SAN LUCAS 23:41 - Chatino Zona Alta Occidental

⁴¹ Ñi ꞌa ndiꞌin chaꞌ ta neꞌ nu tiꞌí ꞌñaan, chaꞌ kanꞌ ndiꞌin chaꞌ ka ꞌñaan siꞌya chaꞌ kuxi nu yꞌnian; loꞌo yu re, ja ska chaꞌ kuxi yꞌni yu re.

SAN LUCAS 23:41 Referans Kwoze

1 SAN PEDRO 1:19

Bra nu ngujwi Krixtu lo wsi, ngalu tnen yu, bra kanꞌ mda yu liyaꞌ loo kiꞌya nu ndiꞌin ꞌñaan, chaꞌ ngwa Krixtu ñaꞌan tiꞌ ska lomstan nu luꞌu nu suꞌwe ꞌa, nu luwi ꞌa siyaꞌ ti; loꞌo tnen Krixtu, kanꞌ lka liyaꞌ nu mstya Ni chaꞌ kulaa Ni ꞌñaan.

SAN MATEO 27:24

Bra nu naꞌan Pilato chaꞌ tlá ꞌa ngiꞌni tloo neꞌ, chaꞌ msinꞌ ꞌa tiꞌ neꞌ, jlyo tiꞌ yu chaꞌ ja xlyaa ꞌa neꞌ kunan neꞌ chaꞌ nchkwiꞌ yu loꞌo neꞌ bra kanꞌ. Kanꞌ chaꞌ ngulo yu tñan ꞌin ska msu chaꞌ kan loꞌo msu kanꞌ ska siꞌyuu tyiꞌa. Mnaꞌ yu tloo nchga nten bra kanꞌ. ―Luwi kanun yaǎnꞌ ―ndukwin yu―, chaꞌ siꞌi chaꞌ ꞌñaǎn kaja yu nu ja ska kiꞌya ndukwi re ―ndukwin Pilato ꞌin neꞌ―. Chaꞌ ꞌwan lka chaꞌ kanꞌ.

SAN MATEO 27:4

―Ndiꞌin kiꞌya ꞌñaǎn ―ndukwin Juda kanꞌ ꞌin yu nu lka ndloo―, chaꞌ wa yjwiǐnꞌ ska nten luwi ꞌwan, chaꞌ kujwi wan ꞌin ―ndukwin. Mxkwen yu nu lka ndloo kanꞌ ꞌin Juda bra kanꞌ: ―Siꞌi chaꞌ ꞌwa lka chaꞌ kanꞌ ―ndukwin neꞌ nu lka ndloo―. Si ndiꞌin kiꞌya ꞌiin, chaꞌ ꞌiin lka kanꞌ.

SANTIAGO 4:7

Tukwa wan chaꞌ ꞌin Ndiose sikwa. Xuun taꞌa wan loꞌo kuneꞌ xaꞌan, loꞌo kanꞌ xnan nu kuxi kanꞌ, tyoꞌo chaꞌ kuxi kanꞌ seꞌen ndiꞌin wan bra kanꞌ.

SAN MATEO 27:54

Loꞌo sndaru nu ndiꞌin kwan ꞌin Jesús, loꞌo capitán ꞌin sndaru kanꞌ, yuwe ꞌa tiꞌ neꞌ bra kanꞌ; lye ꞌa ytsen neꞌ xa nu naꞌan neꞌ sa ñaꞌan ngwa chaꞌ kanꞌ, sa ñaꞌan ngwa xa nu lye ꞌa mñan chalyuu. ―Chañi chaꞌ ska ti nu lka Sñiꞌ Ndiose lka ayman re ―ndukwin sndaru kanꞌ.

SAN MATEO 27:19

Ti nduun nten kaꞌan kanꞌ seꞌen ndiꞌin Pilato, loꞌo ti ndukwa Pilato kanꞌ lo yka xlya tnun seꞌen ngiꞌni biyaꞌ yu chaꞌ ꞌin nten. Kanꞌ mdiyan ska msu seꞌen ndukwa yu, ytsaꞌ msu chaꞌ re nu wa ykwiꞌ kwilyoꞌo Pilato: “Ja ska chaꞌ kuꞌnii loꞌo yu kiꞌyu kwa, nten suꞌwe lka yu kwa” ndukwin nu kunaꞌan kanꞌ ꞌin Pilato. “Tyukwi tla lye ꞌa mdaꞌan chaꞌ tiyeěn chaꞌ ꞌin yu kwa. Wa ykwiꞌ slaǎn chaꞌ ꞌin yu kwa.”

SAN LUCAS 23:40

Bra kanꞌ mxkwen xka yu kunan ꞌin taꞌa yu: ―¿Ja ntseen ꞌin Ndiose sikwa a? Suꞌwa ti nu tiꞌí ndijian taꞌa snaan ni ―ndukwin yu ꞌin taꞌa kunan yu―.

SAN LUCAS 23:42

Bra kanꞌ ykwiꞌ yu kanꞌ loꞌo Jesús: ―Yu kula Jesús ―ndukwin―, tyuꞌwi tiiꞌ ꞌñaǎn xa nu tyisnan chaꞌ kaa ndloo ―ndukwin yu kunan kanꞌ.

1 TESALONICENSES 2:10

Wa naꞌan nchga wan nu ndiꞌin chaꞌ ꞌwan loꞌo Ni, kwiꞌ ngwañaꞌan wa naꞌan Ndiose, chaꞌ xkwiꞌ suꞌwe yꞌni ba seꞌen ndiꞌin wan. Luwi yꞌni ba, ja mdukwi ba kiꞌya bra kanꞌ.

1 SAN PEDRO 2:23

ni siya kuxi ꞌa ykwiꞌ nten loꞌo yu, ja ska ꞌa chaꞌ tlá mxkwen yu ꞌin neꞌ; mda ꞌa neꞌ nu tiꞌí ꞌin yu, loꞌo ja msinꞌ tiꞌ yu ꞌin neꞌ bra kanꞌ. Ska ti loꞌo Ndiose Sti yu ykwiꞌ yu chaꞌ ꞌin chaꞌ kuxi nu ngiꞌni neꞌ loꞌo yu, chaꞌ ska ti Ndiose lka nu ñi ꞌa ngiꞌni biyaꞌ Ni ꞌin nten.