞌ lkaǎn nten ꞌin Jesucristo, nka tiye wan ―ndukwin nu kunaꞌan kanꞌ ꞌwa―, kan wan tuꞌ naꞌan tyiǐn, chaꞌ kanun wan chinꞌ seꞌen ndiꞌin bare sikwa. Tyun yaꞌ ykwiꞌ nu kunaꞌan kanꞌ loꞌo ba chaꞌ ja tyaa ꞌa ba, kanꞌ chaꞌ ndyaa ba loꞌo nde naꞌan tyi neꞌ.

LOS HECHOS 11:29

Loꞌo mskanꞌ nten ꞌin Jesús chaꞌ loꞌo taꞌa neꞌ chaꞌ ta neꞌ lomstan ꞌin taꞌa tiꞌi ti neꞌ, neꞌ nu ndiꞌin kichen nde lo yuu ꞌin Judea.

LOS HECHOS 10:31

Ykwiꞌ yu kanꞌ loꞌoǔn: “Cornelio” ndukwin yu, “wa ynan Ndiose chaꞌ nu ykwiiꞌ loꞌo Ni, wa naꞌan Ni chaꞌ suꞌwe ꞌa ngiꞌnii loꞌo neꞌ tiꞌi; kanꞌ chaꞌ ndyuꞌwi tiꞌ Ndiose ꞌiin.

LOS HECHOS 4:32

Ska seꞌen ti ndiꞌin nchga neꞌ nu yten chaꞌ ꞌin Jesucristo; suꞌwa ꞌa yꞌni nchga neꞌ kanꞌ loꞌo taꞌa neꞌ, ska ti chaꞌ lka tiye nchga neꞌ. Mda neꞌ kanꞌ nchga nan nu nsuꞌwi ꞌin neꞌ chaꞌ kunanjoꞌo ꞌin nchga neꞌ loꞌo taꞌa neꞌ.

SAN JUAN 13:29

Ti kwiꞌ Juda ngwa nu ngwiꞌya kwijin tñi seꞌen nu ska tlyu ti nsuꞌwi tñi ꞌin taꞌa neꞌ; kanꞌ chaꞌ ndiya neꞌ kanꞌ nu mskeꞌ tiꞌ chaꞌ wa ngulo Jesús tñan ꞌin yu, chaꞌ tsaa yu xiꞌi yu ska nan nu kunanjoꞌo ꞌin neꞌ chaꞌ ka taꞌa. Loꞌo xka ta neꞌ mskeꞌ tiꞌ neꞌ chaꞌ ndiya ska tñan ꞌin Juda, chaꞌ tsaa loꞌo yu lomstan chaꞌ ta yu ꞌin neꞌ tiꞌi.

SAN LUCAS 11:41

Si tyukwi ti tiye wan ta wan nchga chaꞌ suꞌwe nu nsuꞌwi ꞌwan chaꞌ tayaꞌ wan ꞌin neꞌ tiꞌi, bra kanꞌ tukwa Ndiose tñan nu ngiꞌni wan chaꞌ luwi kasiya ꞌwan.

SAN MARCOS 14:7

Nchga tsan ndiꞌin neꞌ tiꞌi loꞌo wan lo chalyuu re, kanꞌ chaꞌ ka kuꞌni wan chaꞌ suꞌwe loꞌo neꞌ tiꞌi sa ñaꞌan bra nu nchka tiꞌ wan; loꞌo naꞌ ni, wa tyii ti tsan nu tyiꞌiǐn loꞌo wan.

SAN MATEO 26:11

Nchga tsan ndiꞌin neꞌ tiꞌi loꞌo wan lo chalyuu chaꞌ tayaꞌ wan ꞌin neꞌ, loꞌo naꞌ ni, wa tyii ti tsan nu ndiꞌiǐn loꞌo wan.

SAN MATEO 25:40

Loꞌo naꞌ nu lkaǎn ndloo la ti, chkwiǐnꞌ xiyaꞌ loꞌo neꞌ kanꞌ: “Chañi chaꞌ nu nchkwiǐnꞌ loꞌo wan ni, chaꞌ bra nu mdayaꞌ wan ꞌin ska neꞌ taꞌaǎn nu ndiꞌin chaꞌ ꞌin loꞌoǔn, ni siya tiꞌi ꞌa neꞌ taꞌaǎn, kanꞌ ngwa ñaꞌan tiꞌ si mdayaꞌ wan ꞌñaǎn” ―ndukwin Jesús ꞌin neꞌ―.