SAN LUCAS 12:21 - Chatino Zona Alta Occidental

²¹ Ngwañaꞌan ka ꞌin nten nu xkwiꞌ chaꞌ ka kuliyaꞌ ti ndaꞌan chaꞌ tiye, loꞌo ja nduwe tiꞌ neꞌ si ka neꞌ nten suꞌwe chaꞌ ꞌin Ndiose.

SAN LUCAS 12:21 Referans Kwoze

SANTIAGO 2:5

ꞌWan taꞌaǎn nu ndiya ꞌa tiǎnꞌ ꞌwan, kiꞌya wan kwenta sa ñaꞌan lka chaꞌ re, chaꞌ wa ngulo suwi Ndiose ꞌin nten nu tiꞌi chaꞌ ka xñi suꞌwe neꞌ chaꞌ ꞌin Ndiose, chaꞌ ta Ni ska chalyuu suꞌwe ꞌin neꞌ kanꞌ bra kanꞌ, ti kwiꞌ chalyuu kwi nu ndukwin Ni chaꞌ kaja ꞌin nten nu suꞌwe ꞌa nka tiye ñaꞌan ꞌin Ndiose. Ni siya tiꞌi ꞌa nten kanꞌ lo chalyuu, kuliyaꞌ ꞌa neꞌ tloo Ndiose.

SAN LUCAS 12:33

Ja kuwe tiꞌ wan, kujwiꞌ wan nan nu nsuꞌwi ꞌwan chaꞌ ta wan tñi ꞌin nten nu tiꞌi. Loꞌo kanꞌ ja ka kasun kwijin seꞌen nsuꞌwi tñi ꞌwan, ja ka tyii nan nu mstya seꞌen wan seꞌen ndiꞌin Ndiose nde niꞌ kwan; nde kanꞌ ja ka ꞌa kuꞌni neꞌ kunan tñi ꞌwan, ja ka ku kwisunꞌ ꞌin ran.

EL APOCALIPSIS 2:9

Jlyo tiǎnꞌ nchga chaꞌ nu ngiꞌni wan” ndukwin Ni. “Jlyo tiǎnꞌ chaꞌ tiꞌí ꞌa tiꞌ nten ꞌwan, chaꞌ tiꞌi ꞌa wan chaꞌ ꞌin neꞌ kanꞌ, ni siya ñi la nchkwianꞌ chaꞌ ndyuꞌwi lyo ꞌa wan chaꞌ ꞌñaǎn” ndukwin Ni. “Loꞌo ngwañaꞌan, jlyo tiǎnꞌ chaꞌ kuxi ꞌa nchkwiꞌ nten ꞌwan. Nchkwiꞌ neꞌ chaꞌ sñiꞌ Ndiose lka ykwiꞌ neꞌ; loꞌo ska chaꞌ kwiñi nu ngiꞌni ti neꞌ lka chaꞌ kanꞌ, chaꞌ suꞌwa ndiꞌin chaꞌ ꞌin neꞌ kanꞌ loꞌo Satanás” ndukwin Ni.

ROMANOS 2:5

Ja xlyaa wan kunan wan chaꞌ nu nchkwiꞌ Ndiose loꞌo wan, ja jyuꞌu tiꞌ wan siyaꞌ ti; kanꞌ chaꞌ ndiꞌin chaꞌ ta Ndiose nu tiꞌí ꞌwan bra nu tiya tsan nu ñaꞌan nchga nten chalyuu chaꞌ ñi ꞌa kuꞌni biyaꞌ Ni ꞌin nten.

SAN LUCAS 16:11

Si ja nchka ñaꞌansiin wan ska chaꞌ suꞌwe nu nsuꞌwi ꞌwan lo chalyuu, ti kwiꞌ ti chaꞌ, ja ta Ndiose ska tñan suꞌwe la chaꞌ kuꞌni wan chaꞌ ꞌin Ni.

SAN LUCAS 6:24

’Tꞌnan ꞌa ꞌwan neꞌ kuliyaꞌ; suꞌwe ꞌa ngwa tiye wan nu ngwa sꞌni la; nu ka nde loo la, ja ka ꞌa suꞌwe ka tiye wan bra kanꞌ ―ndukwin―.

2 CORINTIOS 6:10

Ni siya chañi chaꞌ xiꞌin ꞌa tiꞌ ba chunꞌ nu tiꞌí nu ndijin ba, loꞌo suꞌwe lka tiye ba seꞌen ndiꞌin ba; chañi chaꞌ tiꞌi ꞌa ba, loꞌo ndyiji jwersa ꞌwa chaꞌ tayaꞌ ba ꞌin kaꞌan nten. Ni siya ja ska nan nsuꞌwi ꞌwa siyaꞌ ti chaꞌ ndiꞌin ba lo chalyuu; kwiꞌ Ndiose nsuꞌwa yaꞌ ꞌwa, nchga nan nsuꞌwi ꞌwa bra kanꞌ.

1 TIMOTEO 6:9

Ndiya nten nu nchka ꞌa tiꞌ chaꞌ ka kuliyaꞌ la neꞌ. Ja suꞌwe chaꞌ kanꞌ, chaꞌ bra kanꞌ tatsaa ꞌa kuneꞌ xaꞌan ꞌin neꞌ chaꞌ sten la neꞌ chaꞌ kuxi; chunꞌ ndiꞌin la tyii chalyuu ꞌin neꞌ bra kanꞌ, kanaꞌ kasiya ꞌin neꞌ.