SAN MARCOS 3:20 - Chatino Zona Alta Occidental

²⁰ Xiyaꞌ mdyoꞌ tiꞌin nten kichen seꞌen ndiꞌin Jesús bra kanꞌ. Chaꞌ kaꞌan ꞌa nten ndiꞌin, ja mjwi bra chaꞌ ku yu loꞌo taꞌa ndaꞌan yu.

SAN MARCOS 3:20 Referans Kwoze

SAN MARCOS 6:31

Ykwiꞌ Jesús loꞌo neꞌ kanꞌ bra kanꞌ: ―Tsaan chinꞌ xka seꞌen, seꞌen tyiꞌian ti ykwiinꞌ tian, chaꞌ xitñaꞌ wan chinꞌ ―ndukwin Jesús ꞌin tii tyukwa neꞌ kanꞌ. Ngwañaꞌan ykwiꞌ Jesús loꞌo neꞌ kanꞌ, chaꞌ kaꞌan ꞌa nten nsuꞌwi seꞌen ndiꞌin neꞌ, loꞌo ja yuꞌwi bra ku neꞌ.

SAN LUCAS 6:17

Bra kanꞌ ngwiꞌya Jesús siꞌ kiꞌya kanꞌ loꞌo ñaꞌaan ta nten kanꞌ ꞌin yu, nganun yu ska lo ntenꞌ loꞌo tyun nten nu ngiꞌni xaꞌan chaꞌ ꞌin yu kanꞌ. Loꞌo mdiya kaꞌan la nten seꞌen ndiꞌin Jesús, nten nu mdoꞌo lo yuu ꞌin Judea, loꞌo neꞌ kichen Jerusalén, loꞌo neꞌ kichen Tiro, loꞌo neꞌ kichen Sidón, kichen nu ndiya tuꞌwa tujoꞌo. Wa mdiyan neꞌ la kanꞌ, chaꞌ kunan neꞌ chaꞌ nu chkwiꞌ Jesús loꞌo neꞌ; loꞌo nchka tiꞌ neꞌ chaꞌ kuꞌni Jesús joꞌó ꞌin neꞌ tiꞌí nu ndiya ꞌin neꞌ.

SAN MARCOS 9:28

Chunꞌ ndiꞌin la, bra nu ndyaa Jesús niꞌ ñaꞌan, ykwiꞌ neꞌ nu ngiꞌni xaꞌan chaꞌ ꞌin yu loꞌo yu mnan ti seꞌen ndiꞌin neꞌ ykwiꞌ ti neꞌ bra kanꞌ: ―¿Ni chaꞌ ja ngwa ꞌwa kulo ba ꞌin kwiꞌin nu msñi ꞌin yu tiꞌí kanꞌ? ―ndukwin neꞌ ꞌin Jesús.

SAN MARCOS 7:17

Chunꞌ ndiꞌin la, yaa Jesús niꞌ ñaꞌan. Nganun nten kaꞌan kanꞌ chunꞌ naꞌan ti. Kanꞌ mnichaꞌ nten nu ngiꞌni xaꞌan chaꞌ ꞌin yu, sa ñaꞌan lka chaꞌ nu wa ngwaꞌu yu ꞌin neꞌ tsan ti.

SAN MARCOS 3:9

Naꞌan Jesús chaꞌ kaꞌan ꞌa nten mdiyan seꞌen ndiꞌin yu. Kanꞌ chaꞌ ykwiꞌ yu loꞌo neꞌ nu ngiꞌni xaꞌan chaꞌ ꞌin yu chaꞌ kan loꞌo neꞌ ska yka naꞌan xuwe seꞌen nchka tiꞌ yu tyukwa yu, chaꞌ ja tukwa naꞌan neꞌ ꞌin yu seꞌen nduun yu tuꞌwa tyiꞌa, chaꞌ kaꞌan ꞌa nten ndiꞌin nde kwa.

SAN MARCOS 3:7

Loꞌo ndyaa Jesús tuꞌwa tiyuꞌ loꞌo neꞌ nu ngiꞌni xaꞌan chaꞌ ꞌin yu bra kanꞌ. Kaꞌan ꞌa neꞌ Galilea ndyaa ñaꞌan neꞌ ꞌin yu chaꞌ kunan neꞌ chaꞌ nu nduꞌu yu.

SAN MARCOS 1:45

Ja ynan suꞌwe yu nu ngwa tiꞌí kanꞌ. Mdoꞌo yu ndyaa yu ykwiꞌ yu loꞌo nchga nten sa ñaꞌan ngwa chaꞌ nchkaa yu, kanꞌ chaꞌ ja ngwa ꞌa ꞌin Jesús tyoꞌo taꞌan lo kichen; nganun yu niꞌ kixinꞌ ti seꞌen ja ndiꞌin nten. Loꞌo kaꞌan ꞌa nten mdaꞌan seꞌen ndiꞌin yu, ni siya tijyuꞌ kichen tyi neꞌ, mdoꞌo neꞌ ndyaa neꞌ seꞌen ndiꞌin yu bra kanꞌ.

SAN MARCOS 2:1

Wa mdijin chinꞌ tsan mxitukwi Jesús ndyaa nde kichen Capernaum kanꞌ xiyaꞌ. Bra ti nganen chaꞌ ñaꞌaan kichen chaꞌ wa ngala yu.

SAN MARCOS 3:19

loꞌo ngulo suwi yu ꞌin Juda Iscariote nu yꞌni trisiyun ꞌin Jesús loꞌo nten xaꞌan chunꞌ ndiꞌin la siꞌya tñi. Chunꞌ ndiꞌin la ngala Jesús naꞌan tyi ska nten loꞌo neꞌ nu ngiꞌni xaꞌan chaꞌ ꞌin yu.