SAN MATEO 2:6 - Chatino Zona Alta Occidental

⁶ Kichen xuwe ti lka Belén nu ndiya seꞌen ndlo Judea tñan, ndukwin Ndiose. Kichen tyi ska nten nu tnun ꞌa chaꞌ ka ꞌin, ka kichen kanꞌ, ni siya kichen xuwe ti lka ni, ndukwin Ni. Ka yu kiꞌyu kanꞌ ska nu tyuun loo la ti, loꞌo ñaꞌansiin yu ꞌin neꞌ Israel ꞌñaǎn. Ngwañaꞌan ndukwa chaꞌ lo kityi kanꞌ.

SAN MATEO 2:6 Referans Kwoze

SAN JUAN 7:42

Lo kityi kula kanꞌ nchkwiꞌ chaꞌ ska nten taꞌa ayman David ka nten tnun kanꞌ; kichen Belén kala yu kanꞌ, chaꞌ taꞌa kichen tyi ayman David lka yu kanꞌ.

EL APOCALIPSIS 11:15

Wa lka kati yaꞌ ynen ngwaꞌa angajle kuwi chkwan. Kwiꞌ tyun ꞌa nu nganen nchkwiꞌ nde niꞌ kwan bra kanꞌ, kwiꞌ nu nchkwiꞌ chaꞌ re: Sa bra ni nganun tsaa chaꞌ ꞌin nu nka Xꞌnaan, kwiꞌ ngwañaꞌan chaꞌ ꞌin Krixtu, chaꞌ ka Ni ndloo tyukwi ñaꞌaan chalyuu, ndukwin Ni kanꞌ. Loꞌo ni, ja tsaa tii ꞌa chaꞌ kulo Ni tñan lo chalyuu bra kanꞌ.

SAN MATEO 28:18

Mdiyan Jesús kwiꞌ seꞌen la, ykwiꞌ loꞌo neꞌ bra kanꞌ: ―Wa mda Stiǐn Ndiose nchga chabiyaꞌ ꞌñaǎn chaꞌ lkaǎn ndloo ꞌin nchga nan, ni siya nchga nan nu nsuꞌwi seꞌen ndiꞌin Ni nde niꞌ kwan, ni siya nchga nan nu nsuꞌwi lo chalyuu ―ndukwin Jesús ꞌin neꞌ―.

EL APOCALIPSIS 2:27

chaꞌ wa mda Ndiose Stiǐn chabiyaꞌ chaꞌ kaǎn ndloo la. Kwiꞌ ngwañaꞌan, tnun ꞌa chabiyaꞌ ta Ndiose ꞌin neꞌ kanꞌ, bra nu ka neꞌ ndloo ꞌin nten bra kanꞌ, loꞌo lye ꞌa ta neꞌ nu tiꞌí ꞌin nten nu ja xlyaa kunan chaꞌ ꞌin Ni.

COLOSENSES 1:18

Ti kwiꞌ Ni lka Ni ndloo ꞌin nchga ta nten nu ngiꞌni tnun ꞌin Ndiose sa tlyu ti, ti kwiꞌ Ni nda Ni chalyuu ꞌin neꞌ kanꞌ. Ti kwiꞌ Krixtu lka nu kulo ndukwa la ndyuꞌu xiyaꞌ bra nu ngujwi yu, chaꞌ bra kanꞌ ka ꞌin Ni tyukwa Ni seꞌen lka Ni ndloo la ꞌin nchga nan.

SAN MATEO 2:1

Ti kwiꞌ bra nu ngula Jesús nde kichen Belén, ska yu kula nu naan Herodes ngwa ndloo la ꞌin nasiyun kanꞌ. La lo yuu ꞌin Judea, la kanꞌ ndiꞌin kichen Belén kanꞌ. Loꞌo mdiyan chinꞌ nten nu tiya ꞌa nde Judea kanꞌ; mdoꞌo neꞌ tiya kanꞌ nde kichen tijyuꞌ, nde seꞌen ndyoꞌo tukwa kwichaa, mdiyan neꞌ kichen Jerusalén bra kanꞌ. Ykwiꞌ neꞌ tiya kanꞌ loꞌo nten nu ndyukwa taꞌa neꞌ tuwiin:

EFESIOS 1:22

Siyaꞌ ti wa nda Ni nchga nan chaꞌ kulo Krixtu tñan ꞌin ran. Bra kanꞌ mstya Ni ꞌin Krixtu chaꞌ ka yu ndloo ꞌin nchga nten nu msñi chaꞌ ꞌin Krixtu kwenta ska kichen seꞌen ndiꞌin neꞌ, kanꞌ chaꞌ lka Ni Xꞌnan nchga nten chalyuu.

SAN JUAN 21:16

Loꞌo ykwiꞌ Jesús loꞌo yu xiyaꞌ bra kanꞌ: ―Simón, sñiꞌ Jona ―ndukwin―, ¿ta chañi ꞌiin chaꞌ suꞌwe nsuꞌwi tiyee ñaꞌan ꞌñaǎn a? ―Xꞌnaǎn, wa jlyo tiiꞌ chaꞌ suꞌwe ꞌa nsuꞌwi tiyeěn naꞌaǎn ꞌiin ―ndukwin Tyu ꞌin Jesús. ―Ñaꞌansiin ꞌin nten ꞌñaǎn sikwa, ñaꞌan tiꞌ si ñaꞌansiin ꞌin slyaꞌ ꞌñaǎn ―ndukwin Jesús ꞌin yu bra kanꞌ.

HEBREOS 7:14

Wa jlyo tiꞌ neꞌ chaꞌ Juda lka nin Jesús ti bra nu ngula yu; loꞌo bra nu ykwiꞌ ayman Moisés ti ka nu ka sti joꞌo, ja siyaꞌ ykwiꞌ yu chaꞌ ꞌin neꞌ Juda bra kanꞌ.

EL APOCALIPSIS 7:17

Ñaꞌansiin nu lka ñaꞌan tiꞌ slyaꞌ kanꞌ ꞌin neꞌ kanꞌ, chaꞌ ndiꞌin Ni ti kwiꞌ seꞌen nka Ndiose ndloo; ti kwiꞌ Ni tsaa loꞌo Ni ꞌin neꞌ kanꞌ seꞌen kaja tyiꞌa koꞌo neꞌ chaꞌ kaja chalyuu nu kwi ꞌin neꞌ kanꞌ bra kanꞌ. Loꞌo ngwañaꞌan xtyi Ni tyiꞌa kiloo neꞌ kanꞌ, chaꞌ ja kunan ꞌa neꞌ bra kanꞌ.