SAN MARCOS 15:32 - Chatino Zona Alta Occidental

³² Krixtu lka yu, ree ꞌin neꞌ Israel taꞌaan lka yu, ndukwin yu. Suꞌwe la si kiꞌya yu lo wsi, ti ykwiꞌ ti yu. Ñaꞌan kwiꞌyaan si ka ꞌin yu bra kanꞌ. Tsaa ñaꞌan tianꞌ ꞌin yu bra kanꞌ ―ndukwin neꞌ ꞌin taꞌa neꞌ. Kwiꞌ ngwañaꞌan yu kunan taꞌa ngaꞌan yu lo wsi, loꞌo neꞌ kanꞌ ykwiꞌ neꞌ chaꞌ kuxi ꞌin Jesús.

SAN MARCOS 15:32 Referans Kwoze

SAN MATEO 27:44

Loꞌo yu nu yꞌni kunan, taꞌa mstya neꞌ ꞌin yu lo wsi, loꞌo yu kanꞌ mstyi lyoꞌo yu ꞌin Jesús bra kanꞌ.

2 TIMOTEO 2:18

Ngulaa yaꞌ neꞌ kanꞌ chaꞌ nu ñi ꞌin Ndiose, loꞌo ni, nchkwiꞌ neꞌ kanꞌ, chaꞌ ja ndiꞌin chaꞌ tyuꞌuan xiyaꞌ. “Nan wa ndyuꞌu neꞌ xiyaꞌ, nchga nten nu ndiꞌin chaꞌ tyuꞌu” ndukwin neꞌ kwiñi kanꞌ. Loꞌo ndiya chinꞌ neꞌ taꞌaan nu wa msñi chaꞌ nu nchkwiꞌ neꞌ kanꞌ, loꞌo ni, ja jlyo suꞌwe tiꞌ neꞌ ni ñaꞌan chaꞌ nu yaa ñaꞌan tiꞌ neꞌ ti kulo.

SAN MATEO 1:17

Ngwañaꞌan naan ayman kanꞌ, tii lkwa ta nten wa mdijin neꞌ xa nu ti luꞌu Abraham sa ñaꞌan bra nu ngula ayman David. Loꞌo xka tyii lkwa ta nten mdijin neꞌ xa nu ti luꞌu ayman David, sa ñaꞌan bra nu yaa loꞌo neꞌ xka laꞌa tsuꞌ ꞌin neꞌ Israel nde kichen tyi neꞌ, msuꞌwa neꞌ kanꞌ ꞌin neꞌ Israel niꞌ ñaꞌan chkwan nde kichen Babilonia bra kanꞌ. Loꞌo mdijin xka tyii lkwa ta nten, kanꞌ ngula nu lka Krixtu bra kanꞌ.

ROMANOS 3:3

Ni siya ndiya chinꞌ nten neꞌ judío nu ja ndyaa ñaꞌan tiꞌ ꞌin Ndiose, ja kulaa yaꞌ Ndiose ꞌin nchga neꞌ judío siꞌya nu chinꞌ ti nten kanꞌ.

SAN JUAN 12:13

Ndyaa loꞌo neꞌ lkaꞌ kiñan, loꞌo kwen ꞌa msiꞌya neꞌ bra kanꞌ: ―¡Kuꞌni tnuan ꞌin Stian Ndiose! ―ndukwin neꞌ ꞌin Jesús―. ¡Ndukwan ba ꞌiin chaꞌ ndijyaan loꞌo chabiyaꞌ ꞌin ti kwiꞌ Ni nu nka Xꞌnaan! ¡Ni siya ni ti, ndukwan Ndiose ꞌiin chaꞌ lkaa Ree nu nka ndloo ꞌin neꞌ Israel!

SAN JUAN 1:49

―Mstru ―ndukwin Natanael―, chañi chaꞌ nuꞌwin lkaa ska ti nu lka Sñiꞌ Ndiose, nuꞌwin lkaa ree nu nka ndloo ꞌin neꞌ Israel.

SAN MARCOS 15:26

Ke wsi kanꞌ wa mdiya letra nu ytsaꞌ ni ñaꞌan kiꞌya mstya neꞌ ꞌin Jesús: “Nu nde lka ree ꞌin neꞌ judío” ndukwin letra kanꞌ.

SAN MATEO 27:42

―Ngulaa yu ꞌin xka ta nten; loꞌo ja nchka ꞌin yu kulaa yu ꞌin yu, ti ykwiꞌ ti yu ―ndukwin neꞌ nu lka ndloo kanꞌ―. Ree ꞌin neꞌ Israel lka yu, ndukwin yu. Suꞌwe la si kiꞌya yu lo wsi kwa ni, chaꞌ tsaa ñaꞌan tianꞌ ꞌin yu bra kanꞌ ―ndukwin neꞌ kanꞌ ꞌin taꞌa neꞌ―.

SAN MARCOS 15:27

Ti kwiꞌ tsan kanꞌ, mjiꞌin kaꞌan neꞌ ꞌin tukwa nten nu yꞌni kunan lo wsi kwiꞌ seꞌen ti loꞌo Jesús. Wsi ꞌin ska yu kunan, kanꞌ mduun laꞌa seꞌen kwin ꞌin Jesús, wsi ꞌin xka yu mduun laꞌa seꞌen kaa kanꞌ.