SAN MATEO 25:32 - Chatino Zona Alta Occidental

³² Ska seꞌen ti tyoꞌ tiꞌin nchga nten ñaꞌaan chalyuu tloǔn bra kanꞌ, chaꞌ kuꞌni biyaǎnꞌ ꞌin neꞌ. Bra kanꞌ suꞌweěn ꞌin nten tukwa seꞌen, sa ñaꞌan nu ngiꞌni nten nu ñaꞌansiin ꞌin slyaꞌ, kwiꞌ ngwañaꞌan kuꞌniǐn; ska laꞌa tyiꞌin ska ta slyaꞌ ꞌin neꞌ, xka laꞌa tyiꞌin xka ta chivu ꞌin neꞌ.

SAN MATEO 25:32 Referans Kwoze

SAN MATEO 13:49

Kwiꞌ ngwañaꞌan ka tsan tnun bra nu tsaa tii chalyuu. Kanꞌ kan angajle chaꞌ suꞌwe taꞌa angajle ꞌin nchga nten, chaꞌ ja suꞌwa tyiꞌin neꞌ nu xaꞌan tiye loꞌo neꞌ nu luwi tiye.

2 CORINTIOS 5:10

Taꞌaan ndiꞌin chaꞌ tsaan nde seꞌen ndukwa Krixtu chaꞌ kuꞌni biyaꞌ Ni ꞌñaan. Loꞌo bra kanꞌ kaja chaꞌ ꞌñaan kwenta skaan, nchga chaꞌ nu ndiꞌin chaꞌ kaja ꞌñaan chunꞌ tñan nu wa yꞌnian kwenta skaan lo chalyuu, ni siya chaꞌ nu suꞌwe, ni siya chaꞌ nu kuxi.

SAN MATEO 3:12

Sa ñaꞌan ngiꞌni nten bra nu nxoꞌ tiꞌin neꞌ nskwaꞌ niꞌ juꞌwa, loꞌo nxoꞌ neꞌ lkaꞌ tlaꞌ xka seꞌen chaꞌ skin ran lo kiiꞌ, ngwañaꞌan suwi Ndiose ꞌin nten, xa nu suꞌwa Ni ꞌin nten xaꞌan chaꞌ skin lo kiiꞌ seꞌen ja tsaa tii ꞌa chaꞌ nchkin. Ngwañaꞌan ngwaꞌu Xuwa ꞌin nten nu ndyaꞌan seꞌen ndiꞌin yu.

SAN JUAN 10:14

’Suꞌwe ꞌa ñaꞌansiǐn ꞌin slyaꞌ ꞌñaǎn. Kwiꞌ ngwañaꞌan, nsuꞌwi lyoǔn ꞌin nten ꞌñaǎn, loꞌo wa ndyaꞌan tiꞌ nten kanꞌ ꞌñaǎn.

1 CORINTIOS 4:5

Loꞌo ꞌwan, ja ndiꞌin chaꞌ xtya wan kiꞌya ꞌin ska nten bra ti; kata wan chinꞌ sa bra nu kan ykwiꞌ Ni nu nka Xꞌnaan, kanꞌ lka nu kuꞌni biyaꞌ ꞌñaan taꞌaan. Bra kanꞌ tyija lyo ꞌin Ni nchga chaꞌ nu nsuꞌwi mnan niꞌ kasiya ꞌñaan, ni siya ska chaꞌ nu ja nchka tianꞌ katsaanꞌ ꞌin taꞌaan nten chalyuu. Katsaꞌ Ni nchga chaꞌ nu nsuꞌwi niꞌ kasiya ꞌin nchga nten chalyuu, loꞌo kanꞌ ta Ni nu suꞌwe ꞌñaan, nchga chaꞌ suꞌwe nu ndukwin Ni chaꞌ kaja ꞌñaan kwenta skaan bra kanꞌ.

ROMANOS 2:16

Ngwañaꞌan ka sikwa, bra nu kuꞌni biyaꞌ Ni ꞌin nchga nten. Tyoꞌo loo nchga chaꞌ nu nsuꞌwi mnan niꞌ kasiya ꞌin neꞌ, bra kanꞌ kulo Ni tñan ꞌin Jesucristo chaꞌ kuꞌni biyaꞌ Ni ꞌin neꞌ. Ngwañaꞌan lka chaꞌ nu nchkwiǐnꞌ loꞌo nten laja nu nduꞌuǔn chaꞌ suꞌwe ꞌin Ndiose ꞌin neꞌ.

ROMANOS 2:12

Neꞌ xka laꞌa tsuꞌ ni, ni siya ja ya kunan neꞌ nchga chaꞌ nu wa ytsaꞌ Moisés ꞌin neꞌ judío, tyii chaꞌ ꞌin neꞌ ngwañaꞌan ti, si ndukwi neꞌ kiꞌya. Kwiꞌ ngwañaꞌan ta Ndiose nu tiꞌí ꞌin neꞌ judío, nu wa ynan chaꞌ nu ñi nu wa ytsaꞌ ayman Moisés ꞌin neꞌ; si nu ndukwi neꞌ kiꞌya, kuꞌni biyaꞌ Ndiose ꞌin neꞌ loꞌo chaꞌ nu ykwiꞌ Moisés kanꞌ loꞌo neꞌ bra kanꞌ. Loꞌo ngwañaꞌan, ska ti biyaꞌ kuꞌni biyaꞌ Ndiose ꞌin nchga nten nu ngiꞌni chaꞌ kuxi.

SAN JUAN 10:27

Sa ñaꞌan nnan slyaꞌ chaꞌ nchkwiꞌ xꞌnan iꞌ, ngwañaꞌan nganan nten ꞌñaǎn xa nu nchkwiǐnꞌ loꞌo neꞌ. Nsuꞌwi lyoǔn ꞌin neꞌ kanꞌ, ndaꞌan neꞌ loꞌoǔn.

SAN MATEO 28:19

Yaa wan nchga kichen lo chalyuu chaꞌ kuꞌni xaꞌan nchga nten chaꞌ ꞌñaǎn. Kwiꞌ tukwatya wan ꞌin neꞌ chabiyaꞌ ꞌin Stiǐn Ndiose, ngwañaꞌan chabiyaꞌ nu ndiꞌin ꞌñaǎn chaꞌ lkaǎn Sñiꞌ Ni, kwiꞌ ngwañaꞌan chabiyaꞌ ꞌin Tyiꞌi Ndiose tukwatya wan ꞌin neꞌ bra kanꞌ.