SAN LUCAS 23:35 - Chatino Zona Alta Occidental

³⁵ Loꞌo mdiꞌin ꞌa nten nu ñaꞌan kwiꞌya ꞌin Jesús. Loꞌo neꞌ wsiya mstyi lyoꞌo neꞌ ꞌin Jesús bra kanꞌ. Nde ñaꞌan ykwiꞌ neꞌ loꞌo taꞌa neꞌ: ―Ngulaa yu ꞌin xka la nten nu ngwa xkanꞌ; loꞌo ni, ndiꞌin chaꞌ kulaa yu ꞌin yu, ti ykwiꞌ ti yu, si chañi chaꞌ lka yu Krixtu nu ngulo suwi Ndiose ꞌin ndijyan lo chalyuu re ―ndukwin neꞌ kanꞌ.

SAN LUCAS 23:35 Referans Kwoze

1 SAN PEDRO 2:4

Ti kwiꞌ Krixtu nu nka Xꞌnaan ni, ñaꞌan tiꞌ ska kee nu nsuꞌwi kiyaꞌ naꞌan, ngwañaꞌan lka yu, ni siya luꞌu ykwiꞌ yu. Ndukwin nten chalyuu nu nchka tiꞌ kwiñan naꞌan chaꞌ ja suꞌwe kee kanꞌ; ja ka kuꞌni neꞌ tñan suꞌwe loꞌo ran, ndukwin neꞌ. Loꞌo ti kwiꞌ Jesús lka nu wa ngulo suwi Ndiose ꞌin chaꞌ ka tñan ꞌin Ni, chaꞌ tyukwa yu nde seꞌen ndukwa kiyaꞌ chaꞌ, nchga chaꞌ nu ndiꞌin ꞌin Ndiose. Kanꞌ chaꞌ ndiꞌin chaꞌ sten suꞌwe tiye wan chaꞌ ꞌin Krixtu kanꞌ,

SAN LUCAS 16:14

Loꞌo neꞌ fariseo, chaꞌ nu ndiya ꞌa tiꞌ neꞌ kanꞌ tñi, kanꞌ chaꞌ bra wa ynan neꞌ chaꞌ nu nchkwiꞌ Jesús, mstyi lyoꞌo neꞌ ꞌin yu.

SAN MATEO 12:18

Nde ndiya msu ꞌñaǎn nu wa ngulo suwiǐn ꞌin, ndukwin Ndiose. Ndiya ꞌa tiǎnꞌ ꞌin yu, loꞌo suꞌwe ꞌa nka tiyeěn ñaꞌaǎn ꞌin yu kanꞌ. Kuꞌniǐn chaꞌ kiꞌya Tyiꞌiǐn ykwiǐnꞌ chunꞌ yu, chaꞌ chkwiꞌ yu loꞌo nchga nten, loꞌo nten nu ja lka judío. Kwaꞌu yu ꞌin neꞌ sa ñaꞌan nu ñi ꞌa ngiꞌniǐn biyaǎnꞌ ꞌin nten chalyuu, ndukwin Ni.

SAN MATEO 3:17

Ynen ykwiꞌ Ndiose nde seꞌen ndiꞌin Ni nde niꞌ kwan bra kanꞌ. Nde ñaꞌan ndukwin Ni: ―Nu nde lka Sñiěnꞌ ―ndukwin Ni―. Ndiya ꞌa tiǎnꞌ ꞌin yu, chaꞌ suꞌwe ꞌa nsuꞌwi tiyeěn ñaꞌaǎn ꞌin yu.

SAN LUCAS 23:13

Bra kanꞌ mxoꞌ tiꞌin Pilato ꞌin nchga sti joꞌo nu lka ndloo, loꞌo nchga neꞌ wsiya, loꞌo nchga nten kichen.

SAN LUCAS 23:39

Bra kanꞌ chen ñaꞌan ykwiꞌ ska yu kunan taꞌa ngaꞌan Jesús lo wsi kanꞌ: ―Si chañi chaꞌ Krixtu lkaa, kulaa ꞌiin ti ykwiiꞌ ti sikwa; loꞌo ꞌware, kulaa ꞌwa ―ndukwin yu ꞌin Jesús.