Kanꞌ chaꞌ sikwa, xñi wan kwenta ꞌwan, ti ykwiꞌ ti wan; kiꞌya wan kwenta sa ñaꞌan nu kuꞌni wan lo chalyuu, chaꞌ wa jlyo tiꞌ wan chaꞌ suꞌwe ꞌa nka tiye Ni ñaꞌan Ni ꞌwan. Kata wan sa ñaꞌan bra nu tiya tsan nu ta Jesucristo nu nka Xꞌnaan chalyuu nu ja tsaa tii ꞌa ꞌñaan, chaꞌ lye ꞌa nchka tꞌnan tiꞌ Ni ꞌñaan.
SAN MATEO 19:16 - Chatino Zona Alta Occidental16 Ngwa ska tsan mdiyan ska nu kiꞌyu kuneꞌ seꞌen ndiꞌin Jesús. ―Mstru, nuꞌwin suꞌwe ꞌa ngiꞌnii nchga tsan ―ndukwin yu ꞌin Jesús―. Kuꞌnii chaꞌ suꞌwe katsaaꞌ ꞌñaǎn, ¿ni sa ñaꞌan chaꞌ suꞌwe kuꞌniǐn chaꞌ kaja chalyuu nu ja tsaa tii ꞌa ꞌñaǎn? ―ndukwin yu. Gade chapit la |
SAN MATEO 19:16
32 Referans Kwoze
Ngwa jlyo tianꞌ chaꞌ wa yan nu lka ska ti Sñiꞌ ykwiꞌ Ndiose lo chalyuu, loꞌo ngwañaꞌan wa mda Ni chabiyaꞌ chaꞌ ka xuꞌwi chaꞌ ꞌñaan loꞌo Ndiose. Loꞌo chañi chaꞌ suꞌwa ka tiyean loꞌo Ndiose ni, chunꞌ chaꞌ suꞌwa nka tiyean loꞌo Jesucristo nu lka Sñiꞌ ykwiꞌ Ni. Chañi chaꞌ Ndiose siyaꞌ ti lka Jesús, kwiꞌ ngwañaꞌan chañi chaꞌ ja tsaa tii ꞌa chalyuu kwi nu ta Ni ꞌñaan.
Ngula Jesucristo lo chalyuu seꞌen ndiꞌin ba, wa naꞌan ba ꞌin yu; kanꞌ lka chaꞌ nu ngitsaꞌ ba ꞌwan ni, chaꞌ chañi ꞌa lka chaꞌ kanꞌ. Nduꞌu ba ꞌwan sa ñaꞌan lka chaꞌ tyukwi tyempu luꞌu Jesucristo, chaꞌ ti kulo ndiꞌin yu loꞌo Ndiose Stian; loꞌo nduꞌu ba ꞌwan sa ñaꞌan ngwa chaꞌ naꞌan ba ꞌin yu lo chalyuu re.
ska chalyuu suꞌwe nu ja tsaa tii ꞌa, kanꞌ lka nu ta Ndiose ꞌin nchga nten nu ngiꞌni chaꞌ suꞌwe, neꞌ nu ja nchka ndaja tiꞌ chaꞌ ngiꞌni neꞌ chaꞌ suꞌwe loꞌo taꞌa nten neꞌ. Xkwiꞌ ndaꞌan chaꞌ tiye neꞌ kanꞌ chaꞌ ꞌin chaꞌ suꞌwe nu nsuꞌwi nde seꞌen ndiꞌin Ndiose, xkwiꞌ nan tyiꞌin suꞌwe ti neꞌ loꞌo Ni, nka tiye neꞌ, xkwiꞌ chaꞌ ꞌin chalyuu kwi nu ndijyan nde loo la nduwe tiꞌ neꞌ.
Kwiꞌ ngwañaꞌan nchga nten nu ndiꞌin chaꞌ tsaa tijyuꞌ chaꞌ kuꞌni neꞌ tñan ꞌñaǎn, nu loꞌo kulaa tiꞌin neꞌ nchga nan nu nsuꞌwi ꞌin neꞌ chaꞌ kuꞌni neꞌ tñan kanꞌ, ja kulaa yaǎnꞌ ꞌin neꞌ kanꞌ ngwañaꞌan ti; ni siya xnun neꞌ naꞌan tyi neꞌ, ni siya taꞌa ngula neꞌ, ni siya sti neꞌ, ni siya jyaꞌan neꞌ, ni siya sñiꞌ neꞌ, ni siya yuu nu nsuꞌwi ꞌin neꞌ, ni siya xnun neꞌ nchga chaꞌ kanꞌ, kaja chalyuu nu ja tsaa tii ꞌa ꞌin neꞌ nde loo la. Kwiꞌ kaja kaꞌan la chaꞌ kanꞌ ꞌin neꞌ kanꞌ xiyaꞌ, sa ñaꞌan nan nu mnaꞌ ꞌin neꞌ kanꞌ, nxkeꞌ tiꞌ neꞌ, ngwañaꞌan nan nu kaja ꞌin neꞌ.
Loꞌo yꞌni ꞌa Jesucristo chaꞌ tlyu tiꞌ ꞌñaǎn bra nu yꞌni tyii Ni kiꞌya nu ndiꞌin ꞌñaǎn; ngwañaꞌan ngwaꞌu Ndiose ꞌin xka ta nten sa ñaꞌan ka xñi neꞌ chaꞌ ꞌin Ni. Sa ñaꞌan nu ngwa tꞌnan tiꞌ Jesús ꞌñaǎn ti kulo, kwiꞌ ngwañaꞌan chka tꞌnan tiꞌ Ni ꞌin nchga nten nu xñi chaꞌ ꞌin Jesús nde loo la, chaꞌ nu ja tsaa tii ꞌa chalyuu ꞌin neꞌ bra kanꞌ, si tsaa ñaꞌan tiꞌ neꞌ ꞌin Ni.
Piblisite