SAN LUCAS 5:7 - Chatino Zona Alta Occidental

⁷ kanꞌ chaꞌ yꞌni yaꞌ neꞌ ꞌin taꞌa neꞌ nu ndiꞌin xka niꞌ yka naꞌan kanꞌ, chaꞌ kan neꞌ tayaꞌ neꞌ ꞌin neꞌ. Bra ti yan neꞌ bra kanꞌ, mjwakii neꞌ katan msaꞌan niꞌ nsuꞌwi kula, chaꞌ suꞌwa neꞌ ꞌin ran niꞌ yka naꞌan. Chinꞌ ti chaꞌ ja yten taꞌa tyukwaa yka naꞌan kanꞌ niꞌ tyiꞌa siꞌya chaꞌ teꞌen ꞌa kula kanꞌ.

SAN LUCAS 5:7 Referans Kwoze

FILIPENSES 4:3

Loꞌo nuꞌwin ni, nu suꞌwe ꞌa taꞌa ndaꞌaǎn tñan, nchka tiǎnꞌ chaꞌ tayaaꞌ ꞌin taꞌa tyukwaa neꞌ kula kanꞌ, chaꞌ ka suꞌwe tiye neꞌ kanꞌ loꞌo taꞌa neꞌ. Taꞌa tyukwaa neꞌ kula kanꞌ wa yꞌni ꞌa neꞌ tñan chaꞌ kanen la chaꞌ suꞌwe ꞌin Jesús nu ngwa xkanꞌ; suꞌwa ti yꞌni neꞌ kanꞌ tñan loꞌoǔn, loꞌo Clemente, loꞌo xka neꞌ taꞌa ndaꞌan ba tñan. Wa mdaꞌan nin nchga neꞌ kanꞌ lo kityi ꞌin Ndiose, seꞌen ndukwa nin nten nu kaja chalyuu nu ja tsaa tii ꞌa ꞌin neꞌ.

GÁLATAS 6:2

Kuꞌni suꞌwa tiye wan loꞌo taꞌa nten wan, chaꞌ ka tayaꞌ wan ꞌin neꞌ loꞌo ska chaꞌ tukwi nu ndiꞌin ꞌin neꞌ, chaꞌ ja kuꞌni neꞌ ska chaꞌ kuxi. Ngwañaꞌan ndukwaan suꞌwean nchga tñan nu nda Krixtu ꞌñaan chaꞌ kuꞌnian.

LOS HECHOS 11:25

Chunꞌ ndiꞌin la mdoꞌo Bernabé ndyaa yu kichen Tarso, mdaꞌan naan yu ꞌin Saulo. Xa nu ndyija lyo Saulo ꞌin yu, mdoꞌo yu ndyaan loꞌo yu ꞌin Saulo nde kichen Antioquía xiyaꞌ.

SAN MARCOS 4:36

Loꞌo ngulaa tiꞌin neꞌ ꞌin nten kaꞌan nu ndiꞌin nde kwa bra kanꞌ, yten taꞌa ndaꞌan Jesús niꞌ yka naꞌan seꞌen ndiya yu, seꞌen ngwaꞌu yu chaꞌ ꞌin nten kaꞌan kanꞌ ti tsan la. Mdoꞌo neꞌ ndyaa neꞌ, loꞌo xka la yka naꞌan ndyaa suꞌwa ti.

SAN LUCAS 5:6

Bra kanꞌ ngwañaꞌan yꞌni Simón loꞌo taꞌa yu, loꞌo kaꞌan ꞌa kula mjwi ꞌin neꞌ bra kanꞌ. Chaꞌ kaꞌan ꞌa kula yten niꞌ katan ꞌin neꞌ, kanꞌ chaꞌ mdaaꞌ chinꞌ katan ꞌin neꞌ bra kanꞌ;

SAN LUCAS 5:8

Bra nu naꞌan Tyu Simón nchga kula kanꞌ, ngwa biyaꞌ tiꞌ yu chaꞌ Jesús lka nu wa yꞌni chaꞌ mjwi kula ꞌin neꞌ. Bra ti mduun xtyinꞌ yu tloo Jesús bra kanꞌ, ykwiꞌ yu loꞌo: ―Tyoꞌoo lyaa nde seꞌen ndiꞌiǐn, Xꞌnaǎn ―ndukwin Simón ꞌin Jesús―. Ndiꞌin ꞌa kiꞌya ꞌñaǎn chaꞌ nten chalyuu ti lkaǎn.