SAN MARCOS 10:47 - Chatino Zona Alta Occidental

⁴⁷ Bra nu mgii tiꞌ yu chaꞌ ndijyan Jesús Nazaret, kwen msiꞌya yu ꞌin Jesús bra kanꞌ: ―¡Yu kula Jesús! ¡Jlyo tiǎnꞌ chaꞌ nten ꞌin ayman David lka wan! ―ndukwin―. Kuꞌni wan chaꞌ suꞌwe chaꞌ chka tꞌnan tiꞌ wan ꞌñaǎn ―ndukwin yu tiꞌí kanꞌ ꞌin Jesús.

SAN MARCOS 10:47 Referans Kwoze

SAN MARCOS 1:24

―¿Ni sa ñaꞌan chaꞌ nchka tiiꞌ chkwiiꞌ loꞌoǔn?, Jesús Nazaret ―ndukwin yu tiꞌí kanꞌ―. ¿Ta wa nchka tiiꞌ kuꞌnii tyii chaꞌ ꞌñaǎn a? ―ndukwin―. Nsuꞌwi lyoǔn ꞌiin. Xkwiꞌ luwi lka nuꞌwin, loꞌo Ndiose msuꞌwa ꞌiin chaꞌ ndijyaan lo chalyuu re.

EL APOCALIPSIS 22:16

Xiyaꞌ ykwiꞌ Jesús bra kanꞌ: ―Wa msuꞌwaǎn angajle ꞌñaǎn ndijyan seꞌen ndiꞌin nchga ta nten ꞌwan la kichen tyi wan. Naꞌ lkaǎn taꞌa ayman David, ti kwiꞌ nten nu ngwa tnun xa nu yan neꞌ lo chalyuu nu ngwa sꞌni. Loꞌo ñaꞌan tiꞌ xaa kwii kulasiin tnun nu ndyoꞌo tukwa bra wa kiꞌya ti xaa, ngwañaꞌan lka xaa nu taǎn chaꞌ xuꞌwi niꞌ kasiya ꞌin nten ―ndukwin Jesús.

SAN MATEO 9:27

Chunꞌ ndiꞌin la mdoꞌo Jesús niꞌ ñaꞌan kanꞌ ndyaa yu, kanꞌ mdaꞌan ñaꞌan tukwa yu kwityiinꞌ ꞌin yu. Msiꞌya yu ꞌin Jesús bra kanꞌ: ―¡Chka tꞌnan tiiꞌ ꞌwa, yu kula! Nuꞌwin lkaa nten taꞌa ayman David ―ndukwin neꞌ ꞌin yu.

SAN JUAN 7:52

―¿Ti kwiꞌ neꞌ Galilea lkaa sikwa a? ―ndukwin taꞌa fariseo ꞌin Nicodemo bra kanꞌ―. Ñaꞌan nuꞌwin chinꞌ lo kityi ꞌin Ndiose nu ngwaꞌan neꞌ nu ngwa sꞌni, chaꞌ ka biyaꞌ la tiiꞌ chaꞌ siꞌi neꞌ Galilea ka nten nu ka chkwiꞌ chaꞌ ꞌin Ndiose loꞌoan.

SAN MATEO 26:71

Bra ti mdoꞌo tsuꞌ Tyu mdyituun yu kwiꞌ seꞌen ti tuloꞌoo kanꞌ. Chunꞌ ndiꞌin la naꞌan xka nu kunaꞌan nu lka msu ꞌin sti joꞌo, ykwiꞌ loꞌo nten nu nduun kwiꞌ seꞌen ti: ―Suꞌwa ti ndaꞌan nu kiꞌyu re loꞌo Jesús Nazaret kwa ―ndukwin nu kunaꞌan kanꞌ bra kanꞌ.

SAN MATEO 15:22

Ngwa ska tsan mdiyan ska nu kunaꞌan ngwa tyi seꞌen ndiꞌin Jesús, msiꞌya ꞌa nu kunaꞌan kanꞌ ꞌin Jesús bra kanꞌ: ―¡Chka tꞌnan tiiꞌ ꞌñaǎn, Xꞌnaǎn! ―ndukwin nu kunaꞌan kanꞌ ꞌin Jesús―. Nuꞌwin lkaa ti kwiꞌ nu lka taꞌa ayman David, kanꞌ chaꞌ kuꞌnii ska chaꞌ suꞌwe loꞌoǔn. Tiꞌí ꞌa sñiěnꞌ, nxlyuu ꞌa kwiꞌin ꞌin sñiěnꞌ lyuu.

LOS HECHOS 6:14

Wa ynan ba chaꞌ nu ykwiꞌ yu re chaꞌ kuꞌni ñuꞌun Jesús kanꞌ ꞌin laa tnun re, ti kwiꞌ jyoꞌo Jesús Nazaret kanꞌ. Kwiꞌ ngwañaꞌan, xka chaꞌ ngwaꞌu yu ꞌin nten, ska chaꞌ nu lka kontra ꞌin chaꞌ nu ngwaꞌan ayman Moisés lo kityi nu ngwa sꞌni; loꞌo ñi ꞌa ngwaꞌan Moisés kanꞌ nchga tñan ꞌin Ndiose nu ndiꞌin chaꞌ kuꞌnian ―ndukwin neꞌ kwiñi kanꞌ ꞌin neꞌ.

SAN JUAN 19:19

Bra kanꞌ ngulo Pilato tñan chaꞌ kwaꞌan neꞌ chaꞌ re ke wsi kanꞌ: “Yu re lka Jesús Nazaret, ree ꞌin neꞌ judío.” Ngwañaꞌan ngwaꞌan neꞌ chaꞌ bra kanꞌ.

SAN JUAN 7:41

Loꞌo xka ta nten ykwiꞌ xka chaꞌ ꞌin yu: ―Yu kwa lka nten nu tnun nchka nu msuꞌwa Ndiose chaꞌ kulaa ꞌñaan, ti kwiꞌ Krixtu lka yu ―ndukwin neꞌ. Loꞌo mxkwen xka ta nten kichen ꞌin taꞌa neꞌ bra kanꞌ: ―¡Siꞌi neꞌ Galilea ka nten tnun nchka kanꞌ!

SAN JUAN 1:46

―¿Ta suꞌwe kichen kanꞌ a? ―ndukwin Natanael―. ¿Ta ndiya nten suꞌwe nde kichen Nazaret kanꞌ a? ―Kaan naꞌaan lyaa chinꞌ ꞌin yu sikwa ―ndukwin Lpe.

SAN LUCAS 4:16

Bra kanꞌ ngala Jesús nde kichen Nazaret, seꞌen nguluu yu. Bra nu mdiya tsan nu nxitñaꞌ neꞌ judío, bra kanꞌ ndyaa yu niꞌ lyaa ꞌin neꞌ, chaꞌ xkwiꞌ ngwañaꞌan ngiꞌni yu tsan kanꞌ. Bra kanꞌ mdyituun Jesús chaꞌ chkwiꞌ yu lo kityi seꞌen ndukwa chaꞌ ꞌin Ndiose;

SAN MATEO 21:11

Mxkwen nten kaꞌan kanꞌ ꞌin neꞌ kichen bra kanꞌ: ―Jesús Nazaret lka yu re. Nde lo yuu ꞌin Galilea ndukwa kichen tyi yu. Kwiꞌ nchkwiꞌ yu chaꞌ ꞌin Ndiose loꞌo nten ―ndukwin neꞌ.

SAN MATEO 21:9

Loꞌo nchga nten msiꞌya ꞌa neꞌ chaꞌ suꞌwe ꞌa nka tiye neꞌ, loꞌo neꞌ nu ndyaa nde loo la, loꞌo neꞌ nu ndijyan nde chunꞌ la, suꞌwe ꞌa nka tiye nchga neꞌ kanꞌ. ―¡Kuꞌni tnun ba ꞌiin! Nuꞌwin lkaa ti kwiꞌ taꞌa ayman ree David nu ndiꞌin chaꞌ kan ―ndukwin neꞌ ꞌin Jesús―. ¡Suꞌwe ꞌa kuꞌni Ndiose loꞌoo chaꞌ ndijyaan chabiyaꞌ ꞌin Ni nu nka Xꞌnaan! ¡Kuꞌni tnuan ꞌin Ndiose ni! ―ndukwin neꞌ.

SAN MATEO 20:30

Tuꞌwa tuwiin seꞌen tyijin neꞌ ndukwa tukwa yu kwityiinꞌ; wa ynan yu kwityiinꞌ kanꞌ chaꞌ ti kwiꞌ Jesús ndijin tuwiin kwa, kanꞌ chaꞌ kwen msiꞌya neꞌ ꞌin yu: ―¡Xꞌnan ba, chkaa tꞌnan tiiꞌ ꞌwa! Jlyo tiꞌ ba chaꞌ ti kwiꞌ nu lka taꞌa ayman David lkaa ―ndukwin yu kwityiinꞌ kanꞌ ꞌin Jesús.

SAN MATEO 12:23

Nduwe ꞌa tiꞌ nchga nten nu naꞌan chaꞌ kanꞌ bra kanꞌ. ―¿Ta ti kwiꞌ yu taꞌa ayman David kanꞌ lka yu kiꞌyu re a? ―ndukwin neꞌ ꞌin taꞌa neꞌ.

SAN MATEO 2:23

ngala neꞌ kichen Nazaret bra kanꞌ. Ti kwiꞌ ti chaꞌ ykwiꞌ ayman nu ykwiꞌ loꞌo nten chaꞌ ꞌin Ndiose nu ngwa sꞌni, bra nu ykwiꞌ neꞌ chaꞌ neꞌ Nazaret ka nu lka Krixtu. Ngwañaꞌan ykwiꞌ ayman kanꞌ nu ngwa sꞌni, kanꞌ chaꞌ ngwañaꞌan yꞌni neꞌ loꞌo Jesús bra kanꞌ.

SAN MATEO 1:1

Nde ndaꞌaǎn sa ñaꞌan nin nchga nten nu ngwa ayman ꞌin Jesucristo, chaꞌ nten taꞌa ayman David lka yu. Kwiꞌ ngwañaꞌan lka yu nten taꞌa ayman Abraham, ni siya sꞌni ꞌa mdiꞌin yu kula kanꞌ.