SAN LUCAS 12:1 - Chatino Zona Alta Occidental

¹ Wa mdyoꞌ tiꞌin tyun ꞌa mi nten seꞌen ndiꞌin Jesús bra kanꞌ. Tkanꞌ ꞌa ndiꞌin neꞌ kanꞌ, sa ñaꞌan yaꞌ nu ndyoꞌo sta neꞌ kiyaꞌ taꞌa neꞌ. Bra kanꞌ ykwiꞌ Jesús loꞌo neꞌ nu ngiꞌni xaꞌan chaꞌ ꞌin yu: ―Chaꞌ tiya ti tiꞌ wan sa ñaꞌan tñan nu ngiꞌni neꞌ fariseo, neꞌ nu kti ꞌa ngiꞌni, nxkeꞌ tiꞌ neꞌ.

SAN LUCAS 12:1 Referans Kwoze

1 SAN PEDRO 2:1

Loꞌo ꞌwan ni, ndiꞌin chaꞌ kulaa yaꞌ wan nchga chaꞌ kuxi nu nsuꞌwi tiye wan ñaꞌan wan ꞌin taꞌa nten wan: ja kwiñi lyoꞌo wan ꞌin taꞌa wan, ja xuꞌwi tukwa chaꞌ tiye wan, ja xitukwi tiꞌ wan ꞌin ska nan nu nsuꞌwi ꞌin taꞌa nten wan, ja chkwiꞌ wan kwentu ꞌin taꞌa nten wan.

SANTIAGO 3:17

Nchga chaꞌ nu nda Ndiose ꞌñaan chaꞌ chkwianꞌ loꞌo nten, xkwiꞌ chaꞌ suꞌwe lka kanꞌ; ja mxtiyaaꞌ chaꞌ suꞌwe kanꞌ loꞌo chaꞌ kuxi, ja ngiꞌni ran chaꞌ xuan loꞌo taꞌa ntean. Xkwiꞌ chaꞌ suꞌwe nda Ni chaꞌ chkwianꞌ loꞌo nten, chaꞌ xkwiꞌ chaꞌ suꞌwe kuꞌnian loꞌo neꞌ bra kanꞌ. Kwiꞌ ngwañaꞌan, xa wa ynaan chaꞌ kanꞌ, ndiꞌin chaꞌ chka tꞌnan tianꞌ ꞌin nten, chaꞌ kuꞌnian chaꞌ suꞌwe nu tayaanꞌ ꞌin nten; ska ti chaꞌ nu ñi chkwianꞌ loꞌo nten, ja chkwianꞌ tukwa chaꞌ loꞌo neꞌ.

SAN LUCAS 12:56

¡Kwiñi ꞌa ꞌwan! Nchka biyaꞌ tiꞌ wan ska nan nu ñaꞌan wan nde niꞌ kwan; wa nsuꞌwi lyo wan chaꞌ kanꞌ. ¿Ni chaꞌ lka ja ndii ꞌa tiꞌ wan siyaꞌ ti nan ka nu nchka ꞌwan lo chalyuu re ni? ―ndukwin Jesús ꞌin neꞌ.

1 CORINTIOS 15:3

Ti kulo wa ytsaǎnꞌ ꞌwan nchga chaꞌ ꞌin Jesucristo nu ngwaꞌu neꞌ ꞌñaǎn. Nde lka chaꞌ nu ngwaꞌuǔn ꞌwan, chaꞌ ngujwi Krixtu lo wsi chaꞌ kuꞌni tyii kiꞌya nu ndukwian; ti kwiꞌ ñaꞌan chaꞌ nu ndukwa lo kityi kula chaꞌ ka ꞌin Krixtu, kwiꞌ ngwañaꞌan ngwa.

LOS HECHOS 21:20

Bra wa ynan neꞌ chaꞌ kanꞌ, yꞌni tnun neꞌ ꞌin Ndiose bra kanꞌ. Kanꞌ ykwiꞌ neꞌ loꞌo Palyu: ―Suꞌwe ꞌa sikwa ―ndukwin neꞌ ꞌin yu―. Loꞌo ni, jlyo tiiꞌ chaꞌ wa ndiya tyun mi neꞌ judío taꞌaan nu wa msñi chaꞌ ꞌin Jesús ti ngwa sꞌni la. Ndukwin neꞌ kanꞌ chaꞌ nchgaan ndiꞌin chaꞌ tukwaan nchga chaꞌ kula nu wa mdatsaa ayman Moisés ꞌñaan nu ngwa sꞌni chaꞌ kuꞌnian ―ndukwin neꞌ―.

SAN LUCAS 11:44

’¡Tꞌnan ꞌa ꞌwan, neꞌ fariseo!, loꞌo ꞌwan mstru nu nduꞌu chaꞌ joꞌo, chaꞌ lye ꞌa ngiꞌni kti wan tloo nten. Sa ñaꞌan lka ska kwaa nu ndiya niꞌ lyoꞌoo ꞌin ayman, seꞌen nu ja ska nan nchkunꞌ chunꞌ, ni siya kee ja nskwa; bra kanꞌ ndyoꞌo sta nten chunꞌ ran, chaꞌ ja jlyo tiꞌ neꞌ chaꞌ kwaa lka ran. Ngwañaꞌan lka wan, chaꞌ nu kwiñi lyoꞌo ti wan ꞌin nten nu ja ndii tiꞌ sa ñaꞌan lka wan.

SAN LUCAS 6:17

Bra kanꞌ ngwiꞌya Jesús siꞌ kiꞌya kanꞌ loꞌo ñaꞌaan ta nten kanꞌ ꞌin yu, nganun yu ska lo ntenꞌ loꞌo tyun nten nu ngiꞌni xaꞌan chaꞌ ꞌin yu kanꞌ. Loꞌo mdiya kaꞌan la nten seꞌen ndiꞌin Jesús, nten nu mdoꞌo lo yuu ꞌin Judea, loꞌo neꞌ kichen Jerusalén, loꞌo neꞌ kichen Tiro, loꞌo neꞌ kichen Sidón, kichen nu ndiya tuꞌwa tujoꞌo. Wa mdiyan neꞌ la kanꞌ, chaꞌ kunan neꞌ chaꞌ nu chkwiꞌ Jesús loꞌo neꞌ; loꞌo nchka tiꞌ neꞌ chaꞌ kuꞌni Jesús joꞌó ꞌin neꞌ tiꞌí nu ndiya ꞌin neꞌ.

SAN LUCAS 5:15

Nchga tsan wa nganen la chaꞌ ꞌin Jesús bra kanꞌ, chaꞌ nchkwiꞌ ꞌa nten chaꞌ ꞌin. Kanꞌ chaꞌ kaꞌan ꞌa nten mdyoꞌ tiꞌin seꞌen ndiꞌin Jesús, chaꞌ kunan neꞌ nchga chaꞌ nu chkwiꞌ yu loꞌo neꞌ, chaꞌ kuꞌni yu chaꞌ chkaa nu tiꞌí ꞌin neꞌ.

SAN LUCAS 5:1

Ngwa ska tsan ndyaa Jesús tuꞌwa tiyuꞌ Genesaret. Tyun ꞌa nten mdaꞌan loꞌo yu. Loꞌo kanꞌ kaꞌan ꞌa nten mdiꞌin nde seꞌen mduun yu tuꞌwa tiyuꞌ kanꞌ, chaꞌ ngwa tiꞌ neꞌ kunan neꞌ chaꞌ nchkwiꞌ yu chaꞌ ꞌin Ndiose.

HEBREOS 12:22

Loꞌo siꞌi ngwañaꞌan nchka ꞌwan ni, chaꞌ xka chalyuu kwi tsaa wan ni, ti kwiꞌ seꞌen ndiꞌin Ndiose ykwiꞌ nde niꞌ kwan. La kanꞌ ndiꞌin Ndiose loꞌo tyun ꞌa mi angajle ꞌin Ni. Suꞌwe ꞌa ñaꞌan la kanꞌ; ñaꞌan tiꞌ si wa ndukwa xka kiꞌya Sión nde niꞌ kwan, ñaꞌan tiꞌ si nde kwa nskwa xka kichen Jerusalén nu suꞌwe la ñaꞌan, ngwañaꞌan lka la kanꞌ.