SAN MARCOS 10:1 - Chatino Zona Alta Occidental

¹ Loꞌo mdoꞌo Jesús kichen Capernaum bra kanꞌ, ndyaa yu tijyuꞌ nde lo yuu ꞌin Judea. Mdijin yu ndyaa yu xka laꞌa tsuꞌ chku Jordán bra kanꞌ. La kanꞌ mdyoꞌ tiꞌin kaꞌan ꞌa nten seꞌen ndiꞌin yu. Ngwaꞌu Jesús ꞌin neꞌ bra kanꞌ, sa ñaꞌan nu nduꞌu yu ꞌin nten nchga kichen seꞌen ndaꞌan yu.

SAN MARCOS 10:1 Referans Kwoze

SAN JUAN 10:40

Kanꞌ chaꞌ ndyaa Jesús xka laꞌa tsuꞌ chku Jordán xiyaꞌ, nde seꞌen mduun Xuwa mdukwatya ꞌin neꞌ nu ngwa ti kulo.

SAN MARCOS 4:2

Kanꞌ kaꞌan ꞌa chaꞌ ykwiꞌ Jesús loꞌo neꞌ, chaꞌ kuꞌni xaꞌan neꞌ nchga chaꞌ nu ngwa tiꞌ yu kwaꞌu yu ꞌin neꞌ. Nde lka ska chaꞌ nu ykwiꞌ yu loꞌo neꞌ:

SAN JUAN 11:7

Chunꞌ ndiꞌin la, ykwiꞌ Jesús loꞌo neꞌ nu ngiꞌni xaꞌan chaꞌ ꞌin yu bra kanꞌ: ―Tyaan lo yuu ꞌin Judea xiyaꞌ ―ndukwin yu.

SAN MARCOS 6:34

Bra wa mdiyan yka naꞌan xuwe ti tuꞌwa tiyuꞌ, mdoꞌo Jesús naꞌan yu chaꞌ kaꞌan ꞌa nten ndiꞌin nde kwa. Tꞌnan ꞌa tiꞌ Jesús ñaꞌan yu ꞌin nten kaꞌan kanꞌ bra kanꞌ; mskeꞌ tiꞌ yu chaꞌ ñaꞌan tiꞌ slyaꞌ nu ja nsuꞌwi nten nu ñaꞌansiin ꞌin iꞌ, ngwañaꞌan ngwa nten kaꞌan kanꞌ. Kanꞌ chaꞌ chan ngwaꞌu yu kaꞌan ꞌa chaꞌ ꞌin neꞌ kanꞌ.

SAN MATEO 4:23

Ndyaa neꞌ nchga kichen nde lo yuu ꞌin Galilea loꞌo Jesús bra kanꞌ. Nchga kichen seꞌen mdaꞌan yu ngwaꞌu yu ꞌin nten niꞌ lyaa ꞌin neꞌ judío; ykwiꞌ yu loꞌo neꞌ sa ñaꞌan lka chaꞌ suꞌwe ꞌin Ndiose, chaꞌ wa ndla ti ka Ndiose ndloo la niꞌ kasiya ꞌin neꞌ. Kwiꞌ ngwañaꞌan, yꞌni yu joꞌó ꞌin nchga nu tiꞌí, nchga kicha nu ndiꞌin ꞌin neꞌ yꞌni Jesús chaꞌ nchkaa neꞌ.

SAN JUAN 18:20

Mxkwen Jesús ꞌin sti joꞌo bra kanꞌ: ―Ya ñaꞌan ti seꞌen mdaꞌaǎn, ñi ykwiǐnꞌ loꞌo nten sa ñaꞌan yaꞌ nu kunan nchga neꞌ―ndukwin yu―. Ni siya niꞌ lyaa xuwe ti, ni siya niꞌ lyaa tnun, nchga seꞌen nu ndyoꞌ tiꞌin neꞌ judío, la kanꞌ ngwaꞌuǔn ꞌin neꞌ; ja siyaꞌ chkwiǐnꞌ mnan ti loꞌo neꞌ.

SAN MARCOS 6:6

Yuwe ꞌa tiꞌ Jesús chaꞌ ja ndyaa ñaꞌan tiꞌ neꞌ kanꞌ ꞌin siyaꞌ ti. Kanꞌ ti mdaꞌan la yu la xka kichen xuwe ti nu ndiꞌin kwiꞌ seꞌen ti, ngwaꞌu yu ꞌin nten la kwa bra kanꞌ.

SAN MARCOS 2:13

Chunꞌ ndiꞌin la mdoꞌo Jesús ndyaa yu nde tuꞌwa tiyuꞌ kanꞌ xiyaꞌ. Loꞌo mdyoꞌ tiꞌin kaꞌan nten seꞌen ndiꞌin yu bra kanꞌ, kanꞌ chaꞌ xiyaꞌ ngwaꞌu yu ꞌin neꞌ.

SAN MATEO 26:55

Loꞌo ykwiꞌ Jesús loꞌo ñaꞌaan ta nten xaꞌan nu ndijyan chaꞌ xñi ꞌin yu: ―¿Ni chaꞌ ndijyan wan loꞌo xtyi wsuun ꞌwan, loꞌo yka ꞌwan, chaꞌ xñi wan ꞌñaǎn a? ―ndukwin Jesús ꞌin neꞌ―. ¿Ta neꞌ nu yꞌni kunan lkaǎn, xkeꞌ tiꞌ wan a? Tyun ꞌa tsan mdiꞌiǐn niꞌ lyaa tnun ꞌwan, ngwaꞌuǔn chaꞌ ꞌin Ndiose ꞌin nten, loꞌo ja msñi wan ꞌñaǎn bra kanꞌ.

SAN MARCOS 1:21

Chunꞌ ndiꞌin la ngala taꞌa neꞌ kichen Capernaum. Xa nu ngwa tsan taꞌa nu nxitñaꞌ neꞌ judío, bra kanꞌ ndyaa Jesús niꞌ lyaa ꞌin neꞌ chaꞌ kwaꞌu yu ꞌin neꞌ.

SAN MARCOS 6:2

Loꞌo ndyaa Jesús niꞌ lyaa kichen kanꞌ tsan nu nxitñaꞌ neꞌ, tsan taꞌa kanꞌ. Nde kwa ngwaꞌu yu ꞌin nten bra kanꞌ. Yuwe ꞌa tiꞌ neꞌ nu ndiꞌin niꞌ lyaa kanꞌ bra nu ynan neꞌ chaꞌ nu ykwiꞌ Jesús loꞌo neꞌ. ―¿La nde yaꞌ yꞌni xaꞌan yu re nchga chaꞌ nu nchkwiꞌ yu? ―ndukwin neꞌ―. ¿Ni sa ñaꞌan ngwa chaꞌ ndiꞌya suꞌwe yu kwenta ꞌin chaꞌ kanꞌ? ¿Ta ndii ꞌa tiꞌ yu a? ―ndukwin neꞌ―. ¿Ni chaꞌ nchka ꞌin yu kuꞌni yu chaꞌ tnun? ―ndukwin neꞌ ꞌin taꞌa neꞌ―.

SAN MARCOS 10:2

Loꞌo mdiyan chinꞌ neꞌ fariseo seꞌen ndiꞌin yu, chaꞌ ngwa tiꞌ neꞌ kanꞌ chaꞌ ka kuxi chaꞌ ꞌin Jesús. Kanꞌ mnichaꞌ neꞌ ꞌin yu: ―¿Ta nda chaꞌ kula nu nsuꞌwi ꞌñaan chabiyaꞌ ꞌñaan chaꞌ kulaa tiꞌin ska nten ꞌin kwilyoꞌo yu a? ―ndukwin neꞌ kanꞌ ꞌin Jesús.

SAN MARCOS 12:35

Ngwa ska yaꞌ mduun Jesús ngwaꞌu yu ꞌin nten niꞌ lyaa tnun kanꞌ, loꞌo mnichaꞌ yu ꞌin neꞌ bra kanꞌ: ―Nduꞌu mstru chaꞌ joꞌo chaꞌ ti kwiꞌ nten taꞌa ayman David ka Krixtu ―ndukwin Jesús ꞌin neꞌ―. ¿Ni chaꞌ nduꞌu mstru kanꞌ ngwañaꞌan?

SAN MARCOS 14:49

Tyun ꞌa tsan naꞌan wan ꞌñaǎn xa nu mdiꞌiǐn niꞌ lyaa tnun, ngwaꞌuǔn chaꞌ ꞌin Ndiose ꞌin nten nde kwa, loꞌo ja msñi wan ꞌñaǎn bra kanꞌ. Jlyo tiǎnꞌ sa ñaꞌan chaꞌ nchka ni, chunꞌ kwiꞌ ngwañaꞌan nchkwiꞌ kityi ꞌin Ndiose chaꞌ ꞌñaǎn.