SAN LUCAS 9:3 - Chatino Zona Alta Occidental

³ Bra kanꞌ ykwiꞌ Jesús loꞌo neꞌ kanꞌ: ―Ja ska nan kwiꞌya wan tsaa wan tuwiin ―ndukwin yu ꞌin neꞌ―, ja loꞌo yka skan ꞌwan, ja loꞌo kwijin ꞌwan, ja loꞌo nan ku wan ꞌwan, ja loꞌo tñi ꞌwan, ja ska kanꞌ kwiꞌya wan tsaa wan ni. Ska ti xkanꞌ wan kwiꞌya wan tsaa wan, ja kwiꞌya wan xka la loo nan.

SAN LUCAS 9:3 Referans Kwoze

SAN LUCAS 22:35

Bra kanꞌ mnichaꞌ Jesús ꞌin neꞌ: ―Bra nu nguloǔn tñan ꞌwan chaꞌ tsaa wan xka kichen nu ja loꞌo kwijin tñi ꞌwan, ja loꞌo xka kwijin, ja loꞌo kanan ꞌwan, ¿ta wa yuꞌwi nan nu lyiji ꞌwan bra kanꞌ a? ―Ja ska nan lyiji ꞌwa bra kanꞌ ―mxkwen neꞌ ꞌin yu.

2 TIMOTEO 2:4

Ska loo ti tñan ngiꞌni sndaru, kanꞌ ndiꞌin chaꞌ kuꞌni yu; ja kuꞌni yu xka loo tñan, chaꞌ nchka tiꞌ yu chaꞌ ka suꞌwe tiye xꞌnan yu loꞌo yu, chaꞌ kanꞌ lka nu ngulo suwi ꞌin yu chaꞌ ka yu sndaru.

SAN LUCAS 12:22

Bra kanꞌ ykwiꞌ Jesús loꞌo neꞌ nu ngiꞌni xaꞌan chaꞌ ꞌin yu: ―Nde lka chaꞌ nu chkwiǐnꞌ loꞌo wan ni: Ja kaꞌan ꞌa chaꞌ tyaꞌan tiye wan nan lka nu lyiji ꞌwan chaꞌ ku wan seꞌen ndiꞌin wan lo chalyuu, loꞌo ja tyaꞌan ꞌa chaꞌ tiye wan chaꞌ ꞌin steꞌ wan.

SAN LUCAS 3:11

Bra kanꞌ ngwaꞌu Xuwa ꞌin neꞌ: ―Nde lka tñan nu kuꞌni wan ―ndukwin Xuwa―. Si nsuꞌwi tukwa ykanꞌ ꞌin ska wan, ta wan ska ꞌin ska nten tiꞌi nu ja nsuꞌwi ꞌin siyaꞌ ti; si nsuꞌwi nan nchku wan, bra kanꞌ suꞌwe wan chinꞌ chaꞌ ta wan ku nten nu ja nsuꞌwi ꞌa nan ku ―ndukwin Xuwa ꞌin neꞌ.

SAN LUCAS 12:28

Kwiꞌ ngwañaꞌan lka chaꞌ ꞌin kii nu ndukwa niꞌ kixinꞌ kwa ni. Ngaluu kii kanꞌ suꞌwe ti; la xka tsan, ja chkanꞌ ꞌa kii kwa chaꞌ wa mkin ran. Ndiose ngiꞌni chaꞌ suꞌwe ꞌa ñaꞌan kii kanꞌ; kwiꞌ ngwañaꞌan ꞌwan, chañi chaꞌ ta Ndiose teꞌ kuꞌ wan, ni siya chinꞌ ti ndyaa ñaꞌan tiꞌ wan ꞌin Ni.

SAN LUCAS 5:29

Chunꞌ ndiꞌin la, kanꞌ yꞌni Leví ska taꞌa tlyu nde naꞌan tyi yu, chaꞌ kuꞌni tnun yu ꞌin Jesús. Mdiyan tyun nten naꞌan tyi yu, loꞌo taꞌa ngiꞌni Leví tñan chaꞌ ndlo tñi ꞌin nten; loꞌo ti ndiꞌin la xka ta nten la kanꞌ.

SAN MARCOS 6:7

Chunꞌ ndiꞌin la msiꞌya Jesús ꞌin tii tyukwa nten nu ngiꞌni xaꞌan chaꞌ ꞌin yu, chaꞌ chkwiꞌ yu loꞌo neꞌ bra kanꞌ. Ngulo yu tñan ꞌin neꞌ kanꞌ, chaꞌ tyoꞌo neꞌ tsaa neꞌ kwenta tukwa ti neꞌ; suꞌwa ti tsaa tukwa neꞌ ska kichen. Loꞌo mda Jesús chabiyaꞌ ꞌin neꞌ chaꞌ kulo neꞌ ꞌin kwiꞌin kuxi nu nsuꞌwi ꞌin nten.

SAN LUCAS 9:4

Nchga naꞌan tyi neꞌ kichen seꞌen nu tiya wan ni, kanꞌ kanun wan sa ñaꞌan yaꞌ nu tyoꞌo wan kichen kanꞌ tyaa wan bra kanꞌ.